അംഗലാ മെർകലി​െൻറ ആരോഗ്യനില മോശം

ബെർലിൻ: ജർമൻ ചാൻസലർ അംഗലാ മെർകലി​​െൻറ ആരോഗ്യനിലയെ കുറിച്ച്​ ആശങ്കയുയരുന്നു. ബർലിൻ പ്രസിഡൻറ്​ ഫ്രാങ്ക്​ വാൾ ട്ടർ സ്​റ്റീൻമീയർക്കൊപ്പം പരിപാടിയിൽ പ​ങ്കെടുക്കവെ മെർകലിന്​ ആരോഗ്യപ്രശ്​നം അനുഭവപ്പെട്ടു. കടുത്ത വിറയൽ അനുഭവപ്പെട്ട മെർകലിന്​ ഒപ്പമുണ്ടായിരുന്നവർ വെള്ളം കൊടുത്തെങ്കിലും അതു കുടിക്കാൻ കഴിഞ്ഞില്ല. ഏതാനും ചുവടുകൾ നടക്കാൻ ശ്രമിച്ചെങ്കിലും വേച്ചുപോയി.

കഴിഞ്ഞയാഴ്​ചയും മെർകൽ ഇത്തരം അനുഭവത്തിലൂടെ കടന്നുപോയിരുന്നു. കാലാവസ്ഥ വ്യതിയാനം മൂലമുണ്ടായ നിർജലീകരണം മൂലമാകാം ഇങ്ങനെ സംഭവിച്ചതെന്നാണ്​ പ്രഥമിക വിലയിരുത്തൽ. ജി20 ഉച്ചകോടിയിൽ പ​ങ്കെടുക്കാൻ ജപ്പാനിലേക്ക്​ യാത്ര തിരിക്കും മുമ്പാണ്​ സംഭവം.