2017ഓടെ ഇന്‍റര്‍നെറ്റ് പരസ്യങ്ങള്‍ ടെലിവിഷന്‍ പരസ്യങ്ങളെ മറികടക്കും

ലണ്ടന്‍: ഇന്‍റര്‍നെറ്റ് പരസ്യങ്ങള്‍ ടെലിവിഷന്‍ പരസ്യങ്ങളെ 2018ല്‍ മറികടക്കുമെന്നാണ് കഴിഞ്ഞ ഡിസംബറില്‍ സെനിത് ഒപ്റ്റിക് മീഡിയ പ്രവചിച്ചത്. എന്നാല്‍, തിങ്കളാഴ്ച അവര്‍ അത് തിരുത്തി. അത് അടുത്തവര്‍ഷംതന്നെ സംഭവിക്കുമെന്നാണ് ആഗോള പരസ്യ ഏജന്‍സിയായ സെനിത് ഇപ്പോള്‍ കണക്കുകൂട്ടുന്നത്. ഇന്‍റര്‍നെറ്റിലെ പരസ്യങ്ങള്‍ അടുത്തവര്‍ഷം മൂന്നുമടങ്ങ് വര്‍ധിക്കുമെന്നാണ് കരുതുന്നത്. സോഷ്യല്‍ മീഡിയയിലും ഓണ്‍ലൈന്‍ വിഡിയോകളിലും പരസ്യം ചെയ്യുന്നതിന് താല്‍പര്യം വര്‍ധിക്കുകയാണ്. ആഗോളസാമ്പത്തികം കടുത്ത വെല്ലുവിളി നേരിടുന്നുണ്ടെങ്കിലും പരസ്യരംഗത്ത് നിക്ഷേപം വലുതായി കുറഞ്ഞിട്ടില്ല. ചൈന, റഷ്യ, ബ്രസീല്‍ എന്നിവിടങ്ങളിലെ സ്ഥിതിഗതികളും ബ്രിട്ടന്‍െറ യൂറോപ്യന്‍ യൂനിയന്‍ അംഗത്വത്തെ കുറിച്ച് തുടരുന്ന അനിശ്ചിതത്വവും വെല്ലുവിളികളാണ്. എന്നാല്‍, റിയോ ഒളിമ്പിക്സ്, യു.എസ് പ്രസിഡന്‍റ് തെരഞ്ഞെടുപ്പ് എന്നിവ പരസ്യ വ്യവസായത്തിന് മുതല്‍ക്കൂട്ടാകുമെന്ന പ്രതീക്ഷയിലാണ് സെനിത്.