ന​യ​ത​​ന്ത്ര പ്ര​തി​നി​ധി​ക​ളെ തുർക്കി പു​റ​ത്താ​ക്കില്ല; രാജ്യത്തിന്​ വലുത്​ ദേശീയ പരമാധികാരമെന്ന്​ ഉർദുഗാൻ, അക്കാര്യത്തിൽ വിട്ടുവീഴ്ച പ്രതീക്ഷിക്കേണ്ടതില്ല

അങ്കാറ: ഉസ്​മാൻ ഖവാല മോചന വിഷയത്തിൽ അമേരിക്ക ഉൾ​പ്പടെ പത്ത്​ പാശ്ചാത്യ രാജ്യങ്ങളിലെ നയതന്ത്ര പ്രതിനിധികളെ പുറത്താക്കാനുള്ള നീക്കത്തിൽ നിന്ന്​ തുർക്കി പിന്മാറി. തുർക്കിക്കെതിരെ അപവാദം പ്രചരിപ്പിക്കുന്നതിൽ നിന്ന്​ ഈ രാജ്യങ്ങൾ വിട്ടുനിൽക്കുന്ന സാഹചര്യത്തിലാണ്​ നീക്കത്തിൽ നിന്നും പിന്മാറുന്നതെന്ന് പ്രസിഡന്‍റ്​​ ​ഉർദുഗാൻ പറഞ്ഞു.

Turkish President #Erdogan reversed his decision to expel US and 9 other Western ambassadors, claimed envoys admitted to their mistakes, would be careful in their statements in the future, and vowed to kick them or others out from #Turkey if they do not behave. pic.twitter.com/4O8Bmn4vP3

— Abdullah Bozkurt (@abdbozkurt) October 25, 2021

''ആരിൽ നിന്നും ഉത്തരവ്​ സ്വീകരിക്കേണ്ട ഗതികേട്​ തുർക്കിക്കില്ല. ആരുടേയോ സമ്മർദ്ദത്തിൽ ചലിക്കുന്ന രാജ്യവുമല്ല ഇത്​. പ്രശ്​നങ്ങൾ സൃഷ്​ടിക്കല്ല ഞങ്ങളുടെ ലക്ഷ്യം. രാജ്യ നിയമവും അഭിമാനവും പരമാധികാരവും സംരക്ഷിക്കേണ്ട ബാധ്യത ഞങ്ങൾക്കുണ്ട്​''- ഉർദുഗാൻ പ്രതികരിച്ചു.

Erdogan steps back from threat to expel Western envoys https://t.co/hXG106hmKH

— Mutlu Civiroglu (@mutludc) October 25, 2021

നേരത്തെ, പുറത്താക്കാനുള്ള നടപടി ന്യായീകരിച്ച്​ തുർക്കി പ്രസിഡന്‍റ്​ റജബ്​ ത്വയ്യിബ്​ ഉർദുഗാൻ രംഗത്തുവന്നിരുന്നു. 2016ലെ സൈനിക അട്ടിമറിക്ക്​ സഹായം ചെയ്​തുവെന്നാണ്​ ഉസ്​മാൻ ഖവാലക്കെതിരായ കുറ്റം. ഇയാളുടെ വിചാരണ നടന്നുകൊണ്ടിരിക്കുകയാണ്​.

#UPDATE Turkish President Recep Tayyip Erdogan rowed back on Monday from his threat to expel 10 Western envoys over their joint statement of support for a jailed civil society leader
➡️https://t.co/e76Yqboo2e pic.twitter.com/SvRZGVemIx

— AFP News Agency (@AFP) October 25, 2021

വ്യവസായിയും സാമൂഹ്യ പ്രവർത്തകനുമായ ഉ​സ്​​മാ​ൻ ഖ​വാ​ല​യു​ടെ മോ​ച​ന​മാ​വ​ശ്യ​പ്പെ​ട്ട്​ ന​യ​ത​​ന്ത്ര പ്ര​തി​നി​ധി​ക​ൾ രം​ഗ​ത്തു​വ​ന്ന​തോടെയാണ്​ പാശ്ചാത്യ രാജ്യങ്ങൾക്കെതിരെ​ ഉർദുഗാൻ സർക്കാർ നടപടിക്ക്​ തയാറെടുത്തിരുന്നത്​​. ആഭ്യന്തര കാര്യങ്ങളിൽ ഇടപെടുന്നതിൽ നിരവധി തവണ പ്രതിഷേധം അറിയിച്ചിട്ടും പിന്മാറാതിരുന്നതോടെയായിരുന്നു​ തുർക്കിയുടെ നടപടി.

