ഹെഡ്​ഫോൺ പൊട്ടി​ത്തെറിച്ച്​ വിമാനയാത്രക്കാരിക്ക്​ പരിക്ക്​

മെൽബൺ: ബാറ്ററി ഉപയോഗിച്ച്​ പ്രവർത്തിക്കുന്ന മൊബൈൽ ഹെഡ്​ഫോൺ പൊട്ടിത്തെറിച്ച്​ വിമാന യാത്രക്കാരിക്ക്​ പരിക്ക്​. ബീജിങിൽ നിന്ന്​ മെൽബണിലേക്കുള്ള വിമാനത്തിൽ സഞ്ചരിച്ച യാത്രക്കാരിക്കാണ്​ പരിക്കേറ്റത്​.

രണ്ട്​ മണിക്കൂറിലേറയായി പാട്ട്​ കേട്ടുകൊണ്ടിരിക്കുന്നതിനിടെ  പെ​െട്ടന്ന്​ ഹെഡ്​ഫോൺ പൊട്ടിത്തെറിക്കുകയായിരുന്നുവെന്നും യാത്രക്കാരിയായ യുവതി പറഞ്ഞു. സംഭവമുണ്ടായ ഉടൻ ഹെഡ്​ഫോൺ വിമാനത്തി​​െൻറ തറയിലേക്ക്​ വലിച്ചെറിഞ്ഞുവെന്നും അതിൽ നിന്ന്​ പുക ഉയരുന്നത്​ കണ്ടതായും യുവതിയുടെ മൊഴിയിലുണ്ട്​. എന്നാൽ യുവതിയെ സംബന്ധിച്ച കൂടുതൽ വിവരങ്ങൾ പുറത്ത്​ വന്നിട്ടില്ല.

സംഭവത്തിന്​ ശേഷം വിമാനത്തിലെ മറ്റ്​ യാത്രക്കാർക്കും അസ്വസ്​ഥതകളുണ്ടായതായി റിപ്പോർട്ടുകളുണ്ട്​. സാംസങ്ങി​​െൻറ നോട്ട്​ 7 മൊബൈൽ ഫോൺ പൊട്ടിത്തെറിച്ചതിനെ തുടർന്ന്​ ഇൗ മോഡലിന്​ വിമാനങ്ങളിൽ നിയന്ത്രണമേർപ്പെടുത്തിയിരുന്നു. ഇതിന്​ പിന്നാലെയാണ്​ ഹെഡ്​ഫോൺ പൊട്ടിതെറിച്ച വാർത്തകളും പുറത്ത്​ വരുന്നത്​.