Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightന്യൂയോർക്​ കോവിഡ്​...

ന്യൂയോർക്​ കോവിഡ്​ ഹോട്ട്​സ്​പോട്ട്​ ആയതെങ്ങനെ?

text_fields
bookmark_border
ന്യൂയോർക്​ കോവിഡ്​ ഹോട്ട്​സ്​പോട്ട്​ ആയതെങ്ങനെ?
cancel

ന്യൂയോർക്​: ലോകത്ത്​ ഏറ്റവും കൂടുതൽ കോവിഡ്​ മരണവും രോഗികളും യു.എസിലാണ്​. അഞ്ചരലക്ഷത്തിലേറെ പേരെയാണ്​ കേ ാവിഡ്​ ബാധിച്ചത്​. യൂറോപ്പിൽ ഏറ്റവും കൂടുതൽ നാശമുണ്ടായ ഇറ്റലി, സ്​പെയിൻ, ഫ്രാൻസ്​, ജർമനി എന്നീ രാജ്യങ്ങളിലേക് കാൾ കൂടുതലാണ്​ യു.എസിലുള്ളത്​. യു.എസിൽതന്നെ ഏറ്റവും കൂടുതൽ രോഗബാധിതർ വ്യാപാരകേന്ദ്രമായ ന്യൂയോർക്കിലാണ്​. ഇ വിടെ ഓരോ

രണ്ടരമിനിറ്റിലും ഒരാൾ മരിക്കുന്നതായാണ്​ ഗവർണർ ആൻഡ്ര്യൂ കൂമോ പറയുന്നത്​. ധാരാളമായി വിദേശികൾ വര ുന്നതാണ്​ ന്യൂയോർക്കിനെ കോവിഡ്​ ഹോട്ട്​സ്​പോട്ടാക്കി മാറ്റിയതെന്നും അദ്ദേഹം വിലയിരുത്തുന്നു. കോവിഡ്​ റിപ്പോർട്ട്​ ചെയ്​ത ശേഷം ചൈനയിൽനിന്ന്​ നാലരലക്ഷത്തോളം ആളുകൾ ന്യൂയോർക്കിലെത്തിയെന്നാണ്​ കരുതുന്നത്​.

വൈറസി​​​െൻറ പ്രഭവകേന്ദ്രമായ വൂഹാനിൽനിന്നെത്തിയ 40,000 പേരും അതിൽപെടും. ജനുവരിയിൽ ചൈനയിൽ രോഗം സ്ഥിരീകരിച്ചു. ഫെ​ബ്രുവരിയിൽ ട്രംപ്​ ഭരണകൂടം യാത്രനിയന്ത്രണം പ്രഖ്യാപിക്കു​േമ്പാഴേക്കും 17 യു.എസ്​ നഗരങ്ങളിലേക്ക്​ 1300 വിമാനങ്ങളിലായി ആയിരങ്ങളെത്തിയിരുന്നു. അപ്പോ​ൾ യു.എസ്​ വിമാനത്താവളങ്ങളിൽ കോവിഡ്​ പരിശോധനയും നടത്തിയിരുന്നില്ല.
ജനുവരി 20ന്​ വാഷിങ്​ടണിലാണ്​ യു.എസ്​ ആദ്യ കോവിഡ്​ കേസ്​ കണ്ടെത്തിയത്​.

ഫെബ്രുവരി രണ്ടിന്​ ചൈനയിലേക്ക്​ യാത്രവിലക്ക്​ നിലവിൽ വന്നു. ന്യൂയോർക്കിൽ ആദ്യകേസ്​ റിപ്പോർട്ട്​ ചെയ്​തത് ​മാർച്ച്​ ഒന്നിനും. പിറ്റേന്നുതന്നെ ഒരാൾക്കുകൂടി രോഗം സ്ഥിരീകരിച്ചിട്ടും ആരും കാര്യമായെടുത്തില്ല. ദിവസങ്ങൾക്കകം എല്ലാം മാറിമറിഞ്ഞു. സർക്കാർ നിയന്ത്രണങ്ങൾ ​പ്രഖ്യാപിച്ചെങ്കിലും ജനങ്ങൾ അതു കൂട്ടാക്കിയില്ല. രോഗലക്ഷണങ്ങളുള്ളവർ പാർക്കിലും മറ്റും ഇഷ്​ടംപോലെ കറങ്ങിനടന്നു. 86 ലക്ഷമാണ്​ ന്യൂയോർക്കിലെ ജനസംഖ്യ. ഒടുവിൽ നിയന്ത്രണങ്ങൾ കർക്കശമാക്കിയപ്പോഴേക്കും കാര്യങ്ങൾ കൈവിട്ടുപോവുകയും ചെയ്​തു. പ്രതിവർഷം ആറുകോടി വിനോദസഞ്ചാരികൾ ന്യൂയോർക്കിലെത്തുന്നുണ്ട്​.

യു.എസിൽ ഏററവും കൂടുതൽ ജനങ്ങൾ തിങ്ങിപ്പാർക്കുന്നത്​ കാലിഫോർണിയയിലാണ്​. ഇവിടെ 20,200 പേർക്ക്​ രോഗം സ്ഥിരീകരിച്ചു. 550 പേരാണ്​ മരിച്ചത്​. രോഗബാധ തിരിച്ചറിഞ്ഞതുമുതൽ കർശന നടപടികളാണ്​ സംസ്ഥാനം സ്വീകരിച്ചത്​. അതുകൊണ്ട്​ കോവിഡ്​ നിയന്ത്രണത്തിലാക്കാൻ സാധിച്ചു.
ജനങ്ങളോട്​ വീട്ടിൽനിന്ന്​ പുറത്തിറങ്ങരുതെന്ന്​ ഉത്തരവിട്ടു. ന്യൂയോർക്കിൽ ഗവർണറും മേയറും ഡെമോക്രാറ്റുകാരാണ്​. രോഗം തടയാൻ ട്രംപ്​ഭരണകൂടം ആവശ്യമായ നടപടികൾ സ്വീകരിച്ചില്ലെന്നാണ്​ തുടക്കം മുതൽ ഇവരുടെ കുറ്റപ്പെടുത്തൽ.

Show Full Article
TAGS:covid 19 usa trump world news 
Web Title - covid 19 newyork usa updates
Next Story