ബ്രിട്ടനിൽ ഇനി അടിയന്തര ഘട്ടങ്ങളിൽ ഫോണിൽ ‘അപായമണി’

ലണ്ടൻ: ബ്രിട്ടനിൽ പ്രകൃതി ദുരന്തങ്ങളും കാലാവസ്ഥ അപകടസാധ്യതകളും അടക്കം അടിയന്തര സന്ദർഭങ്ങളിൽ ഫോണിൽ മുന്നറിയിപ്പ് സൈറൺ മുഴങ്ങും.

ഞായറാഴ്ച വൈകീട്ട് രാജ്യവ്യാപകമായി പരീക്ഷണ ബെൽ മുഴങ്ങി. സൈറൺ കൂടാതെ അപകടം സംബന്ധിച്ച ടെക്സ്റ്റ് സന്ദേശവും അയക്കും. ജനങ്ങളുടെ ജീവൻ ഭീഷണിയിലാകുന്ന അപൂർവ സന്ദർഭങ്ങളിൽ മാത്രമേ അപായമണി ഉപയോഗിക്കൂവെന്നും ചിലപ്പോൾ മാസങ്ങളോ വർഷങ്ങളോ ഇടവേളയുണ്ടാകുമെന്നും സർക്കാർ അറിയിച്ചു.