കോ​വി​ഡ്​ ഭ​യ​ന്ന്​​ ഇ​നി​യും കൊ​ട്ടി​യ​ട​ക്കാ​നാ​വാ​തെ പ്രവേശനോത്സവ തിരക്കിൽ ലോകം 

ല​ണ്ട​ൻ: കോ​വി​ഡ്​ ഭ​യ​ന്ന്​​ ഇ​നി​യും കൊ​ട്ടി​യ​ട​ക്കാ​നാ​വാ​തെ നാ​ടും തെ​രു​വും വ്യ​വ​സാ​യ​വും തു​റ​ന്ന ലോ​ക​ത്തി​ന്​ പ്ര​തീ​ക്ഷ​ക്കൊ​പ്പം ആ​ധി​യും ന​ൽ​കി പ്ര​വേ​ശ​നോ​ത്സ​വം. ചൈ​ന ദി​വ​സ​ങ്ങ​ൾ​ക്കു​മു​മ്പ്​ സ്​​കൂ​ളു​ക​ൾ തു​റ​ന്ന​പ്പോ​ൾ ഏ​ഷ്യ​യി​ൽ മ​റ്റു രാ​ജ്യ​ങ്ങ​ളും യൂ​റോ​പ്പും വീ​ണ്ടും വി​ദ്യാ​ർ​ഥി​ക​ൾ​ക്കാ​യി ക​ലാ​ല​യ വാ​തി​ലു​ക​ൾ തു​റ​ക്കു​ക​യാ​ണ്.

ആ​സ്​​ട്രേ​ലി​യ, ഹോ​​ങ്കോ​ങ്, ജ​പ്പാ​ൻ എ​ന്നി​വ ഘ​ട്ടം​ഘ​ട്ട​മാ​യി വി​ദ്യാ​ല​യ​ങ്ങ​ൾ തു​റ​ക്കു​ക​യാ​ണെ​ന്ന്​ പ്ര​ഖ്യാ​പി​ച്ചി​ട്ടു​ണ്ട്. ജ​ർ​മ​നി​യി​ൽ ക​ടു​ത്ത നി​യ​ന്ത്ര​ണ​ങ്ങ​ളോ​ടെ സ്​​കൂ​ൾ ആ​രം​ഭ​ത്തി​ന്​ ക​ഴി​ഞ്ഞ ആ​ഴ്​​ച അ​നു​മ​തി ന​ൽ​കി.

ഡെ​ന്മാ​ർ​ക്​ പ്രൈ​മ​റി സ്​​കൂ​ളു​ക​ളും ന​ഴ്​​സ​റി​ക​ളും നേ​ര​ത്തേ തു​റ​ന്നി​രു​ന്നു. ഇ​ന്ന​ലെ ഹൈ​സ്​​കൂ​ളു​ക​ളും പ്ര​വ​ർ​ത്തി​ച്ചു തു​ട​ങ്ങി. ജ​ർ​മ​നി പ​ക്ഷേ, വ​ലി​യ കു​ട്ടി​ക​ൾ​ക്കാ​ണ്​ ആ​ദ്യം തു​റ​ന്ന​ത്. ഫ്രാ​ൻ​സി​ൽ പ്രൈ​മ​റി, മി​ഡ്​​ൽ ക്ലാ​സു​ക​ൾ​ക്കാ​യി​രു​ന്നു​ ആ​ദ്യം അ​നു​മ​തി. വൈ​റ​സ്​​ബാ​ധ​യു​ടെ ഭീ​തി തു​ട​രു​ന്ന ഇ​റ്റ​ലി, സ്​​പെ​യി​ൻ എ​ന്നി​വി​ട​ങ്ങ​ളി​ൽ അ​ടു​ത്തെ​ങ്ങും ക​ലാ​ല​യ​ങ്ങ​ളി​ൽ വി​ദ്യാ​ർ​ഥി​ക​ളെ​ത്തി​ല്ല. ബെ​ൽ​ജി​യം, നെ​ത​ർ​ല​ൻ​ഡ്​​സ്, ഗ്രീ​സ്​ തു​ട​ങ്ങി​യി​ട​ങ്ങ​ളി​ലും വൈ​കാ​തെ ക്ലാ​സു​ക​ളു​ണ​രും.