Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightകോവിഡ്​ വൈറസിനെതിരെ...

കോവിഡ്​ വൈറസിനെതിരെ ആൻറിബോഡി വികസിപ്പി​ച്ചതായി​​ ഇസ്രായേൽ 

text_fields
bookmark_border
കോവിഡ്​ വൈറസിനെതിരെ ആൻറിബോഡി വികസിപ്പി​ച്ചതായി​​ ഇസ്രായേൽ 
cancel

ജെറുസലേം: രാജ്യത്തെ പ്രധാന ബയോളജിക്കൽ റിസർച്ച് ഇൻസ്റ്റിറ്റ്യൂട്ടിലെ ശാസ്ത്രജ്ഞർ കൊറോണ വൈറസ്​ പ്രതിരോധത്തിന്​ ഫലപ്രദമായ ആൻറിബോഡി വികസിപ്പിച്ചെടുത്തതായി ഇസ്രായേൽ. ആൻറിബോഡി ക​ണ്ടെത്താനുള്ള സുപ്രധാന വഴിത്തിരിവിൽ ശാസ്ത്രജ്ഞർ എത്തിയെന്നതിൽ അഭിമാനിക്കുന്നെന്ന് ഇസ്രായേൽ പ്രതിരോധ മന്ത്രി നഫ്താലി ബെന്നറ്റ് പ്രസ്​താവനയിലൂടെ അറിയിച്ചു. ഗവേഷകർ ആൻറിബോഡിയുടെ പേറ്റൻറ്​, ചികിത്സക്കായി വൻതോതിലുള്ള ഉൽ‌പാദനം തുടങ്ങിയ ഘട്ടങ്ങളിലേക്ക്​  നീങ്ങിയിട്ടുണ്ട്​. 

കൊറോണ വൈറസിനായി വാക്സിൻ വികസിപ്പിക്കാനായി ​ശ്രമം നടത്തുന്ന നെസ് സിയോണയിലെ ഇസ്രായേൽ ഇൻസ്റ്റിറ്റ്യൂട്ട് ഫോർ ബയോളജിക്കൽ റിസർച്ചിൻെറ (ഐ.ഐ.ബി.ആർ) ലാബുകൾ  പ്രതിരോധ മന്ത്രി സന്ദർശിച്ചു. ആൻറിബോഡിക്ക്​ മോണോക്ലോണൽ രീതിയിൽ വൈറസിനെ ആക്രമിക്കാനും രോഗികളുടെ ശരീരത്തിനുള്ളിൽ നിന്ന്​ അതിനെ നിർവീര്യമാക്കാനും കഴിയുമെന്ന്​ ബെന്നറ്റ്​ പ്രസ്താവനയിലൂടെ അറിയിച്ചു.

ആൻറിബോഡിയുടെ വികസനം പൂർത്തിയായിട്ടുണ്ടെന്നും കണ്ടെത്തലിന് പേറ്റൻറ്​ നേടാനുള്ള ശ്രമത്തിലാണ് ഇൻസ്റ്റിറ്റ്യൂട്ടെന്നും ഗവേഷകർ അന്താരാഷ്ട്ര കമ്പനികളെ സമീപിച്ച് വാണിജ്യാടിസ്ഥാനത്തിൽ ആൻറിബോഡി ഉത്പാദിപ്പിക്കുമെന്നും മന്ത്രി പ്രസ്താവനയിൽ പറയുന്നു. എന്നാൽ ആൻറിബോഡി മനുഷ്യരിൽ പരീക്ഷിച്ചിട്ടുണ്ടോയെന്ന്​ വ്യക്തമാക്കിയിട്ടില്ല. 

മാർച്ചിൽ  ഇസ്രായേലി ദിനപത്രമായ ഹാരെറ്റ്സ്, ഇൻസ്റ്റിറ്റ്യൂട്ടിലെ ശാസ്ത്രജ്ഞർ വൈറസിൻെറ ജൈവശാസ്ത്രപരമായ ഘടനയും ഗുണങ്ങളും മനസിലാക്കുന്നതിൽ സുപ്രധാനമായ മുന്നേറ്റം നടത്തിയതായി റിപ്പോർട്ട് ചെയ്തിരുന്നു. ഇസ്രായേൽ ഡിഫൻസ് ഫോഴ്സസ്​ സയൻസ് കോർപ്സിന്റെ ഭാഗമായി 1952 ൽ സ്ഥാപിതമായ സ്ഥാപനമാണ്​ ഐ.ഐ.ബി.ആർ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Israelworld newsantibodyCoronavirus#Covid19
News Summary - Developed Antibody Against Coronavirus- Israel - World news
Next Story