You are here

ബ്രെ​ക്​​സി​റ്റ്: യൂ​റോ​പ്യ​ൻ യൂ​നി​യ​ന്​ ബ്രിട്ടൻ ക​ത്ത്​ കൈ​മാ​റി  

  • പ്രധാനമന്ത്രി ഒപ്പുവെച്ചില്ല

23:58 PM
20/10/2019

ല​ണ്ട​ൻ: ബ്രെ​ക്​​സി​റ്റി​ന്​ മൂ​ന്നു​മാ​സം കൂ​ടി സ​മ​യം അ​നു​വ​ദി​ക്ക​ണ​മെ​ന്ന്​ ആ​വ​ശ്യ​പ്പെ​ടു​ന്ന ക​ത്ത്​ ബ്രി​ട്ടീ​ഷ്​ പ്ര​ധാ​ന​മ​ന്ത്രി ബോ​റി​സ്​ ജോ​ൺ​സ​ൺ യൂ​റോ​പ്യ​ൻ​യൂ​നി​യ​ന്​ കൈ​മാ​റി. അ​തേ​സ​മ​യം, ക​ത്തി​ൽ ബോ​റി​സ്​ ജോ​ൺ​സ​ൺ ഒ​പ്പു​വെ​ച്ചി​ട്ടി​ല്ല. പ​ക​രം ബ്രെ​ക്​​സി​റ്റ്​ വൈ​കി​പ്പി​ക്ക​ൽ അ​ബ​ദ്ധ​മാ​ണെ​ന്നും ഈ​മാ​സം 31നു​ത​ന്നെ യൂ​നി​യ​ൻ വി​ട​ണ​മെ​ന്നാ​ണ്​ ആഗ്രഹിക്കുന്നതെന്നും സൂ​ചി​പ്പി​ക്കു​ന്ന മറ്റൊരു ക​ത്ത്​ ഒ​പ്പു​വെച്ച്​ യൂ​റോ​പ്യ​ൻ കൗ​ൺ​സി​ൽ പ്ര​സി​ഡ​ൻ​റ്​ ഡോ​ണ​ൾ​ഡ്​ ട​സ്​​കി​നു കൈ​മാ​റി. ബ്രെ​ക്​​സി​റ്റ്​ നീ​ട്ടാ​ൻ ആ​വ​ശ്യ​പ്പെ​ട്ട്​ ക​ത്ത്​ ല​ഭി​ച്ച​താ​യും ഇ​ക്കാ​ര്യ​ത്തി​ൽ ഉ​ട​ൻ തീ​രു​മാ​ന​മെ​ടു​ക്കു​മെ​ന്നും ട​സ്​​ക്​ ട്വീ​റ്റ്​ ചെ​യ്​​തു. 

അ​ടു​ത്ത​യാ​ഴ്​​ച ബ്രെ​ക്​​സി​റ്റ്​ ക​രാ​റി​ൽ വോ​​ട്ടെ​ടു​പ്പ്​ ന​ട​ത്താ​മെ​ന്നാ​ണ്​ ബോ​റി​സ്​ ജോ​ൺ​സ​ൺ ക​ണ​ക്കു​കൂ​ട്ടു​ന്ന​ത്. ബ്രെ​ക്​​സി​റ്റ്​ മൂ​ന്നു​മാ​സ​ത്തേ​ക്ക്​ കൂ​ടി നീ​ട്ട​ണ​മെ​ന്ന ആ​വ​ശ്യം സ​മ്മ​ർ​ദ​ങ്ങ​ൾ​ക്കൊ​ടു​വി​ൽ പ്ര​ധാ​ന​മ​ന്ത്രി  അം​ഗീ​ക​രി​ക്കു​ക​യാ​യി​രു​ന്നു. ബ്രെ​ക്​​സി​റ്റ്​ വൈ​കി​പ്പി​ക്ക​ൽ ശ​നി​യാ​ഴ്​​ച ന​ട​ന്ന അ​സാ​ധാ​ര​ണ പാ​ർ​ല​മ​െൻറ്​ യോ​ഗ​ത്തി​ൽ ബ്രെ​ക്​​സി​റ്റ്​ നീ​ട്ട​ണ​മെ​ന്നാ​വ​ശ്യ​പ്പെ​ടു​ന്ന ബ​ദ​ൽ ഭേ​ദ​ഗ​തി ബ്രി​ട്ടീ​ഷ്​ എം.​പി​മാ​ർ പാ​സാ​ക്കി​യി​രു​ന്നു. 

ബ്രെ​ക്​​സി​റ്റ്​ വോ​​ട്ടെ​ടു​പ്പി​ന്​ പ​ക​ര​മാ​ണ്​ നേ​ര​ത്തേ പാ​ർ​ല​മ​െൻറ്​ അം​ഗീ​ക​രി​ച്ച ബെ​ൻ നി​യ​മം അ​നു​സ​രി​ച്ച്​ ഭേ​ദ​ഗ​തി പാ​സാ​ക്കി​യ​ത്. കാ​ലാ​വ​ധി നീ​ട്ടാ​ൻ ആ​വ​ശ്യ​പ്പെ​ട്ടാ​ൽ മാ​ത്രം പു​തി​യ ക​രാ​ർ പാ​ർ​ല​മ​െൻറി​ൽ ച​ർ​ച്ച​ക്കു വെ​ച്ചാ​ൽ മ​തി​യെ​ന്നാ​യി​രു​ന്നു എം.​പി​മാ​രു​ടെ ആ​വ​ശ്യം. 

അ​തി​നി​ടെ, യൂ​റോ​പ്യ​ൻ യൂ​നി​യ​നു​മാ​യി സ​മ​വാ​യ​ത്തി​ലെ​ത്തി​യ ബ്രെ​ക്​​സി​റ്റ്​ ക​രാ​റി​ൽ ബ്രി​ട്ടീ​ഷ്​ പാ​ർ​ല​മ​െൻറി​ൽ തി​രി​ച്ച​ടി നേ​രി​​ട്ടെ​ങ്കി​ലും ഈ ​മാ​സം 31ന​കം ബ്രെ​ക്​​സി​റ്റ്​ യാ​ഥാ​ർ​ഥ്യ​മാ​കു​മെ​ന്ന ശു​ഭ​പ്ര​തീ​ക്ഷ​യു​ണ്ടെ​ന്ന്​ വി​ദേ​ശ​കാ​ര്യ സെ​ക്ര​ട്ട​റി ഡൊ​മി​നി​ക്​ റ​അ​ബ്​ അ​ഭി​പ്രാ​യ​പ്പെ​ട്ടു.  

Loading...
COMMENTS