കോവിഡ്​ വാക്​സിൻ സെപ്​റ്റംബറോടെ

ലണ്ടൻ​: കോവിഡിനെതിരായ വാക്​സിൻ സെപ്​റ്റംബറോടെ തയാറാകുമെന്ന്​ ഓക്​സ്​ഫഡ്​ സർവകലാശാല ഗവേഷകർ. അടുത്ത രണ്ടാഴ ്​ചക്കുള്ളിൽ വാക്​സിൻ മനുഷ്യരിൽ പരീക്ഷിച്ചുതുടങ്ങുമെന്നും ഇത്​ ഫലപ്രദമാകുമെന്ന്​ ആത്​മവിശ്വാസമുണ്ടെന്നും ഗവേഷക സംഘത്തി​​െൻറ തലവൻ പ്രഫ. സാറ ഗിൽബർട്​ അവകാശപ്പെട്ടു. രോഗപ്പകർച്ച കുറച്ച മറ്റു സ്​ഥലങ്ങളിൽ പരീക്ഷണം നടത് താനാണ്​ തീരുമാനം. 21 കോടിയാണ്​ വാക്​സിൻ വികസനത്തിന്​ ബ്രിട്ടൻ ഉപയോഗിക്കുക.

ഇന്ത്യയിൽനിന്ന്​ മരുന്ന്​; നന്ദി പറഞ്ഞ്​ ബ്രിട്ടൻ
ലണ്ടൻ: ഇന്ത്യയിൽ നിന്ന്​ 30 ലക്ഷം പാരസെറ്റമോൾ പാക്കറ്റുകളുടെ ആദ്യഘട്ടം ഞായറാഴ്​ച ലണ്ടനിലെത്തും. കോവിഡ്​-19നെ തുടർന്ന്​ നിരോധനമേർപ്പെടുത്തിയതിനു ശേഷവും കയറ്റുമതിക്ക്​ അനുമതി നൽകിയതിന്​ ബ്രിട്ടൻ ഇന്ത്യക്ക്​ നന്ദിയറിയിച്ചു. ലോകം മുഴുവൻ പ്രതിസന്ധി നേരിടുന്ന ഘട്ടത്തിലും ഇരുരാജ്യങ്ങളും സഹകരിച്ച്​ മുന്നോട്ടുപോകുന്നുവെന്നതി​​െൻറ പ്രതീകമാണിതെന്ന്​ കോമൺവെൽത്ത്​-ദക്ഷിണേഷ്യൺ സഹമന്ത്രി താരീഖ്​ അഹ്​മദ്​ പറഞ്ഞു. ബ്രിട്ടനിലേക്ക്​ മടങ്ങാൻ ആഗ്രഹിക്കുന്ന ബ്രിട്ടീഷ്​ പൗരൻമാർക്കാവശ്യമായ സഹായം ലഭ്യമാക്കാനായി ലണ്ടനിലെ ഇന്ത്യൻ ഹൈകമ്മീഷനിലെ ഉദ്യോഗസ്​ഥരുമായും വിദേശകാര്യ മന്ത്രാലയുവുമായും നിരന്തരം ബന്ധപ്പെടുകയാണെന്നും അദ്ദേഹം കൂട്ടിച്ചേർത്തു.

ആമസോണിലും കോവിഡ്
ആമസോൺ മഴക്കാടുകളിലെ ഗോത്രവർഗക്കാരൻ കോവിഡ്​ ബാധിച്ച്​ മരിച്ചു. അൽവാനി ക്​സിരിസേന എന്ന 15 കാരനാണ്​ ചികിത്സക്കിടെ മരിച്ചതെന്ന്​ റോയി​ട്ടേഴ്​സ്​ റിപ്പോർട്ട്​ ചെയ്​തു. ആമസോണിലെ ഗോത്രവർഗവിഭാഗത്തിലേക്ക്​ കോവിഡ്​ എത്തിയതെങ്ങനെയെന്ന ആശങ്കയിലാണ്​ ബ്രസീലിലെ ആരോഗ്യ അധികൃതർ. അൽവാനിയെ കൂടാതെ 87 വയസ്സുള്ള സ്​ത്രീയും മറ്റൊരു ഗോത്രവർഗക്കാരനും കോവിഡ്​ ബാധിച്ച്​ മരിച്ചതായും സ്​ഥിരീകരിച്ചിട്ടുണ്ട്​. ബ്രസീലിൽ 19,600 പേർക്കാണ്​ കോവിഡ്​ ബാധിച്ചത്​. എട്ടരലക്ഷത്തോളം ഗോത്രവർഗക്കാർ അധിവസിക്കുന്ന ആമസോണിൽ കോവിഡ്​ വൻ നാശം വിതക്കുമെന്ന ഭയത്തിലാണ്​ പരിസ്​ഥിതി പ്രവർത്തകർ. ഇവരിൽ കൂടുതലും കാട്ടുതേനും മറ്റ്​ സാധനങ്ങളും വിൽക്കാനായി നഗരങ്ങളിലെത്താറുണ്ട്​.