പലരും രക്ഷ‍പ്പെട്ടത്​‍ മൃത​ദേഹങ്ങൾക്ക് അടിയിൽ​ കിടന്ന്​ -നിറകണ്ണുകളോടെ ഇമാമുമാർ

ക്രൈസ്റ്റ്​ ചർച്ച്: അഞ്ച്​ ഇന്ത്യക്കാരടക്കം അമ്പതോളം പേരുടെ മരണത്തിടയാക്കിയ ​ക്രൈസ്റ്റ്​ ചർച്ച്​ ഭീകരാക് രമണത്തെ കുറിച്ച്​ അൽ നൂർ മസ്​ജിദി​ലെയും ലിൻ വുഡ്​ പള്ളിയിലേയും ഇമാമുമാരായ ഗമാൽ ഫൗദയും ലത്തീഫ്​ അലാബിയും(ആക്​ ടിങ്​ ഇമാം) അന്താരാഷ്​ട്ര മാധ്യമമായ എൻ.സെഡ്​​ ഹെറാൾഡുമായി​ അനുഭവം പങ്കിട്ടു. സംഭവം നടന്ന്​ ദിവസങ്ങൾ കഴിഞ്ഞിട് ടും ഇരുവരുടെയും ഞെട്ടൽ മാറിയിട്ടില്ല. കൺമുമ്പിൽ വിശ്വാസികൾ മരിച്ചു വീണതി​​​െൻറ ഭീതിയോടെയായിരുന്നു ഇരുവരും സംസാരിച്ചത്​.

200ലധികം വിശ്വാസികൾക്ക്​ മുമ്പിൽ ജുമുഅ ഖുതുബ നടത്താൻ അഞ്ച്​ മിനിറ്റ്​ ബാക്കി നിൽക്കെ മൂന്ന്​ വെടിയൊച്ചയും കൂടെ ആളുകളുടെ നിലവിളിയും കേട്ടത്​ ഒാർമയുണ്ട്​. വികൃതിയായ ഏതോ ഒരു പയ്യൻ കളിക്കുന്നതാവും അല്ലെങ ്കിൽ ഏതെങ്കിലും മ്യൂസിക്​ സിസ്റ്റത്തിൽ നിന്നും വരുന്ന ശബ്​ദം.. എ​​​​​െൻറ ചിന്തപോയത്​ അങ്ങനെയായിരുന്നു.. അൽ നൂ ർ പള്ളിയിലെ ഇമാമായ ഗമാൽ ഫൗദ നിറകണ്ണുകളോടെ എൻ.എസ്​ ഹെരാൾഡിനോട്​ പറഞ്ഞു.

എന്നാൽ തൊട്ടടുത്ത നിമിഷം മറ്റൊര ു വെടിയൊച്ച കേട്ടു.. അത്​ കൂടുതൽ വ്യക്​തമായതായിരുന്നു. അതി​​​​​െൻറ കൂടെ അൾജീരിയക്കാരനായ ഒരാളുടെ അലർച്ചയും കേ ട്ടു... ആളുകൾക്ക്​ രക്ഷപ്പെടാനായി അയാൾ പള്ളിയുടെ ജനൽ ചില്ല്​ തകർത്തു. അതിന്​ ശേഷം വെടിയൊച്ചകളുടെ എണ്ണം കൂടാൻ ത ുടങ്ങി. ബ്രെണ്ടൻ റ്ററൻറ് എന്ന ക്രിസ്​തീയ ഭീകര​​​​​െൻറ ക്രൂരതയിൽ നിന്ന്​ രക്ഷ നേടാൻ ഗമാൽ ഫൗദയെന്ന ഇമാം തറയിൽ കി ടക്കുകയായിരുന്നു. ഹെൽമെറ്റും സൺ ഗ്ലാസും ധരിച്ച്​ ആർമി സ്​റ്റൈലിൽ എത്തിയ റ്റിറൻറി​​​​​െൻറ കൈയിൽ സെമി ഒ​േട്ടാമാറ്റിക്​ തോക്കായിരുന്നു ഉണ്ടായിരുന്നത്​.

അൾജീരിയക്കാരൻ തകർത്ത വലതു വശത്തെ ചില്ലു ജനാലക്കുള്ളിലൂടെ നിരവധിയാളുകൾ രക്ഷപ്പെട്ടു. എന്നാൽ ഇടതു വശത്ത്​ സ്ഥിതി മറിച്ചായിരുന്നു. അവിടെയുണ്ടായിരുന്നവരിൽ ഭൂരിഭാഗം പേർക്കും വെടിയേറ്റു. വെടിയേറ്റ്​ മരിച്ചവർക്ക്​ അടിയിലായി കിടന്നാണ്​ പലരും ഭീകര​​​െൻറ വെടിവെപ്പിൽ നിന്നും രക്ഷ നേടിയത്​. എന്നാൽ ശ്വാസം നിലച്ചവരിലേക്ക്​ വീണ്ടും വീണ്ടും വെടിയുതിർത്തു ആ ക്രൂരൻ -ഇമാം പറഞ്ഞു.

