കോവിഡ് 19: ​ലോകജനസംഖ്യയുടെ അഞ്ചി​െലാന്ന്​ ശതമാനം സമ്പർക്കവിലക്കിൽ

വാഷിങ്ടൺ: കോവിഡ് 19 അതിവ്യാപകമായി പടർന്നുകൊണ്ടിരിക്കുന്ന ഘട്ടത്തിൽ വീടുകളില്‍ സ്വയം സമ്പര്‍ക്കവിലക്കില്‍ ക ഴിയുന്നത് ലോകജനസംഖ്യയുടെ അഞ്ചിലൊന്ന് ശതമാനം. വൈറസ്​ വ്യാപനത്തി​​​െൻറ മൂന്നാംഘട്ടത്തെ പ്രതിരോധിക്കാൻ ലോകാ രോഗ്യ സംഘടനയുടെ നിർദേശ പ്രകാരം രാജ്യങ്ങ​െളല്ലാം കടുത്ത നടപടികളിലേക്ക്​ നീങ്ങികൊണ്ടിരിക്കുകയാണ്​.

ഇതി​​​െൻറ ഭാഗമായി വിവിധ സർക്കാരുകൾ കൈക്കൊണ്ട അടച്ചിടൽ നടപടിയുടെ ഭാഗമായാണ് ലോകത്താകമാനം 170 കോടി ജനങ്ങൾ വീടുകളിൽ കഴിയുന്നത്.
ബ്രിട്ടനാണ്​ ഏറ്റവുമൊടുവിൽ ലോക്ക്​ഡൗൺ പ്രഖ്യാപിച്ച രാജ്യം. കടുത്ത നിയന്ത്രണം പാലിച്ചില്ലെങ്കിൽ ആഴ്ചകൾക്കകം ബ്രിട്ടൻ ഇറ്റലി പോലെയാകുമെന്ന്​ പ്രധാനമന്ത്രി ബോറിസ്​ ജോൺസൺ അറിയിച്ചു. രാജ്യത്തെ 6.6 കോടി ജനങ്ങളും വീട്ടിൽ കഴിയണമെന്നാണ്​ നിർദേശം.

ലോകത്താകമാനം ഇതുവരെ 3,82,358 പേർക്കാണ്​ കോവിഡ്​ സ്ഥിരീകരിച്ചത്​. 16,568 പേർക്ക്​ ജീവൻ നഷ്​ടമായി. വിവിധ രാജ്യങ്ങളിലായി അസുഖം ഭേദമായവരുടെ എണ്ണം 1,02,501 ആയി വർധിച്ചെന്നത്​ ചെറിയ പ്രതീക്ഷ നൽകുന്നുണ്ട്​.

ഇറ്റലിയില്‍ കഴിഞ്ഞ രണ്ട് ദിവസങ്ങളിലായി പുതിയ കേസുകളില്‍ നേരിയ കുറവുണ്ടായത് വലിയ പ്രതീക്ഷയാണ് നല്‍കുന്നത്. ഇറ്റലിയിൽ ഇതുവരെ 6,077 പേർക്കാണ്​ ജീവൻ നഷ്​ടമായത്​. കോവിഡ് മൂലം ഏറ്റവും അധികം ആളുകള്‍ മരണപ്പെട്ടതും ഇറ്റലിയിലാണ്.

വൈറസി​​​െൻറ പ്രഭവ കേന്ദ്രമായ ചൈനയിൽ 3,277 പോരാണ്​ മരിച്ചത്​.കോവിഡ്​ നിയന്ത്രണവിധേയമായെന്ന്​ കരുതിയ ചൈനയിൽ കഴിഞ്ഞ ദിവസം പുതിയ കോവിഡ്​ കേസുകളും ഏഴു മരണങ്ങളും റിപ്പോർട്ട്​ ചെയ്​തത്​ വൈറസ്​ ബാധയുടെ രണ്ടാം വരവാണോയെന്ന ആശങ്ക ഉയർത്തുന്നുണ്ട്​.

ന്യൂയോര്‍ക്കില്‍ മാത്രം 12,000 പേര്‍ക്കാണ് രോഗം സ്ഥിരീകരിച്ചത്. 84 ലക്ഷം പേര്‍ അധിവസിക്കുന്ന ഈ പ്രദേശം കോവിഡി​​​െൻറ ഹോട്ടസ്‌പോട്ടുകളിലൊന്നായാണ്‌ നിലവില്‍ കണക്കാക്കുന്നത്. യു.എസിൽ ഇതുവരെ 582 പേർ മരിച്ചു.