ബ്രക്​സിറ്റ്​ ബ്രിട്ടനിൽ സാമ്പത്തിക പ്രതിസന്ധിയുണ്ടാക്കുമെന്ന്​ ബാങ്ക്​ ഒാഫ്​ ഇംഗ്ലണ്ട്​

ലണ്ടൻ: ബ്രക്​സിറ്റ്​ ബ്രിട്ടനിൽ സാമ്പത്തിക പ്രതിസന്ധിയുണ്ടാക്കുമെന്ന്​ ബാങ്ക്​ ഒാഫ്​ ഇംഗ്ലണ്ടി​​​െൻറ മുന്നറിയിപ്പ്​. 2007ലുണ്ടായ സാമ്പത്തിക മാന്ദ്യത്തെക്കാളും വലിയ പ്രതിസന്ധിയായിരിക്കും ബ്രിട്ടനെ കാത്തിരിക്കുന്നത്​​. യു.കെയുടെ സാമ്പത്തിക വളർച്ച നിരക്ക്​ എട്ട്​്​ ശതമാനത്തിലേക്ക്​ താഴുമെന്നും മുന്നറിയിപ്പുണ്ട്​.

ബ്രിട്ടീഷ്​ പൗണ്ടി​​​െൻറ മൂല്യത്തിലും കുറവുണ്ടാകുമെന്നും ബാങ്ക്​ ഒാഫ്​ ഇംഗ്ലണ്ട്​ പ്രവചിക്കുന്നുണ്ട്​. 25 ശതമാനത്തി​​​െൻറ വരെ ഇടിവ്​ പൗണ്ടിലുണ്ടാവുമെന്നാണ്​ ബാങ്ക്​ വ്യക്​തമാക്കുന്നത്​. 2023ഒാടെ സാമ്പത്തിക സ്ഥിതി മെച്ചപ്പെട്ടു വരുമെന്നാണ്​ പ്രവചനം.

ബ്രക്​സിറ്റ്​ നടപ്പിലായാൽ ലോക വ്യാപാര സംഘടനയുടെ നിയമങ്ങൾക്ക്​ അനുസൃതമായാവും ബ്രിട്ടൻ പ്രവർത്തിക്കുക. 2022 വരെ പുതിയ വ്യാപാര കരാറുകളിലൊന്നും ബ്രിട്ടൻ ഏർപ്പെടില്ല. യുറോപ്യൻ രാജ്യങ്ങളുമായുള്ള വ്യാപാര കരാറുകളെല്ലാം റദ്ദാവും. ഇതെല്ലാം ബ്രിട്ടന്​ തിരിച്ചടിയാവുമെന്നാണ്​ വിലയിരുത്തപ്പെടുന്നത്​.