പള്ളിയിലെ എല്ലാ മൂലകളിലേക്കും അയാൾ പോയി. കൺമുന്നിൽ കണ്ടവരെയെല്ലാം വെടിവെച്ചു വീഴ്​ത്തി. ഏതൊക്കെ ഭാഗങ്ങളിൽ നിന്ന്​ ഞെരക്കം കേൾക്കുന്നുണ്ടോ അവിടേക്കെല്ലാം തുടർച്ചയായി വെടിവെച്ചു. വെടിവെപ്പിലുയർന്ന പുക കാരണം ഞങ്ങളിൽ പലർക്കും ശ്വസിക്കാൻ പോലും കഴിഞ്ഞില്ല. വെടിയുണ്ടകൾ നാനാഭാഗത്തേക്കും പറന്നുകൊണ്ടിരിക്കുകയായിരുന്നു.

എന്നാൽ ബുള്ളറ്റ്​ തീർന്നതോടെ അവിടം നിശബ്​ദമായി.. എന്നാൽ പുക കാരണം ഭീകരൻ പോയോ ഇല്ലയോ എന്ന കാര്യത്തിൽ ആർക്കും ഉറപ്പില്ലായിരുന്നു. ഒളിച്ചിരുന്ന എല്ലാവരും അയാൾ പോകാനായി കാത്തിരുന്നു... ദൈവത്തിന്​ സ്തുതി പുക കാരണം പലരെയും അയാൾക്ക്​ കാണാനായില്ല...

എന്നാൽ സെക്കൻറുകൾക്കകം അയാൾ തിരിച്ചുവന്നു... പോയെന്ന്​ കരുതി പുറത്തേക്ക്​ വന്നവരെ വീണ്ടും വെടിവെച്ച്​ വീഴ്​ത്താൻ തുടങ്ങി.. ഞങ്ങൾക്ക്​ അറിയില്ലായിരുന്നു ആ രക്​തദാഹി വീണ്ടും വരുമെന്ന്​.. വെടിയേറ്റവരിലേക്ക്​ വീണ്ടും വീണ്ടും അവൻ വെടിവെച്ചു.. പള്ളിയിലെ കാർപാർക്കിങ്​ ഏരിയയിലേക്ക്​ ഒാടി അവിടെ ഒളിച്ചിരുന്ന്​ പലരും രക്ഷപ്പെട്ടു.. ചിലർ കെട്ടിടത്തി​​​​​െൻറ മുകളിൽ നിന്നും താഴേക്ക്​ ചാടി.. 111ലേക്ക്​ വിളിക്കാനായി ഒരുങ്ങിയ ഒരാളെ ഭീകരൻ കണ്ടു അയാളെയും ​വെടിവെച്ചിട്ടു..

ഇമാമും മറ്റ്​ ചിലരും പ്രധാന മുറിയിലായിരുന്നു.. സ്​ത്രീകൾ പ്രത്യേക മുറിയിൽ ഒളിച്ചിരിക്കുകയായിരുന്നു... അവിടെ നിന്നും പുറത്തേക്ക്​ ഒാടി രക്ഷപ്പെടാൻ ശ്രമിച്ചവർക്കാണ്​ വെടിയേറ്റത്​. ജീവനോടെ ഉണ്ടെന്ന്​ എനിക്കിപ്പോഴും വിശ്വസിക്കാൻ കഴിയുന്നില്ല.. -ഇമാം ഫൗദ പറഞ്ഞു.

ആക്രമിക്ക്​ നേരെ അസീസ്​ കാർഡ്​ റീഡിങ്​ മെഷീൻ ​വലിച്ചെറിഞ്ഞു...

അൽനൂർ മസ്​ജിദിൽ നിന്നും പിന്നീട്​ ഭീകരൻ പോയത്​ ലിൻവുഡിലെ പള്ളിയിലേക്കായിരുന്നു.. ഏഴ്​ പേരാണ്​ അവിടെ മരിച്ചത്​. ഫൗദക്കൊപ്പം ഹെരാൾഡിനോട്​ അനുഭവം പങ്കിടാൻ അവിടുത്തെ പള്ളിയിലെ ഇമാമായ അലബി ലതീഫ്​ സിറുള്ളാ എത്തിയിരുന്നു..

