കിഴക്കൻ കോംഗോയിലെ സ്വർണ ഖനി അപകടത്തിൽ 50 പേർ മരിച്ചു

കിൻഷസ: കിഴക്കൻ കോംഗോയിലെ കമിതുഗയ്ക്ക് സമീപം സ്വർണ ഖനി ഇടിഞ്ഞുവീണ് 50 പേർ മരിച്ചു. കനത്ത മഴയെ തുടർന്നാണ് അപകടമുണ്ടായതെന്നാണ് കരുതുന്നത്.

അപകടത്തെ തുടർന്ന് ഖനിയിലെ മറ്റു തൊഴിലാളികൾ ഖനിയുടെ പ്രവേശന കവാടത്തിന് മുന്നിൽ വിലപിക്കുന്ന ചിത്രങ്ങളും ദൃശ്യങ്ങളും സമൂഹ മാധ്യമങ്ങളിൽ പ്രചരിച്ചു.

കോംഗോയിൽ സ്വർണ ഖനികളിലെ അപകടങ്ങളിൽ നിരവധി ജീവനുകളാണ് പൊലിയാറ്. ഉപയോഗശൂന്യമായ സ്വർണ ഖനിയിൽ കഴിഞ്ഞ വർഷം ഒക്ടോബറിൽ ഉണ്ടായ മണ്ണിടിച്ചിലിൽ 15 പേർ കൊല്ലപ്പെട്ടിരുന്നു. എന്നാൽ, കഴിഞ്ഞ വർഷം തന്നെ ജൂണിൽ രാജ്യത്തെ ചെമ്പ്, കോബാൾട്ട് ഖനികളിലുണ്ടായ അപകടത്തിൽ 43 അനധികൃത ഖനിത്തൊഴിലാളികളാണ് മരിച്ചത്.