You are here

സ്​പെയിനിൽ ലോക്​ ഡൗണിൽ ഇളവ്​; ബാറുകളും റെസ്​റ്റോറൻറുകളും തുറക്കും

10:37 AM
25/05/2020
കോവിഡ്​ പ്രതിരോധത്തിൽ സർക്കാർ പരാജയപ്പെട്ടുവെന്നാരോപിച്ച്​ സ്‌പെയിനിലെ മലാഗയിൽ തീവ്ര വലതുപക്ഷ പാർട്ടിയായ വോക്‌സ് സംഘടിപ്പിച്ച പ്രതിഷേധം

മാഡ്രിഡ്​: സ്​പെയിനിൽ തിങ്കളാഴ്​ച മുതൽ ലോക്​ഡൗണിൽ ഇളവുനൽകാൻ തീരുമാനം. മാഡ്രിഡിലെയും ബാഴ്‌സലോണയിലെയും റെസ്റ്റോറൻറുകളും ബാറുകളും തുറക്കും. പുറത്തുള്ള ഇരിപ്പിടങ്ങളിൽ 50 ശതമാനം ഉപയോഗിക്കാം എന്ന നിബന്ധനയോടെയാണ്​ ഇത്​. ബീച്ചുകളിലും ആളുകൾക്ക്​ പ്രവേശനം അനുവദിക്കും. 

സ്പെയിനിൽ ഏറ്റവും കൂടുതൽ കോവിഡ്​ റിപ്പോർട്ട്​ ചെയ്​ത പ്രദേശങ്ങളാണ് ഈ രണ്ട് നഗരങ്ങൾ. രാജ്യത്ത്​കോവിഡ്​ ബാധിച്ച്​ മരിച്ച 28,752ൽ 15,00ലേറെ പേരും ഇവിടത്തുകാരാണ്​. 

അതേസമയം, പ്രവിശ്യകൾക്കിടയിലുള്ള യാത്രാ നിരോധനം ജൂൺ അവസാനം വരെ നീട്ടി. അന്താരാഷ്ട്ര ടൂറിസ്റ്റുകൾക്ക്​ ജൂലൈ വരെ രാജ്യത്ത്​ പ്രവേശിക്കാൻ അനുവാദമില്ല. 

കഴിഞ്ഞ 24 മണിക്കൂറിനുള്ളിൽ 70 പേരാണ്​ സ്​പെയിനിൽ മരിച്ചത്​. തുടർച്ചയായി എട്ടാം ദിവസമാണ്​ 100 ൽ താഴെ മരണം  റിപ്പോർട്ട് ചെയ്യുന്നത്​. മാർച്ച് മാസം തുടക്കത്തിൽ 900 ലധികം പേരാണ്​ ദിവസേന മരണപ്പെട്ടിരുന്നത്​.

Loading...
COMMENTS