റഷ്യന്‍ എയര്‍ലൈന്‍സിന് തുര്‍ക്കിയിലേക്കുള്ള യാത്രാവിലക്ക് നീക്കി

മോസ്കോ: യൂറല്‍ എയര്‍ലൈന്‍സിന് തുര്‍ക്കിയിലേക്കുള്ള യാത്രാനിരോധം റഷ്യ നീക്കി. അതിര്‍ത്തി ലംഘിച്ചുവെന്നാരോപിച്ച് കഴിഞ്ഞ നവംബറില്‍ റഷ്യന്‍ യുദ്ധവിമാനം തുര്‍ക്കി വെടിവെച്ചിട്ടതിനെ തുടര്‍ന്നായിരുന്നു വിമാനങ്ങള്‍ക്ക് വിലക്കേര്‍പ്പെടുത്തിയത്.
റഷ്യയില്‍നിന്ന് തുര്‍ക്കിയിലെ പ്രമുഖ വിനോദസഞ്ചാരമേഖലയായ അന്‍റാലിയയിലേക്ക് ആഴ്ചയില്‍ ഏഴുതവണ പറന്നിരുന്നു യൂറല്‍ എയര്‍ലൈന്‍സ്. വിമാനം വെടിവെച്ചശേഷം തുര്‍ക്കിയിലേക്കുള്ള വിനോദസഞ്ചാരികള്‍ക്കും റഷ്യ വിലക്കേര്‍പ്പെടുത്തിയിരുന്നു.