ഇന്തോനേഷ്യയിൽ ഭൂചലനത്തിൽ എട്ടു​ മരണം

ജ​കാ​ർ​ത്ത: ഇന്തോനേഷ്യ​യി​ലെ ജാ​വ​യി​ലു​ണ്ടാ​യ അ​തി​ശ​ക്ത​മാ​യ ഭൂ​ച​ല​ന​ത്തി​ൽ എ​ട്ടു​ ജീ​വ​നു​ക​ൾ പൊ​ലി​ഞ്ഞു. 23 പേ​ർ​ക്ക്​ ഗു​രു​ത​ര​മാ​യി പ​രി​ക്കേ​റ്റു. 1300ലേ​റെ കെ​ട്ടി​ട​ങ്ങ​ൾ ത​ക​ർ​ന്നു. വി​നോ​ദ​സ​ഞ്ചാ​ര കേ​ന്ദ്ര​മാ​യ ബാ​ലി​യി​ലും ഭൂ​ച​ല​നം അ​നു​ഭ​വ​പ്പെ​ട്ടു. പ്രാ​ദേ​ശി​ക​സ​മ​യം ഉ​ച്ച ര​ണ്ടി​നാ​യി​രു​ന്നു റി​ക്​​ട​ർ സ്​​കെ​യി​ലി​ൽ ആ​റു തീ​വ്ര​ത രേ​ഖ​പ്പെ​ടു​ത്തി​യ ഭൂ​ച​ല​നം ഉ​ണ്ടാ​യ​ത്.

സൂ​നാ​മി ഭീ​ഷ​ണി​യി​ല്ലെ​ന്ന്​ ഇ​​​േ​ന്താ​േ​ന​ഷ്യ​ൻ സൂ​നാ​മി-​ഭൂ​ക​മ്പ കേ​ന്ദ്ര മേ​ധാ​വി റ​ഹ്​​മ​ത്ത്​ ത​രി​യാ​നോ അ​റി​യി​ച്ചു. കി​ഴ​ക്ക​ൻ ജാ​വ​യി​ലെ മ​ലാ​ങ്ങി​ൽ​നി​ന്ന് 45 കി​ലോ​മീ​റ്റ​ർ അ​ക​ലെ ക​ട​ലി​ൽ 82 കി​ലോ​മീ​റ്റ​ർ ആ​ഴ​ത്തി​ലാ​യി​രു​ന്നു ഭൂ​ച​ല​ന​ത്തി​െൻറ പ്ര​ഭ​വ​കേ​ന്ദ്രം. മി​ന്ന​ൽ പ്ര​ള​യ​ത്തി​ലും ചു​ഴ​ലി​ക്കാ​റ്റി​ലും 174 പേ​ർ മ​രി​ച്ച് ഒ​രാ​ഴ്ച പി​ന്നി​ടും മു​മ്പാ​ണ് രാ​ജ്യ​ത്ത്​ അ​ടു​ത്ത ദു​ര​ന്തം.

കി​ഴ​ക്ക​ൻ ജാ​വ​യി​ലെ ലു​മാ​ങ്​ ജി​ല്ല​യി​ലാ​ണ്​ അ​വ​സാ​ന​ത്തെ ദു​ര​ന്ത​മു​ണ്ടാ​യ​ത്. ഇ​രു​ച​ക്ര​വാ​ഹ​ന​ത്തി​ൽ ഭ​ർ​ത്താ​വി​നൊ​പ്പം പോ​യ സ്​​ത്രീ​യു​ടെ ദേ​ഹ​ത്തേ​ക്ക്​ ഭൂ​ക​മ്പ​ത്തെ തു​ട​ർ​ന്ന്​ വ​ൻ പാ​റ​ക്ക​ല്ലു​ക​ൾ തെ​റി​ച്ചു​വീ​ഴു​ക​യാ​യി​രു​ന്നു. സ്​​ത്രീ മ​രി​ച്ചു. ഭ​ർ​ത്താ​വി​ന്​ ഗു​രു​ത​ര​മാ​യി മു​റി​വേ​റ്റു.