ഡെമോക്രാറ്റ്​ പ്രൈമറി കടന്ന്​ എറിക്​ ആദംസ്​; ന്യൂയോർക്​ മേയറായി രണ്ടാമത്തെ കറുത്ത വംശജൻ വരുമോ?

ന്യൂയോർക്​: യു.എസിലെ ഏറ്റവും വലിയ നഗരമായ ന്യൂയോർക്കി​െൻറ മേയറാറാകാൻ ഡെമോക്രാറ്റ്​ പ്രതിനിധിയായി എറിക്​ ആദംസ്​. ന്യൂയോർകിലെ ബ്രൂക്​ലിൻ പട്ടണത്തി​െൻറ ചുമതല വഹിച്ചുവന്ന എറിക്​ പാർട്ടിതല പ്രൈമറിയിൽ ബഹുദൂരം മുന്നിലാണ്​​. യു.എസിൽ നിലവിലെ ഭരണകക്ഷിയായ ഡെമോക്രാറ്റുകളിൽനിന്ന്​ ഒരു ഡസനിലേറെ പേരാണ്​ മത്സര രംഗത്തുണ്ടായിരുന്നത്​.

നവംബറിൽ നടക്കാനിരിക്കുന്ന മേയർ വോ​ട്ടെടുപ്പിൽ തെരഞ്ഞെടു​ക്കപ്പെട്ടാൽ കറുത്ത വംശജനായ രണ്ടാമത്തെ മേയറാകും എറിക്​ ആദംസ്​. ​റിപ്പബ്ലിക്കൻ പ്രതിനിധിയായ കർട്ടിസ്​ സിൽവയെക്കാൾ റേറ്റിങ്ങിൽ ബഹുദൂരം മുന്നിലാണ്​ എറിക്​.