അഭയാര്‍ഥികളെ സ്വീകരിക്കില്ളെന്ന് പോളണ്ട്

വാഴ്സ: ബ്രസല്‍സ് ആക്രമണമുണ്ടായ പശ്ചാത്തലത്തില്‍ യൂറോപ്യന്‍ യൂനിയന്‍െറ അഭയാര്‍ഥിനയം അംഗീകരിക്കില്ളെന്ന് പോളണ്ട് പ്രധാനമന്ത്രി ബീറ്റ സിദ്ലോ വ്യക്തമാക്കി. മൂന്നു വര്‍ഷം കൊണ്ട് 7000 അഭയാര്‍ഥികളെ സ്വീകരിക്കുമെന്നായിരുന്നു ഇ.യുമായുണ്ടാക്കിയ ധാരണ.  അതിന്‍െറ ഭാഗമായി ഈ വര്‍ഷം 400 അഭയാര്‍ഥികളെ ഏറ്റെടുക്കാനായിരുന്നു പദ്ധതി. എന്നാല്‍, ഇക്കാര്യം പ്രാവര്‍ത്തികമാക്കാന്‍ ബുദ്ധിമുട്ടാണെന്ന് സിദ്ലോ പറഞ്ഞു. 

അഭയാര്‍ഥികളെ ഏറ്റെടുക്കുന്നതിനെതിരെ രാജ്യത്ത് വ്യാപക പ്രക്ഷോഭങ്ങള്‍ നടന്നിരുന്നു. ഏറെക്കാലം അഭയാര്‍ഥികളോട് മുഖം തിരിച്ചിരുന്ന പോളണ്ട് യൂറോപ്യന്‍ യൂനിയന്‍െറ സമ്മര്‍ദത്തിന് വഴങ്ങി 7000 പേരെ സ്വീകരിക്കാമെന്നു സമ്മതിക്കുകയായിരുന്നു.