സെനറ്റിനു മുന്നില്‍ ആരോപണങ്ങള്‍ നിഷേധിച്ച് ദില്‍മ

റിയോ ഡെ ജനീറോ: ബജറ്റതിരിമറിയിലും അഴിമതിക്കേസിലും കുറ്റവിചാരണ നേരിടുന്ന ദില്‍മ റൂസഫ് ആരോപണങ്ങള്‍ നിഷേധിച്ചു. ഇംപീച്ച്മെന്‍റ് വിസ്താരവേളയിലാണ് ദില്‍മ ആരോപണങ്ങള്‍ നിഷേധിച്ചത്. ‘തന്‍െറ സര്‍ക്കാറിന് തെറ്റുപറ്റിയിട്ടുണ്ടാകാം. എന്നാല്‍, വോട്ടര്‍മാരെ ചതിച്ചിട്ടില്ല. എന്നിലാരോപിക്കപ്പെട്ട കുറ്റങ്ങള്‍ ഒരിക്കലും ചെയ്തിട്ടില്ല’-ദില്‍മ വ്യക്തമാക്കി.

ബജറ്റ് കമ്മി നികത്തുന്നതിന് ബാങ്കുകളില്‍നിന്ന് വന്‍തോതില്‍ വായ്പകള്‍ എടുത്ത കാര്യം മറച്ചുപിടിച്ചെന്നാണ് ദില്‍മക്കെതിരായ ഒരു ആരോപണം. ഇംപീച്ച്മെന്‍റ് വിചാരണ തന്നെ പുറത്താക്കാനുള്ള അട്ടിമറിയാണെന്നാണ് അവര്‍ വിശേഷിപ്പിച്ചത്. ആരോപണങ്ങളെ തുടര്‍ന്ന് ദില്‍മയെ പ്രസിഡന്‍റ് സ്ഥാനത്തു നിന്ന് പുറത്താക്കിയിരുന്നു.