ഭീകരനെ തുരത്തിയോടിച്ചു; മരണം കൂടാതെ കാത്ത്​ അബ്​ദുൽ അസീസ്​

ക്രൈസ്​റ്റ്​ചർച്ച്​: തുരുതുരാ വെടിയുതിർത്ത്​ പള്ളിയിലേക്ക്​ കയറിയ ഭീകരനെ നെഞ്ചുവിരിച്ച്​ നേരിട്ട അഫ്​ഗാനി സ്​താൻ സ്വദേശി അബ്​ദുൽ അസീസാണ്​ ഇപ്പോൾ ന്യൂസിലൻഡിൽ ഹീറോ. അൽനൂർ മസ്​ജിദിലെ കൂട്ടക്കൊലക്കുശേഷം ലിൻവുഡ്​ മസ് ​ജിദിലെത്തി വെടിവെപ്പ്​ തുടങ്ങിയപ്പോൾ സ്വന്തം ജീവൻ പണയംവെച്ച്​ ഒറ്റക്ക്​ നേരിടുകയായിരുന്നു കാബൂളുകാരൻ. പള ്ളി കോമ്പൗണ്ടിലുണ്ടായിരുന്ന എട്ടുപേരെ കൊലപ്പെടുത്തിയ ആക്രമിക്ക്​ അസീസി​​​​െൻറ ചെറുത്തുനിൽപ്​ മൂലം പ്രധാ ന ഹാളിലേക്ക്​ കടക്കാനാവാതെ പിന്തിരിഞ്ഞ ആക്രമി ഒടുവിൽ കാറിൽകയറി രക്ഷപ്പെടുകയായിരുന്നു.

അസീസി​​​​െൻറ ഇടപെടലില്ലായിരുന്നുവെങ്കിൽ ലിൻവുഡ്​ മസ്​ജിദിലെ മരണസംഖ്യ ഏറെ ഉയരുമായിരുന്നുവെന്ന്​ ജുമുഅക്ക്​ നേതൃത്വം നൽകിയ ആക്​ടിങ്​ ഇമാം ലത്തീഫ്​ അലാബി പറഞ്ഞു. താൻ പ്രഭാഷണം നിർവഹിച്ചുകൊണ്ടിരിക്കെ 1.55 ഒാടെയാണ്​ പുറത്തുനിന്ന്​ വെടിയൊച്ച കേട്ടതെന്ന്​ ഇമാം പറഞ്ഞു. ‘‘ജനലിലൂ​ടെ പുറത്തേക്ക്​ നോക്കിയപ്പോൾ സൈനികവേഷത്തിൽ ഒരാൾ വെടിയുതിർക്കുന്നതാണ്​ കണ്ടത്​. പൊലീസ്​ ഒാഫിസറാണെന്നാണ്​ ആദ്യം കരുതിയതെങ്കിലും അസഭ്യംപറഞ്ഞുകൊണ്ട്​ വീണ്ടും വെടിവെച്ചപ്പോഴാണ്​ അപകടം മനസ്സിലായത്​. ഇതോടെ പള്ളിയിലുണ്ടായിരുന്ന 80ഒാളം പേരോട്​ നിലത്തുകിടക്കാൻ ആവശ്യപ്പെട്ടു. അപ്പോഴേക്കും ഒരു മൃതദേഹം പ്രധാനഹാളി​​​​െൻറ ജനൽചില്ലുകൾ തകർത്ത്​ അകത്തേക്ക്​ പതിച്ചു. ഇതോടെ എല്ലാവരും ചകിതരായി. ഇൗ ഘട്ടത്തിലാണ്​ അബ്​ദുൽ അസീസ്​ പുറത്തേക്ക്​ കുതിച്ചത്​. അയാളുടെ ഇടപെടലാണ്​ ആക്രമിയെ പിന്തിരിപ്പിച്ചത്. ആക്രമിക്ക്​ പള്ളിയിലേക്ക്​ കയറാൻ കഴിഞ്ഞിരുന്നെങ്കിൽ ഞങ്ങളെല്ലാം മരിച്ചേനെ​’’ -അലാബി പറഞ്ഞു.

പുറത്തേക്ക്​ കുതിച്ച അസീസ്​ ആദ്യം കൈയിൽകിട്ടിയ ക്രെഡിറ്റ്​ കാർഡ്​ മെഷീൻ പൊക്കി ആക്രമിയുടെ നേരെ എറിഞ്ഞു. ഇതോടെ തോക്ക്​ താഴെപ്പോയ ആക്രമി കാറിൽനിന്ന്​ മറ്റൊരു തോക്കുമായി തിരി​െച്ചത്തി അസീസിനുനേരെ തുരുതുരാ വെടിയുതിർത്തു. നിർത്തിയിട്ട മറ്റു കാറുകൾക്ക്​ പിന്നിൽ മറഞ്ഞുനിന്ന്​ ഇതിൽനിന്ന്​ രക്ഷപ്പെട്ട അസീസ്​ അതിനിടെ നേരത്തേ ആക്രമിയുടെ കൈയിൽനിന്ന്​ വീണ തോക്ക്​ കൈക്കലാക്കി വെടിയുതിർക്കാൻ ശ്രമിച്ചെങ്കിലും അതിൽ ഉണ്ടയില്ലായിരുന്നു. ഇതിനിടെ വീണ്ടും കാറിനടുത്തേക്ക്​ പോയ ആക്രമിയുടെ പിന്നാലെ ചെന്ന അസീസ്​ തോക്കുകൊണ്ട്​ കാറി​​​​െൻറ ഗ്ലാസ്​ തകർത്തു. ഇതോടെ ആക്രമി കാറിൽ കയറി ഒാടിച്ചുപോവുകയായിരുന്നു.

ആക്രമി എത്തു​േമ്പാൾ അസീസി​നൊപ്പം നാലു മക്കളും പള്ളിയിലുണ്ടായിരുന്നു. അസീസ്​ ആക്രമിയെ നേരിടാൻ കുതിക്കു​േമ്പാൾ 11ഉം അഞ്ചും വയസ്സുള്ള മക്കൾ തിരിച്ചുവരാൻ അലറിവിളിക്കുന്നുണ്ടായിരുന്നു. അതൊന്നും കണക്കിലെടുക്കാതെയായിരുന്നു അസീസി​​​​െൻറ സാഹസികത. 25 വർഷം മുമ്പ്​ ബാലനായിരിക്കെ അഫ്​ഗാൻ വിട്ട അസീസ്​ 25 വർഷം ആസ്​ട്രേലിയയിലായിരുന്നു. രണ്ടു വർഷമായി ന്യൂസിലൻഡിനെത്തിയിട്ട്​. ത​​​​െൻറ പ്രവൃത്തി വലിയ ധീരതയായി കരുതുന്നില്ലെന്നും അത്തരമൊരു സന്ദർഭത്തിൽ ആരും ചെയ്യു​ന്നതേ താനും ചെയ്​തിട്ടുള്ളൂവെന്നാണ്​ അസീസി​​​​െൻറ വാക്കുകൾ.