ബോറിസ്​ ജോൺസണ്​ വീ​ണ്ടും തി​രി​ച്ച​ടി; തെ​ര​ഞ്ഞെ​ടു​പ്പ് ന​ട​ത്താ​നു​ള്ള ശ്ര​മം പ​രാ​ജ​യ​പ്പെ​ട്ടു

ല​ണ്ട​ൻ: ബ്രി​ട്ടീ​ഷ്​ പ്ര​ധാ​ന​മ​ന്ത്രി ബോ​റി​സ് ജോ​ൺ​സ​ണി​ന് വീ​ണ്ടും തി​രി​ച്ച​ടി. രാ​ജ്യ​ത്ത് നേ​ര​ത് തേ ഇ​ട​ക്കാ​ല​ത്ത്​ തെ​ര​ഞ്ഞെ​ടു​പ്പ് ന​ട​ത്താ​നു​ള്ള ശ്ര​മം വീ​ണ്ടും പ​രാ​ജ​യ​പ്പെ​ട്ടു. ചൊ​വ്വാ​ഴ്​​ച ന ​ട​ന്ന വോ​​ട്ടെ​ടു​പ്പി​ൽ പ്ര​തി​പ​ക്ഷ​ത്തോ​ടൊ​പ്പം ഭ​ര​ണ​ക​ക്ഷി​യാ​യ ക​ൺ​സ​ർ​വേ​റ്റി​വ് അം​ഗ​ങ്ങ​ളും പ ്ര​ധാ​ന​മ​ന്ത്രി​ക്കെ​തി​രെ​യാ​ണ്​ വോ​ട്ട്​ ചെ​യ്ത​ത്.

ഹൗ​സ് ഓ​ഫ് കോ​മ​ൺ​സി​ൽ (ജ​ന​സ​ഭ) അ​ഞ്ചു ദി​വ​സ​ത്തി​നി​ടെ ബോ​റി​സ് നേ​രി​ടു​ന്ന ആ​റാ​മ​ത്തെ തോ​ൽ​വി​യാ​ണി​ത്. തു​ട​ർ​ന്ന്​ പാ​ർ​ല​മ​െൻറ്​ നേ​ര​ത്തേ പി​രി​ഞ്ഞു. രാ​ഷ്​​ട്രീ​യ അ​നി​ശ്ചി​ത​ത്വ​ത്തി​ന്​ ആ​ക്കം​കൂ​ട്ടി ഹൗ​സ്​ ഓ​ഫ്​ കോ​മ​ൺ​സ്​ സ്​​പീ​ക്ക​ർ ജോ​ൺ ബെ​ർ​സോ രാ​ജി​പ്ര​ഖ്യാ​പി​ക്കു​ക​യും ചെ​യ്​​തു. ഒ​ക്ടോ​ബ​ർ 14നേ ഇ​നി പാ​ർ​ല​മ​െൻറ്​ പു​ന​രാ​രം​ഭി​ക്കു​ക​യു​ള്ളൂ. 650 അം​ഗ പാ​ർ​ല​െ​മ​​​​ൻ​റി​ൽ 293 പേ​ർ മാ​ത്ര​മാ​ണ് പ്രമേയത്തെ പി​ന്തു​ണ​ച്ച​ത്. വോ​ട്ടെ​ടു​പ്പി​നെ പി​ന്തു​ണ​ക്കി​ല്ലെ​ന്ന് പ്ര​തി​പ​ക്ഷ എം.​പി​മാ​ർ നേ​ര​ത്തേ പ്രഖ്യാപിച്ചിരുന്നു.

ക​രാ​റി​ല്ലാ​തെ ബ്രെ​ക്സി​റ്റ് ന​ട​പ്പാ​ക്കു​ന്ന​ത് നീ​ട്ടി​വെ​ച്ചാൽ തെരഞ്ഞെടുപ്പ്​ അംഗീകരിക്കാമെന്നായിരുന്നു​ പ്ര​തി​പ​ക്ഷത്തി​​െൻറ നിർദേശം. സ​ർ​ക്കാ​ർ നി​യ​മ​വാ​ഴ്ച പാ​ലി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ലേ​ബ​ർ നേ​താ​വ് ജെ​റ​മി കോ​ർ​ബി​​െൻറ പ്ര​മേ​യം വോ​ട്ടി​ല്ലാ​തെ എം.​പി​മാ​ർ അം​ഗീ​ക​രി​ച്ചു.

അ​തി​നി​ടെ തെ​ര​ഞ്ഞെ​ടു​പ്പ്​ ന​ട​ത്താ​നു​ള്ള പ്ര​മേ​യം പ​രാ​ജ​യ​പ്പെ​ട്ട​തി​നു പി​ന്നി​ൽ പ്ര​തി​പ​ക്ഷ​മാ​ണെ​ന്ന്​ ബോ​റി​സ്​ കു​റ്റ​പ്പെ​ടു​ത്തി.

ഒ​ക്​​ടോ​ബ​ർ 31ന്​ ​ബ്രെ​ക്​​സി​റ്റ്​ ന​ട​പ്പാ​ക്കാ​ൻ പു​തി​യ ക​രാ​റി​ലെ​ത്താ​ൻ യൂ​റോ​പ്യ​ൻ യൂ​നി​യ​നു​മാ​യി ച​ർ​ച്ച തു​ട​രാ​നു​ള്ള ശ്ര​മ​ത്തി​ലാ​ണ്​ പ്ര​ധാ​ന​മ​ന്ത്രി.