ലൈംഗികാരോപണം നേരിടുന്ന സി.ബി.എസ്​ മേധാവി സ്​ഥാനമൊഴിഞ്ഞു

ന്യൂയോർക്​: യു.എസിലെ പ്രമുഖ മാധ്യമസ്​ഥാപനമായ സി.ബി.എസി​​െൻറ മേധാവി സ്​ഥാനത്തുനിന്ന്​ ലെസ്​ലീ മൂൺവെസ്​ രാജിവെച്ചു. ‘മീ ടു’ കാമ്പയിനി​​െൻറ ഭാഗമായി ​ൈലംഗികാരോപണം നേരിട്ട സാഹചര്യത്തിലാണ്​ രാജി.

രാജി ഇദ്ദേഹം തന്നെയാണ്​ കഴിഞ്ഞ ദിവസം വെളി​െപ്പടുത്തിയത്​. ആറിലേറെ സ്​ത്രീകളാണ്​ ലൈംഗികാതിക്രമം നേരിട്ടതായി ഇദ്ദേഹത്തിനെതിരെ ആരോപണമുന്നയിച്ചത്​. കമ്പനിയുടെ ഇടക്കാല മേധാവിയായി ജോസഫ്​ ലാന്നില്ലോയെ ചുമതലപ്പെടുത്തിയിട്ടുണ്ട്​. അതിനിടെ മൂൺവെസും കമ്പനിയും ചേർന്ന്​ 20 ദശലക്ഷം യു.എസ്​ ഡോളർ സ്​ത്രീകളുടെ ഉന്നമനത്തിനായി സംഭാവന ചെയ്​തു.