അസീസി​​​​​​​​െൻറ ഇടപെടലില്ലായിരുന്നുവെങ്കിൽ ലിൻവുഡ്​ മസ്​ജിദിലെ മരണസംഖ്യ ഏറെ ഉയരുമായിരുന്നുവെന്ന്​ ജുമുഅക്ക്​ നേതൃത്വം നൽകിയ ആക്​ടിങ്​ ഇമാം ലത്തീഫ്​ അലാബി പറഞ്ഞു. താൻ പ്രഭാഷണം നിർവഹിച്ചുകൊണ്ടിരിക്കെ 1.55 ഒാടെയാണ്​ പുറത്തുനിന്ന്​ വെടിയൊച്ച കേട്ടതെന്ന്​ ഇമാം പറഞ്ഞു. ‘‘ജനലിലൂ​ടെ പുറത്തേക്ക്​ നോക്കിയപ്പോൾ സൈനികവേഷത്തിൽ ഒരാൾ വെടിയുതിർക്കുന്നതാണ്​ കണ്ടത്​. പൊലീസ്​ ഒാഫിസറാണെന്നാണ്​ ആദ്യം കരുതിയതെങ്കിലും അസഭ്യംപറഞ്ഞുകൊണ്ട്​ വീണ്ടും വെടിവെച്ചപ്പോഴാണ്​ അപകടം മനസ്സിലായത്​. ഇതോടെ പള്ളിയിലുണ്ടായിരുന്ന 80ഒാളം പേരോട്​ നിലത്തുകിടക്കാൻ ആവശ്യപ്പെട്ടു. അപ്പോഴേക്കും ഒരു മൃതദേഹം പ്രധാനഹാളി​​​​​​​​െൻറ ജനൽചില്ലുകൾ തകർത്ത്​ അകത്തേക്ക്​ പതിച്ചു. ഇതോടെ എല്ലാവരും ചകിതരായി. ഇൗ ഘട്ടത്തിലാണ്​ അബ്​ദുൽ അസീസ്​ പുറത്തേക്ക്​ കുതിച്ചത്​. അയാളുടെ ഇടപെടലാണ്​ ആക്രമിയെ പിന്തിരിപ്പിച്ചത്. ആക്രമിക്ക്​ പള്ളിയിലേക്ക്​ കയറാൻ കഴിഞ്ഞിരുന്നെങ്കിൽ ഞങ്ങളെല്ലാം മരിച്ചേനെ​’’ -അലാബി പറഞ്ഞു.

പുറത്തേക്ക്​ കുതിച്ച അസീസ്​ ആദ്യം കൈയിൽകിട്ടിയ ക്രെഡിറ്റ്​ കാർഡ്​ മെഷീൻ പൊക്കി ആക്രമിയുടെ നേരെ എറിഞ്ഞു. ഇതോടെ തോക്ക്​ താഴെപ്പോയ ആക്രമി കാറിൽനിന്ന്​ മറ്റൊരു തോക്കുമായി തിരി​െച്ചത്തി അസീസിനുനേരെ തുരുതുരാ വെടിയുതിർത്തു. നിർത്തിയിട്ട മറ്റു കാറുകൾക്ക്​ പിന്നിൽ മറഞ്ഞുനിന്ന്​ ഇതിൽനിന്ന്​ രക്ഷപ്പെട്ട അസീസ്​ അതിനിടെ നേരത്തേ ആക്രമിയുടെ കൈയിൽനിന്ന്​ വീണ തോക്ക്​ കൈക്കലാക്കി വെടിയുതിർക്കാൻ ശ്രമിച്ചെങ്കിലും അതിൽ ഉണ്ടയില്ലായിരുന്നു. ഇതിനിടെ വീണ്ടും കാറിനടുത്തേക്ക്​ പോയ ആക്രമിയുടെ പിന്നാലെ ചെന്ന അസീസ്​ തോക്കുകൊണ്ട്​ കാറി​​​​​​​​െൻറ ഗ്ലാസ്​ തകർത്തു. ഇതോടെ ആക്രമി കാറിൽ കയറി ഒാടിച്ചുപോവുകയായിരുന്നു.

ആക്രമി എത്തു​േമ്പാൾ അസീസി​നൊപ്പം നാലു മക്കളും പള്ളിയിലുണ്ടായിരുന്നു. അസീസ്​ ആക്രമിയെ നേരിടാൻ കുതിക്കു​േമ്പാൾ 11ഉം അഞ്ചും വയസ്സുള്ള മക്കൾ തിരിച്ചുവരാൻ അലറിവിളിക്കുന്നുണ്ടായിരുന്നു. അതൊന്നും കണക്കിലെടുക്കാതെയായിരുന്നു അസീസി​​​​​​​​െൻറ സാഹസികത. 25 വർഷം മുമ്പ്​ ബാലനായിരിക്കെ അഫ്​ഗാൻ വിട്ട അസീസ്​ 25 വർഷം ആസ്​ട്രേലിയയിലായിരുന്നു. രണ്ടു വർഷമായി ന്യൂസിലൻഡിനെത്തിയിട്ട്​. ത​​​​​​​​െൻറ പ്രവൃത്തി വലിയ ധീരതയായി കരുതുന്നില്ലെന്നും അത്തരമൊരു സന്ദർഭത്തിൽ ആരും ചെയ്യു​ന്നതേ താനും ചെയ്​തിട്ടുള്ളൂവെന്നാണ്​ അസീസി​​​​​​​​െൻറ വാക്കുകൾ.