യു.​എ​സ്, ജ​ർ​മ​നി, കാ​ന​ഡ, ഡെ​ൻ​മാ​ർ​ക്, ഫി​ൻ​ലാ​ൻ​ഡ്, ഫ്രാ​ൻ​സ്, നെ​ത​ർ​ല​ൻ​ഡ്​​​സ്, ന്യൂ​സി​ല​ൻ​ഡ്, നോ​ർ​വേ, സ്വീ​ഡ​ൻ എ​ന്നീ രാ​ജ്യ​ങ്ങ​ളി​ലെ ന​യ​ത​ന്ത്ര പ്ര​തി​നി​ധി​ക​ളെ പു​റ​ത്താ​ക്കാനായിരുന്നു നീക്കം.​

Osman Kavala pic.twitter.com/heJnQavEeG

— Türk Alıntı (@turkalinti) October 20, 2021

തുർക്കി വാർത്ത വിനിമയ മേധാവിയും നീക്കത്തിൽ വിശദീകരണം നൽകി. ''ഈ വിഷയത്തിൽ വിദേശകാര്യ വക്​താക്കൾക്ക്​ ഞങ്ങൾ പലതവണ മുന്നറിയിപ്പ്​ നൽകിയതാണ്​. രാജ്യ പരമാധികാരത്തിൽ ഒരു തലത്തിലുള്ള സമവായത്തിനും ഞങ്ങൾ തയാറല്ല. ഇത്തരം കഠിന നടപടിയിലേക്ക്​ നീങ്ങാൻ മന്ത്രാലയത്തിന്​ യാതൊരു മടിയുമില്ല'' -വാർത്ത വിനിമയ മേധാവി ഫഹ്​റുദ്ദിൻ അൽതുൻ പറഞ്ഞു. തുർക്കി നീക്കത്തിൽ അമേരിക്ക ഉൾപ്പെടെയുള്ള രാജ്യങ്ങൾ രംഗത്തു വിന്നിരുന്നു​.

10 പാ​ശ്ചാ​ത്യ രാ​ജ്യ​ങ്ങ​ളി​ലെ ന​യ​ത​​ന്ത്ര പ്ര​തി​നി​ധി​ക​ളെ പു​റ​ത്താ​ക്കാനൊരുങ്ങി തുർക്കി

അങ്കാറ: തു​ർ​ക്കി പ്ര​സി​ഡ​ൻ​റ്​ റ​ജ​ബ്​ ത്വ​യ്യി​ബ്​ ഉ​ർ​ദു​ഗാ​ൻ 10 പാ​ശ്ചാ​ത്യ രാ​ജ്യ​ങ്ങ​ളി​ലെ ന​യ​ത​​ന്ത്ര പ്ര​തി​നി​ധി​ക​ളെ പു​റ​ത്താ​ക്കാ​​നൊ​രു​ങ്ങു​ന്നു. ജ​യി​ലി​ല​ട​ച്ച സാ​മൂ​ഹി​ക പ്ര​വ​ർ​ത്ത​ക​ൻ ഉ​സ്​​മാ​ൻ ക​വാ​ല​യു​ടെ മോ​ച​ന​മാ​വ​ശ്യ​പ്പെ​ട്ട്​ ന​യ​ത​​ന്ത്ര പ്ര​തി​നി​ധി​ക​ൾ രം​ഗ​ത്തു​വ​ന്ന​താ​ണ്​ തു​ർ​ക്കി​യെ പ്ര​കോ​പി​പ്പി​ച്ച​ത്. ന​യ​ത​​ന്ത്ര പ്ര​തി​നി​ധി​ക​ളെ പു​റ​ത്താ​ക്കി​യാ​ൽ നാ​റ്റോ രാ​ജ്യ​ങ്ങ​ളും തു​ർ​ക്കി​യും ത​മ്മി​ലെ ഭി​ന്ന​ത കൂ​ടു​ത​ൽ രൂ​ക്ഷ​മാ​കും.

