തുര്‍ക്കിയില്‍ മാധ്യമപ്രവര്‍ത്തകര്‍ അറസ്റ്റില്‍

അങ്കാറ: ആഭ്യന്തരരഹസ്യങ്ങള്‍ ചോര്‍ത്തിയെന്നാരോപിച്ച് രണ്ടു പ്രമുഖ മാധ്യമപ്രവര്‍ത്തകരെ തുര്‍ക്കി അറസ്റ്റ് ചെയ്തു. തുര്‍ക്കി സിറിയക്ക് ആയുധങ്ങള്‍ നല്‍കുന്നുവെന്ന റിപ്പോര്‍ട്ട് പ്രസിദ്ധീകരിച്ചതിനു പിന്നാലെയാണ് അറസ്റ്റ്. കുംഹുരിയത് പത്രത്തിന്‍െറ എഡിറ്റര്‍ ഇന്‍ ചീഫ് കാന്‍ ദുന്തര്‍, അങ്കാറ ബ്യൂറോ ചീഫ് ഉര്‍ദം ഗുല്‍ എന്നിവരെയാണ് അറസ്റ്റ് ചെയ്തത്. എന്നാല്‍, സിറിയക്ക് ആയുധങ്ങള്‍ നല്‍കുന്നുവെന്ന ആരോപണം തുര്‍ക്കി പ്രസിഡന്‍റ് നിഷേധിച്ചിരുന്നു.