സ്വീഡനില്‍ ജോലി സമയം ആറു മണിക്കൂര്‍

സ്റ്റോക്ഹോം: മെച്ചപ്പെട്ട ഉല്‍പാദനക്ഷമതക്കും അതിലുപരി ജനങ്ങളുടെ സന്തോഷത്തിനും വേണ്ടി സ്വീഡനില്‍ ജോലിസമയം എട്ടു മണിക്കൂറില്‍നിന്ന് ആറുമണിക്കൂറാക്കി കുറക്കുന്നു. ജോലിസമയം കുറയുന്നതിനാല്‍ തൊഴിലാളികള്‍ക്ക് കൂടുതല്‍ സമയം ഇനി കുടുംബത്തോടൊപ്പം കഴിയാം. ജോലിയില്‍ കൂടുതല്‍ ശ്രദ്ധകേന്ദ്രീകരിക്കാനും കഴിയും. ചില മേഖലകളില്‍  ഈ നിയമം പ്രാബല്യത്തില്‍ വന്നുകഴിഞ്ഞു. എട്ടുമണിക്കൂര്‍ ജോലി ഫലപ്രദമല്ളെന്ന് തൊഴിലുടമകള്‍ മനസ്സിലാക്കിക്കഴിഞ്ഞെന്ന് സ്റ്റോക്ഹോമിലെ ഒരു കമ്പനി മേധാവി വ്യക്തമാക്കി.