തുർക്കിയും ഗ്രീസിലും ഭൂചലനം; നാല്​ മരണം

അങ്കാറ: എഗൻ കടലിൽ ശക്​തമായ ഭൂചലനം. റിക്​ടർ സ്​കെയിൽ 7.0 തീവ്രത രേഖപ്പെടുത്തിയ ഭൂചലനമാണ്​ വെള്ളിയാഴ്​ചയുണ്ടായത്​. ഇതേതുടർന്ന്​ തുർക്കിയിലും ഗ്രീസിലും ചലനങ്ങളുണ്ടായി. ഭൂചലനത്തിൽ നാല്​ പേർ​ മരിക്കുകയും നിരവധി പേർക്ക്​ പരിക്കേൽക്കുകയും ചെയ്​തിട്ടുണ്ട്​.

തുർക്കിയുടെ തീരനഗരമായ ഇസാമിറിലാണ്​ ഭൂചലനമുണ്ടായത്​. ആറോളം കെട്ടിടങ്ങൾ ഇവിടെ തകർന്നുവെന്നാണ്​ റിപ്പോർട്ട്​. ഇസാമിർ തീരത്ത്​ നിന്ന്​ 17 കിലോ മീറ്റർ അകലെ 16 കിലോ മീറ്റർ ആഴത്തിലാണ്​ ഭൂകമ്പത്തി​െൻറ പ്ര​ഭവ കേന്ദ്രമെന്ന്​ യു.എസ്​ അറിയിച്ചു.

എന്നാൽ തുർക്കിയിൽ നിന്ന് 33.5 ​ കിലോ മീറ്റർ അകലെ 10 കിലോ മീറ്റർ ആഴത്തിലാണ്​ ഭൂകമ്പത്തി​െൻറ പ്രഭവ കേന്ദ്രമെന്ന്​ തുർക്കിയും വ്യക്​തമാക്കിയിട്ടുണ്ട്​. ഗ്രീസി​െൻറ ഭാഗമായ സാമോസ്​ ദ്വീപിലും ഭുചലനം അനുഭവപ്പെട്ടു. 45,000ത്തോളം ജനം വസിക്കുന്ന ദ്വീപാണ്​ സാമോസ്​.