ബ്രിട്ടീഷ്​ തെരഞ്ഞെടുപ്പ്​: കൂടുതൽ ഇന്ത്യക്കാർ പാർലമെൻറിലെത്തുമെന്ന്​

ലണ്ടൻ: ബ്രിട്ടനിൽ വ്യാഴാഴ്​ച നടക്കുന്ന ഇടക്കാല തെരഞ്ഞെടുപ്പിൽ ഇന്ത്യൻ വംശജരായ സ്​ഥാനാർഥികൾ ഉജ്ജ്വല ജയം നേടുമെന്ന്​ പ്രതീക്ഷ. 2017ലെ തെരഞ്ഞെടുപ്പിൽ 12 ഇന്ത്യൻ വംശജരാണ്​ പാർലമ​​െൻറിലേക്ക്​ തെരഞ്ഞെടുക്കപ്പെട്ടത്​. ആദ്യ സിഖ്​ വനിത എം.പി പ്രീത്​ കൗർ ഗില്ലും ആദ്യമായി തലപ്പാവു ധരിച്ച തൻമൻജീത്​ സിങ്​ ധേശിയും ഇക്കൂട്ടത്തിൽപെടും. ലേബർ പാർട്ടിയുടെ നവേന്ദ്രു മിശ്രയും കൺസർവേറ്റിവ്​ പാർട്ടിയുടെ ഗോവയിൽനിന്നുള്ള ക്ലെയ്​ർ കൗടിന്യോയും ഗഗൻ മഹീന്ദ്രയുമാണ്​ അവരിൽ പ്രധാനികൾ.

കൺസർവേറ്റിവ്​ പാർട്ടിയിലെ ഇന്ത്യൻ എം.പിമാരായ പ്രീതി പ​ട്ടേൽ, അലോക്​ ശർമ, റിഷി സുനക്​, ശൈലേഷ്​ വർമ, സുവല്ല ബ്രാവർമാൻ എന്നിവർക്ക്​ സ്​ഥാനം നിലനിർത്താനുള്ള പോരാട്ടമാണ്​. ഇവരെ കൂടാതെ സജ്ജയ്​ സെൻ, അകാൽ സിന്ധു, നരീന്ദർ സിങ്​ ശേഖൂൺ, അഞ്​ജന പ​ട്ടേൽ, സീന ഷാ, പാം ഗോസൽ, ബൂപെൻ ദേവ്​ ജീത്​ ബെയിൻസ്​, കൻവാൾ ടൂർ ഗിർ, ഗുർജിത്​ കൗർ ബെയിൻസ്​, പവിതാൻ കൗർ മാൻ, ക​ുൽദീപ്​ സഹോട, രഞ്​ജീവ്​ വാലിയ എന്നിവരും മത്സരിക്കുന്നുണ്ട്​.