Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightകോവിഡ്​: കൂടുതൽ...

കോവിഡ്​: കൂടുതൽ ഇളവുകളുമായി ഇറ്റലി; യാത്രനിയന്ത്രണം നീക്കുന്നു

text_fields
bookmark_border
കോവിഡ്​: കൂടുതൽ ഇളവുകളുമായി ഇറ്റലി; യാത്രനിയന്ത്രണം നീക്കുന്നു
cancel

റോം: കോവിഡ്​ തകർത്തെറിഞ്ഞ ഇറ്റലിയിൽ ലോക്​ഡൗണിൽ കൂടുതൽ ഇളവുവരുത്തുന്നു. ജൂൺ മൂന്നുമുതൽ യാത്രനിരോധനം നീക്കാനും തീരുമാനമുണ്ട്​. രണ്ടുമാസമായി രാജ്യം സമ്പൂർണ ലോക്​ഡൗണിലാണ്​. കോവിഡ്​ മരണനിരക്കിൽ യു.എസിനും ബ്രിട്ടനും പിറകെ മൂന്നാംസ്​ഥാനത്താണ്​ ഇറ്റലി. 31,600 പേരാണ്​ ഇവിടെ മരണപ്പെട്ടത്​.

അടുത്തിടെയായി രോഗബാധിതരുടെ എണ്ണം ഗണ്യമായി കുറഞ്ഞതാണ്​ ലോക്​ഡൗണിൽ ഇളവുവരുത്തി സമ്പദ്​വ്യവസ്​ഥ തുറക്കാൻ രാജ്യത്തെ പ്രേരിപ്പിച്ചത്​. മരണനിരക്കും കുറഞ്ഞു. മാർച്ച്​ 26ന്​ 900 പേരാണ്​ രാജ്യത്ത്​ കോവിഡ്​ മൂലം മരിച്ചത്​. ഇക്കഴിഞ്ഞ വെള്ളിയാഴ്​ച അത്​ 262 ആയി കുറഞ്ഞു.

കോവിഡ്​ കേസുകൾ റിപ്പോർട്ട്​ ചെയ്​തപ്പോൾ സമ്പൂർണ അടച്ചിടൽ പ്രഖ്യാപിച്ച ആദ്യയൂറോപ്യൻ രാജ്യമാണ്​ ഇറ്റലി. ഈമാസാദ്യത്തോടെ ചില ഇളവുകൾ അനുവദിച്ചിരുന്നു. മേയ്​ നാലുമുതൽ മതിയായ സുരക്ഷ നടപടികളോടെ പാർക്കുകളും ഫാക്​ടറികളും തുറക്കാനാണ്​ അനുമതി നൽകിയത്​. ലോക്​ഡൗൺ പെ​ട്ടെന്ന്​ നീക്കണമെന്ന്​ ചില പ്ര​ാദേശിക ഭരണകൂടങ്ങൾ ആവശ്യപ്പെ​ട്ടെ​ങ്കിലും ഘട്ടംഘട്ടമായി മാത്രമേ ഇളവുകൾ അനുവദിക്കൂ എന്നായിരുന്നു പ്രധാനമന്ത്രി യൂസെപ്പെ കോണ്ടെയുടെ നിലപാട്​. 

മേയ്​ 18മുതൽ കടകളും റസ്​റ്റാറൻറുകളും തുറക്കാനാണ്​ തീരുമാനിച്ചിട്ടുള്ളത്​. എന്നാൽ സാമൂഹിക അകലം പാലിക്കലും മാസ്​ക്​ ധരിക്കലും നിർബന്ധമാണ്​.  കത്തോലിക ചർച്ചുകളും അന്നുതന്നെ തുറക്കുമെങ്കിലും ഫേസ്​മാസ്​ക്​ ധരിക്കാതെ വിശ്വാസികളെ അകത്തേക്ക്​ പ്രവേശിപ്പിക്കില്ല. പോർച്ചുഗൽ, ഗ്രീസ്​, ജർമനി എന്നീ രാജ്യങ്ങളും വിപണി തുറക്കാനുള്ള നീക്കത്തിലാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:italyworld newsTravel RestrictionsCoronavirulockdown
News Summary - Coronavirus: Italy to lift travel restrictions as lockdown eases - World news
Next Story