ബ്രിട്ടണിൽ കോവിഡ് മരണം 20,000 കടന്നു; പുതിയ കേസുകൾ കുറവ്

ലണ്ടൻ: ബ്രിട്ടണിൽ കോവിഡ് ബാധിച്ച് മരിച്ചവരുടെ എണ്ണം 20,000 കടന്നു. ആരോഗ്യ, സാമൂഹ്യ സുരക്ഷാ വകുപ്പിന്‍റെ കണക്ക് പ് രകാരം 20,319 പേരാണ് ഇതുവരെ മരിച്ചത്.

കഴിഞ്ഞ 24 മണിക്കൂറിനിടെ 813 പേരാണ് ജീവൻ വെടിഞ്ഞത്. 684 മരണങ്ങളാണ് വെള്ളിയാഴ്ച റിപ്പോർട്ട് ചെയ്തത്.

അതേസമയം, വൈറസ് ബാധ സ്ഥിരീകരിച്ചവരുടെ എണ്ണത്തിൽ കുറവുണ്ട്. 4913 പേർക്കാണ് പുതുതായി രോഗം കണ്ടെത്തിയത്. കഴിഞ്ഞ ദിവസം ഇത് 5386 ആയിരുന്നു.

ഇതോടെ ആകെ കോവിഡ് സ്ഥിരീകിരിച്ചവരുടെ എണ്ണം 1,48,377 ആയി. 1,559 പേരുടെ നില ഗുരുതരമോ അതീവ ഗുരുതരമോ ആണ്.