ഉർദുഗാൻ സൗദിയിലേക്ക്

ഇസ്‍തംബൂൾ: ബന്ധം മെച്ചപ്പെടുത്തുന്നതിന്റെ ഭാഗമായി തുർക്കി പ്രസിഡന്റ് റജബ് ത്വയ്യിബ് ഉർദുഗാൻ സൗദിയിലേക്ക് പുറപ്പെട്ടു. 2018ൽ പ്രമുഖ മാധ്യമപ്രവർത്തകനായ ജമാൽ ഖശോഗി വധിക്കപ്പെട്ട ശേഷം ആദ്യമായാണ് ഉർദുഗാൻ സൗദിയിലെത്തുന്നത്. അടുത്തിടെ, ഖശോഗി വധത്തിൽ കുറ്റാരോപിതരെ വിസ്തരിക്കുന്ന നടപടി തുർക്കി റദ്ദാക്കിയിരുന്നു. വിചാരണ സൗദിക്ക് കൈമാറുകയും ചെയ്തു. എല്ലാ മേഖലയിലും സഹകരണം വർധിപ്പിക്കുകയാണ് രണ്ടുദിവസത്തെ സന്ദർശനത്തിന്റെ പ്രധാന അജണ്ട.