കോവിഡ്​ പടരുന്നത്​ വേഗത്തിൽ; അപകടകരമായ ഘട്ടത്തിലെന്ന്​ ലോകാരോഗ്യ സംഘടന

ജനീവ​: കോവിഡ്​ മഹാമാരി ലോകത്ത്​ വർധിച്ചുകൊണ്ടിരിക്കുകയാണെന്ന്​ ലോകാരോഗ്യസംഘടന. വ്യാഴാഴ്​ച പുതുതായി 1,50000 പേർക്കാണ്​ രോഗം ബാധിച്ചത്​. യു.എസി​െല കോവിഡ്​ രോഗികളുടെ എണ്ണത്തി​​​െൻറ പകുതി​േയാളം വരും ഇത്​. ലോകത്ത്​ ഒറ്റ ദിവസമുണ്ടാകുന്ന രോഗികളുടെ ഏറ്റവും ഉയർന്ന അളവാണിതെന്നും സംഘടന അഭിപ്രായപ്പെട്ടു. ലോകത്ത്​ 85.3 ലക്ഷത്തിലേറെ ആളുകൾ കോവിഡ്​ ബാധിതരാവുകയും 4,53,834 പേർ മരിക്കുകയും ചെയ്​തതായാണ്​ റിപ്പോർട്ട്​. 

‘‘ലോകം പുതിയതും അപകടകരവുമായ ഘട്ടത്തിലാണ്​. വൈറസ്​ ഇപ്പോഴ​ും ദ്രുതഗതിയിലാണ്​ പടരുന്നത്​. ഇത്​ മാരകമാണ്​, കൂടുതൽ ആളുകളെ​ ഇപ്പോഴും ബാധിക്കുന്നു’’ - ലോകാരോഗ്യ സംഘടന ഡയറക്​ടർ ജനറൽ ടെഡ്രോസ്​ അദനോം ഗബ്രിയേസസ്​ ജനീവയിലെ ആസ്ഥാനത്ത്​ നടത്തിയ വെർച്വൽ വാർത്താസമ്മേളനത്തിൽ പറഞ്ഞു. 

കോവിഡിന്​ മരുന്ന്​ കണ്ടെത്താനുള്ള പരീക്ഷണങ്ങൾ ലോകത്താകമാനം നടന്നുകൊണ്ടിരിക്കുകയാണ്​​. പാര്‍ശ്വഫലങ്ങൾ ഉണ്ടാകുമോ എന്നൊക്കെ അറിയാൻ വലിയ അളവിൽ പരിശോധന​ ആവശ്യമാണ്​. എന്നിരുന്നാലും പ്രതിരോധ മരുന്ന്​ കണ്ടെത്തുകയെന്നത്​ അസാധ്യമാണെന്നും വളരെ ബുദ്ധിമു​​ട്ടേറിയ യാത്രയിലേക്കാണ്​ പോകുന്നതെന്നും ടെഡ്രോസ്​ അദനോം ഗബ്രിയേസസ്​ പറഞ്ഞു.

24 മണിക്കൂറിനിടെ ബ്രസീലിൽ 1,230 കോവിഡ്​ മരണങ്ങൾ കൂടി നടന്നുവെന്ന്​ ലോകാരോഗ്യ സംഘടന എമർജൻസി പ്രോഗ്രാം മേധാവി മൈക്​ റയാൻ പറഞ്ഞു. രോഗബാധിതരിൽ 12 ശതമാനം പേരും ആരോഗ്യ പ്രവർത്തകരാണെന്നും അവരുടെ ധീരതയെ അഭിനന്ദിക്കുകയാണെന്നും അദ്ദേഹം കൂ​ട്ടിച്ചേർത്തു. 

യു.എസിന്​ ​തൊട്ടുപിന്നാലെ ലോകത്ത്​ ഏറ്റവും കൂടുതൽ കോവിഡ്​ ബാധിതരുള്ള രാജ്യമാണ്​ ബ്രസീൽ. 9,78,142 പേർക്കാണ്​ ഇവിടെ രോഗം സ്ഥിരീകരിച്ചത്​​. 47,748 പേർ മരിച്ചു. പല രാജ്യങ്ങളും കോവിഡി​​​െൻറ രണ്ടാം തരംഗത്തിൽ ഭയപ്പാടിലാണെങ്കിലും നിയന്ത്രണങ്ങളിൽ ഇളവ്​ നൽകുകയാണ്​. ഇക്കാര്യത്തിൽ ഘട്ടംഘട്ടമായതും ശാസ്​ത്രീയവുമായ സമീപനമാണ്​ അവലംബിക്കേണ്ടതെന്ന്​ റയാൻ പറയുന്നു. ലോക് ​ഡൗൺ അവസാനിപ്പിക്കൽ കാര്യം ശ്രദ്ധിച്ചേ നടപ്പാക്കാവൂ എന്നും അദ്ദേഹം കൂട്ടിച്ചേർത്തു.