ശ​നി​യാ​ഴ്​​ച​യാ​ണ്​ യു.​എ​സ്, ജ​ർ​മ​നി, കാ​ന​ഡ, ഡെ​ൻ​മാ​ർ​ക്, ഫി​ൻ​ലാ​ൻ​ഡ്, ഫ്രാ​ൻ​സ്, നെ​ത​ർ​ല​ൻ​ഡ്​​​സ്, ന്യൂ​സി​ല​ൻ​ഡ്, നോ​ർ​വേ, സ്വീ​ഡ​ൻ എ​ന്നീ രാ​ജ്യ​ങ്ങ​ളി​ലെ ന​യ​ത​ന്ത്ര പ്ര​തി​നി​ധി​ക​ളെ പു​റ​ത്താ​ക്കാ​ൻ ഉ​ർ​ദു​ഗാ​ൻ ആ​വ​ശ്യ​പ്പെ​ട്ട​ത്. തു​ർ​ക്കി​യെ കു​റി​ച്ച്​ ന​യ​ത​ന്ത്ര പ്ര​തി​നി​ധി​ക​ൾ അ​റി​യാ​ൻ പോ​കു​ന്ന​തേ​യു​ള്ളൂ​വെ​ന്നും ഉ​ർ​ദു​ഗാ​ൻ പ​റ​ഞ്ഞു.

എ​ന്നാ​ൽ, ഉ​ത്ത​ര​വ്​ ന​ട​പ്പാ​ക്കാ​ൻ നി​ശ്ചി​ത സ​മ​യ പ​രി​ധി​യില്ല. 2013​ൽ ദേ​ശ​വ്യാ​പ​ക​മാ​യി ന​ട​ന്ന പ്ര​തി​ഷേ​ധ​ങ്ങ​ൾ​ക്ക്​ പ​ണം ന​ൽ​കി, 2016ലെ ​പ​രാ​ജ​യ​പ്പെ​ട്ട അ​ട്ടി​മ​റി​ശ്ര​മ​ത്തി​ൽ പ​​ങ്കാ​ളി​യാ​യി എ​ന്നീ കു​റ്റ​ങ്ങ​ൾ ചു​മ​ത്തി​യാ​ണ്​ ​ 2017ൽ ​ക​വാ​ല​യെ തു​ർ​ക്കി ജ​യി​ലി​ല​ട​ച്ച​ത്. കു​റ്റ​ങ്ങ​ൾ ഇ​ദ്ദേ​ഹം നി​ഷേ​ധി​ച്ചി​രു​ന്നു.

തി​ങ്ക​ളാ​ഴ്​​ച​യാ​ണ്​ ന​യ​ത​ന്ത്ര പ്ര​തി​നി​ധി​ക​ൾ ഒ​ന്ന​ട​ങ്കം ക​വാ​ല​യു​ടെ മോ​ച​ന​മാ​വ​ശ്യ​പ്പെ​ട്ട്​ പ്ര​സ്​​താ​വ​ന​യി​റ​ക്കി​യ​ത്. ക​വാ​ല​യു​ടെ ത​ട​ങ്ക​ൽ നീ​ട്ടു​ന്ന​ത്​ തു​ർ​ക്കി​യു​ടെ പ്ര​തി​ച്ഛാ​യ ത​ക​ർ​ക്കു​മെ​ന്നും അ​വ​ർ പ​റ​ഞ്ഞു. ക​വാ​ല​യെ മോ​ചി​പ്പി​ക്ക​ണ​മെ​ന്ന്​ 2019ൽ ​യൂ​റോ​പ്യ​ൻ മ​നു​ഷ്യാ​വ​കാ​ശ കോ​ട​തി ഉ​ത്ത​ര​വി​ട്ടി​രു​ന്നു. ഉ​ത്ത​ര​വ്​ ന​ട​പ്പാ​ക്ക​ണ​മെ​ന്നാ​വ​ശ്യ​പ്പെ​ട്ട്​ യൂ​റോ​പ്യ​ൻ കൗ​ൺ​സി​ലും രം​ഗ​ത്തു​വ​ന്നി​രു​ന്നു.