​ടെലിവിഷൻ ൈലവ്​ ചർച്ചക്കിടെ അവതാരകനുമേൽ സ്റ്റുഡിയോ മോണിറ്റർ സെറ്റ്​ തകർന്ന്​ വീണു​; വിഡിയോ

ബൊഗോട്ട: ​ടെലിവിഷൻ ലൈവ്​ പരിപാടിക്കിടെ സ്റ്റുഡിയോ സെറ്റ്​ മോണിറ്ററിന്‍റെ ഒരു​ ഭാഗം തകർന്നുവീണ്​ അവതാരകന്​ പരിക്ക്​. ഇ.എസ്​.പി.എൻ കൊളംബിയ ടി.വി അവതാരകനായ കാർലോസ്​ ഓർഡുസിനാണ്​ പരിക്കേറ്റത്​. സംഭവത്തിന്‍റെ വിഡിയോ ദൃശ്യങ്ങൾ സമൂഹമാധ്യമങ്ങളിൽ വൻതോതിൽ പ്രചരിച്ചു.

ഇ.എസ്​.പി.എൻ കൊളംബിയ ചാനലിന്‍റെ ആറ്​ പാനലിസ്റ്റുകൾ പ​ങ്കെടുക്കുന്ന ചർച്ചക്കിടെ കാർലോസിന്‍റെമേൽ സ്റ്റുഡിയോ മോണിറ്ററിന്‍റെ ഒരു ഭാഗം പതിക്കുകയായിരുന്നു. ശരീര​േത്തക്ക്​ മോണിറ്റർ വീണതോടെ ഇദ്ദേഹത്തിന്‍റെ മുഖം മുൻവശത്തെ മേശയിൽ ഇടിക്കുന്നതും കാണാം. ഇതോടെ കാമറ മറ്റൊരു ടെലിവിഷൻ അവതാരകന്‍റെ മുഖത്തേക്ക്​ ഫോക്കസ്​ ചെയ്യുന്നതും അദ്ദേഹം ഞെട്ടിയിരിക്കുന്നതും ചർച്ചയിൽ ഇടവേള ആവശ്യപ്പെടുന്നതും വിഡിയോയിലുണ്ട്​.

കാർലോസിന്‍റെ ശരീരത്തിൽ ചതവും മൂക്കിന്​ പൊട്ടലുമുണ്ടെന്നും അദ്ദേഹത്തിന്‍റെ ആരോഗ്യനില തൃപ്​തികരമാണെന്നും ചാനൽ അറിയിച്ചു. നിരവധി പേർ ആരോഗ്യവിവരം തിരക്കിയതായും തനിക്ക്​ മറ്റു ആരോഗ്യ​പ്രശ്​നങ്ങളില്ലെന്നും കാർലോസ്​ ട്വിറ്ററിൽ കുറിച്ചു. നിരവധി സ്​പോട്​സ്​ അവതാരകരും മാധ്യമപ്രവർത്തകരും അദ്ദേഹത്തിന്​ രോഗമുക്തി നേർന്ന്​ ആശംസകൾ അറിയിച്ചു.