റഷ്യയില്‍ ആശുപത്രിക്ക് തീപിടിച്ച് 25 മരണം

മോസ്കോ: പടിഞ്ഞാറന്‍ റഷ്യയിലെ മനോരോഗ ആശുപത്രിക്ക് തീപിടിച്ച് 25 പേര്‍ മരിച്ചു. 19 പേരുടെ മൃതദേഹം സംഭവസ്ഥലത്തുനിന്നും കണ്ടെടുത്തതായും പൊള്ളലേറ്റ രണ്ടുപേര്‍ ആശുപത്രിയില്‍  മരിച്ചതായും മന്ത്രിസഭാ വക്താവ് മാധ്യമങ്ങളോട് പറഞ്ഞു.
20  പേര്‍ക്ക് പരിക്കേറ്റു.  അവരെ ഉടന്‍ ആശുപത്രിയില്‍ പ്രവേശിപ്പിച്ചു. മരംകൊണ്ട് നിര്‍മിച്ച ആശുപത്രിക്കെട്ടിടം തീപിടിത്തത്തില്‍ പൂര്‍ണമായി നശിച്ചു. അപകടത്തിന്‍െറ  കാരണം വ്യക്തമല്ല. സംഭവത്തെക്കുറിച്ച് അന്വേഷണം തുടരുകയാണ്. രാജ്യത്ത് തീപിടിത്തം പതിവു സംഭവമാണ്.
2009ല്‍ പേം നഗരത്തിലെ നിശാ ക്ളബിലുണ്ടായ  തീപിടിത്തത്തില്‍ 156 പേര്‍ മരിച്ചിരുന്നു. 2013ല്‍ രണ്ടുതവണ തീപിടിത്തമുണ്ടായി  75 പേരുടെ ജീവന്‍ നഷ്ടപ്പെട്ടു. കൂടാതെ രാജ്യത്ത് വീടുകളിലുണ്ടാകുന്ന തീപിടിത്തത്തില്‍ പ്രതിവര്‍ഷം നിരവധി പേരാണ് മരിക്കുന്നത്.