കോക്പിറ്റിലെ കൺട്രോൾ പാനലിലേക്ക് കോഫി മറിഞ്ഞു; വിമാനം അടിയന്തിരമായി ഇറക്കി

ഡൂബ്ലിൻ: കോക്പിറ്റിലെ കൺട്രോൾ പാനലിന് മുകളിലേക്ക് കോഫി കപ്പ് മറിഞ്ഞതോടെ അയർലൻഡിൽ വിമാനം അടിയന്തിരമായി തിരിച ്ചിറക്കി. 326 യാത്രക്കാരുമായി ജർമനിയിലെ ഫ്രങ്ക്ഫർട്ടിൽനിന്നും മെക്സിക്കോയിലേക്ക് പോകുകയായിരുന്ന എയർബസ് എ 330 വിമാനത്തിലാണ് സംഭവം.

49കാരനായ പൈലറ്റിന്‍റെ കൈയിൽനിന്നും ചൂടുള്ള കോഫി കൺട്രോൾ പാനലിലേക്ക് മറിഞ്ഞു. ഇതോടെ ഓഡിയോ കൺട്രോൾ പാനൽ തകരാറിലായി. ചെറിയ പുകയും കത്തിക്കരിയുന്ന മണവും അനുഭവപ്പെട്ടു. ഇതോടെയാണ് തിരിച്ചിറക്കാൻ തീരുമാനിച്ചത്.

ഈ സമയം അറ്റ്ലാന്‍റിക് സമുദ്രത്തിന് മുകളിലായിരുന്നു വിമാനം. സംഭവത്തിൽ എയർ ആക്സിഡന്‍റ് ഇൻവെസ്റ്റിഗേഷൻ ബ്രാഞ്ച് അന്വേഷണം ആരംഭിച്ചു.