ആ ഈജിപ്​ഷ്യൻ മമ്മിയെ പരിശോധിച്ചവർ ഞെട്ടി; അത്​ ഒരു പുരോഹിതനായിരുന്നില്ല, ഗർഭിണിയായിരുന്നു

വാഴ്​സ: പുരുഷനായ ഒരു പുരോഹിതനെന്ന നിഗമനത്തിൽ പോളണ്ടുകാരായ വിദഗ്​ധ പരിശോധക സംഘം ഗവേഷണം നടത്തിവരികയായിരുന്ന ഈജിപ്​ഷ്യൻ മമ്മി പുരുഷനേ അല്ലെന്നും ഗർഭിണിയായ സ്​ത്രീയാണെന്നും തിരിച്ചറിഞ്ഞു. എക്​സ്​റേകളും കമ്പ്യൂട്ടർ പരിശോധനകളും വഴിയാണ്​ തിരിച്ചറിഞ്ഞത്​. ചരിത്രത്തിലാദ്യമായാണ്​ ഒരു ഗർഭിണിയുടെ മമ്മി തിരിച്ചറിയുന്നത്​.

ഏകദേശം രണ്ടു നൂറ്റാണ്ട്​ മുമ്പ്​ 1826ലാണ്​ മമ്മി ഈജിപ്​തിലെത്തുന്നത്​. പുരുഷനായ ഒരു പുരോഹിതനെന്നായിരുന്നു ഇതിനു മുകളിലെ എഴുത്ത്​. വിദഗ്​ധ പരിശോധന വൈകിയതോടെയാണ്​ വസ്​തുത അറിയാനും കാത്തിരിക്കേണ്ടിവന്നത്​. പുരുഷ ലൈംഗികാവയവത്തിനു പകരം സ്​തനവും നീണ്ട മുടിയും കണ്ടെത്തിയ സംഘം പിന്നീട്​ ഗർഭിണിയായിരുന്നുവെന്നും തിരിച്ചറിഞ്ഞു. കുഞ്ഞി​െൻറതെന്ന്​ കരുതുന്ന കുഞ്ഞിക്കാലും കൈയും കണ്ടെത്തിയതായും നരവംശ ശാസ്​ത്രജ്​ഞനായ മാർസെന ഒസാറെക സിൽകെ പറഞ്ഞു.

20നും 30നും ഇടയിൽ പ്രായമുള്ള സ്​​ത്രീയാണെന്നാണ്​ കരുതുന്നത്​. കുഞ്ഞി​െൻറ തലയോട്ടി പരിശോധിച്ചതിൽ അതിന്​ 26-28 ആഴ്​ച പ്രായമുള്ളതായും കരുതുന്നു.

ആർകിയോളജിക്കൽ സയൻസ്​ ജേണലിലാണ്​ പരിശോധന ഫലം പ്രസിദ്ധീകരിച്ചത്​.

എംബാമിങ്​ ഏറെ മികവുറ്റതായിരുന്നുവെന്നും ബി.സി ഒന്നാം നൂറ്റാണ്ടിൽ ജീവിച്ചവരാകാം യുവതിയെന്നും വിദഗ്​ധ സംഘം അറിയിച്ചു. മമ്മി ഇപ്പോഴും പൂർണമായി തുറന്നിട്ടില്ല.