ബ്രെക്​സിറ്റ്​: അവസാന നീക്കവും പാളി തെരേസ മേയ്​

ലണ്ടൻ: ബ്രെക്​സിറ്റ്​ കരാർ നടപ്പാക്കുന്നതി​​െൻറ മുന്നോടിയായി​ സുപ്രധാന വോ​ട്ടെടുപ്പിന്​ ബ്രിട്ടീഷ്​ പ്ര ധാനമന്ത്രി തെരേസെ മേയുടെ നീക്കം വീണ്ടും പാളി. വ്യാഴാഴ്​ച പാർലമ​െൻറിനെ അഭിമുഖീകരിച്ച പ്രധാനമന്ത്രിബ്രെക്​സി റ്റിൽ വീണ്ടും ഹിതപരിശോധന വേണോയെന്ന്​ തീരുമാനിക്കാൻ സന്നദ്ധത അറിയിച്ചിരുന്നു.

എന്നാൽ, താൻ തയാറാക്കിയ ​െബ്രക്​സിറ്റ്​ കരാർ സംബന്ധിച്ച വോ​ട്ടെടുപ്പിന്​ തയാറായാൽ മാത്രമെന്ന നിബന്ധന വെച്ചതോടെ പ്രതിപക്ഷം എതിർത്തു. പാർലമ​െൻറിൽ ഒരിക്കൽക്കൂടി പരാജയപ്പെട്ട ​തെരേസ മേയ്​ അധികാരമൊഴിയാൻ വിസമ്മതിക്കുന്നതും കടുത്ത പ്രതിഷേധത്തിനിടയാക്കിയിട്ടുണ്ട്​.

2016ൽ ബ്രെക്​സിറ്റ്​ ഹിതപരിശോധനക്കു പിന്നാലെ അധികാരത്തിലെത്തിയ തെരേസ മേയ്​ ഇതേ വിഷയത്തിൽ നിരവധി തവണയാണ്​ പാർലമ​െൻറിൽ വോ​ട്ടെടുപ്പിൽ പരാജയപ്പെട്ടത്​. ഒടുവിൽ രണ്ടാം ഹിതപരിശോധനക്ക്​ അവർ സമ്മതിച്ചെങ്കിലും സ്വന്തം പാർട്ടിയിൽതന്നെ എതിർപ്പുയർന്നത്​ മേയുടെ നില അപകടത്തിലാക്കിയിട്ടുണ്ട്​.