അർമീനിയ ഇനി പാർലമെൻററി റിപ്പബ്ലിക്; ​അർമെൻ സഗ്​സ്യാൻ അധികാര​േമറ്റു

യെരവാൻ: കിഴക്കൻ യൂറോപ്യൻ രാജ്യമായ അർമീനിയ ഇനി പാർലമ​​െൻററി റിപ്പബ്ലിക്​. 2015ലെ വിവാദമായ ഭരണഘടന ഭേദഗതി അനുസരിച്ചുള്ള മാറ്റത്തി​​​െൻറ ഭാഗമായി പുതിയ പ്രസിഡൻറായി​ അർമെൻ സഗ്​സ്യാൻ അധികാര​േമറ്റു. അസാധാരണ പാർലമ​​െൻററി സമ്മേളനത്തിൽ അർമീനിയൻ ഭരണഘടനയും പുതിയ നിയമത്തി​​​െൻറ ഏഴാം നൂറ്റാണ്ടിലെ കൈയെഴുത്തുപ്രതിയും ​കൈയിലേന്തിയാണ്​ സഗ്​സ്യാൻ സത്യപ്രതിജ്​ഞ ചെയ്​തത്​. അർമീനിയൻ ചർച്ച്​ കാത്തലിക്​സ്​ ഗരേഗിൻ മേധാവിയിൽനിന്ന്​ അനുഗ്രഹം ഏറ്റുവാങ്ങിയാണ്​ 64കാരൻ പുതിയ ദൗത്യം ഏറ്റെടുത്തത്​. 

സ്ഥാനമൊഴിയുന്ന പ്രസിഡൻറ്​ സെർഷ്​ സഗ്​സ്യാനാണ്​​ 2015ൽ രാജ്യത്തെ പാർലമ​​െൻററി റിപ്പബ്ലിക്കിലേക്ക്​ മാറുന്നതിനുള്ള ഭരണഘടന ഭേദഗതിക്ക്​ തുടക്കമിട്ടത്​. ഇതുപ്രകാരം അദ്ദേഹം കൂടുതൽ അധികാരമുള്ള പ്രധാനമന്ത്രിയായി ചുമതലയേൽക്കും. ഹിതപരിശോധനയിൽ 63 ശതമാനം ​േപർ അനുകൂലിച്ചതിനെ തുടർന്നായിരുന്നു ഭരണഘടന ഭേദഗതിക്ക്​ പച്ചക്കൊടി ലഭിച്ചത്​. 

ഭരണകക്ഷിയായ റിപ്പബ്ലിക്കൻ പാർട്ടിയുടെതന്നെ പ്രതിനിധിയാണ്​ അർമെൻ സഗ്​സ്യാൻ. അധികാരമേറെയുള്ള പ്രധാനമന്ത്രിയായി സെർഷ്​ സഗ്​സ്യാൻ സത്യപ്രതിജ്​ഞ ചെയ്യുന്നതോടെ റബർ സ്​റ്റാമ്പ്​ പ്രസിഡൻറാവും അർമെൻ. രാജ്യ​ത്തി​​​െൻറ പ്രധാന സമിതിയായ സുരക്ഷസമിതിയിലും പ്രസിഡൻറിന്​ സ്​ഥാനമുണ്ടാവില്ല.