ഇസ്രായേലി ചാര സോഫ്​റ്റ്​വെയർ തങ്ങളെ ഉന്നമിടുന്നുവെന്ന്​ ആംനസ്​റ്റി

ലണ്ടൻ: ഇസ്രായേൽനിർമിത ചാര സോഫ്​റ്റ്​വെയർ  തങ്ങളുടെ ജീവനക്കാരിലൊരാളെ ഉന്നമിടുന്നതായി അന്തർദേശീയ മനുഷ്യാവകാശ സംഘടനയായ ആംനസ്​റ്റി ഇൻറർനാഷനൽ. മനുഷ്യാവകാശ രംഗത്തെ തങ്ങളുടെ പ്രവർത്തനങ്ങൾ ഭരണകൂടത്തെ ചൊടിപ്പിക്കുന്നതിനാലാണ്​ ഇതെന്നും കഴിഞ്ഞദിവസം പുറത്തുവിട്ട 20 പേജുള്ള റി​േപ്പാർട്ടിൽ അവർ പറഞ്ഞു. ജൂൺ ആദ്യത്തിൽ തങ്ങളുടെ ഒരു അംഗത്തിന്​ ലഭിച്ച സംശയാസ്​പദമായ വാട്​സ്​ആപ്​ സ​േന്ദശമാണ്​ ആംനസ്​റ്റിയുടെ വാദത്തിനാധാരം.

വാഷിങ്​ടണിലെ സൗദി എംബസിയുടെ മുമ്പിൽ ഒരു പ്രതിഷേധം നടക്കുന്നതുമായി ബന്ധപ്പെട്ടായിരുന്നുവത്രെ അത്​. ‘നിങ്ങളുടെ സഹോദരന്മാർ അറസ്​റ്റ്​ ചെയ്യപ്പെട്ടതിൽ പ്രതിഷേധിച്ച്​ വാഷിങ്​ടണിലെ സൗദി എംബസിക്കു മുന്നിൽ  നടത്തുന്ന സമരം റിപ്പോർട്ട്​​ ചെയ്യാൻ നിങ്ങൾക്കാവുമോ? എ​​​​െൻറ സഹോദരൻ റമദാനിൽ അറസ്​റ്റ്​ ചെയ്യപ്പെട്ടതാണ്​. ഞാൻ ഇവി​െട സ്​കോളർഷിപ്പിലാണ്​ കഴിയുന്നത്​. അതുകൊണ്ട്​ എന്നെ ഇതുമായി ബന്ധിപ്പിക്കരുത്​. ഒരു മണിക്കൂറിനകംതന്നെ പ്രതിഷേധം ആരംഭിക്കും. ദയവുചെയ്​ത്​ അത്​ ​കവർ ചെയ്യാൻ തയാറാവുക’- എന്നായിരുന്നു അറബിയിൽ ഉള്ള സ​ന്ദേശം. 

ഇൗ ലിങ്ക്​ പരിശോധിച്ചപ്പോൾ ഇസ്രായേൽ ആസ്​ഥാനമായുള്ള എൻ.എസ്​.ഒ എന്ന ​​ചാരസംഘടന വികസി​പ്പിച്ചെടുത്തതാണെന്ന്​ കണ്ടെത്തി. ഉപയോക്​താവി​​​​െൻറ സ്​മാർട്​ഫോണിനെ നശിപ്പിക്കാനും അതിനകത്തെ എല്ലാ നമ്പറുകളും ​സന്ദേശങ്ങളും ഇ-മെയിൽ, ഫേസ്​ബുക്ക്​, സ്​കൈപ്​, വാട്​സ്​ആപ്​ തുടങ്ങിയവയിലെ സമ്പൂർണ വിവരങ്ങളും ചോർത്താനും കഴിയുന്ന സോഫ്​റ്റ്​വെയർ ആണത്രെ ഇത്​.  ആംനസ്​റ്റിക്കകത്തേക്ക്​ നുഴഞ്ഞുകയറി അതിനെ തകർക്കാൻ ലക്ഷ്യമിട്ടുള്ള നീക്കത്തി​​​​െൻറ ഭാഗമാണിതെന്ന്​ റിപ്പോർട്ട്​ പറയുന്നു. എന്നാൽ, കുറ്റകൃത്യങ്ങളും തീവ്രവാദവും തടയുന്നതി​നുള്ള അന്വേഷണത്തി​​​​െൻറ ഭാഗമായാണ്​ ഇത്തരം നീക്കങ്ങൾ എന്നാണ്​ എൻ.എസ്​.ഒയുടെ ന്യായീകരണം. ​ആരോപണങ്ങൾ എല്ലാം അന്വേഷിക്കുമെന്നും എൻ.എസ്​.ഒ പ്രസ്​താവനയിൽ പറഞ്ഞു. 

നിരവധി ഡിജിറ്റൽ ആക്രമണങ്ങളിൽ നേര​േത്തതന്നെ ആരോപണ വിധേയരാണ്​ എൻ.എസ്​.ഒ. പത്തോളം ഉപകരണങ്ങൾ ഹാക്ക്​ ചെയ്​തതി​​​​െൻറ പേരിൽ ഉപയോക്​താക്കൾക്ക്​ 650,000ഡോളർ പിഴ നൽകേണ്ടിവന്നതായി ഇതേ കമ്പനി ഒരിക്കൽ കുറ്റസമ്മതം നടത്തിയിരുന്നു.  ലോകത്തുടനീളമുള്ള മനുഷ്യാവകാശ പ്രവർത്തകർ അഭിമുഖീകരിക്കുന്ന ഗുരുതര പ്രതിസന്ധിയിലേക്കാണ്​ ഇൗ സൈബർ ആക്രമണം വിരൽചൂണ്ടുന്നതെന്ന്​ ആംനസ്​റ്റിയുടെ സ​േ​ങ്കതിക- മനുഷ്യാവകാശ വിഭാഗം മേധാവി ​ജോഷ്വ ​ഫ്രാ​േങ്കാ പ്രതികരിച്ചു.