രാഷ്ട്രീയത്തിലേക്ക് തിരിച്ചുവരുമെന്ന സൂചനയുമായി ടോണി ബ്ളെയര്‍

ലണ്ടന്‍: രാഷ്ട്രീയത്തിലേക്ക് തിരിച്ചുവരുമെന്ന സൂചന നല്‍കി ബ്രിട്ടീഷ് മുന്‍ പ്രധാനമന്ത്രി ടോണി ബ്ളെയര്‍ രംഗത്ത്. ബ്രിട്ടന്‍ രാഷ്ട്രീയത്തില്‍ നിലവില്‍ ശൂന്യത അനുഭവപ്പെടുന്നുണ്ടെന്നും ആ ശൂന്യത നികത്താനാണ് താന്‍ ആഗ്രഹിക്കുന്നതെന്നും ടോണി ബ്ളെയര്‍ പറഞ്ഞു. എസ്ക്വയര്‍ മാഗസിനുമായി നടത്തിയ അഭിമുഖത്തിലാണ് ബ്ളെയര്‍ ഇക്കാര്യം വെളിപ്പെടുത്തിയത്.

അള്‍ട്രാ ലെഫ്റ്റായ ജെറമി കോര്‍ബിന്‍ നയിക്കുന്ന ലേബര്‍ പാര്‍ട്ടി പാര്‍ലമെന്‍റിനെ തള്ളി തെരുവിന്‍െറ രാഷ്ട്രീയം സ്വീകരിച്ചിരിക്കുകയാണെന്നും അദ്ദേഹം കുറ്റപ്പെടുത്തി.