സു​രി​നാ​മി​ന്റെ വികസനത്തിൽ സ​ഹാ​യി​ക്കാ​ൻ ഇ​ന്ത്യ ത​യാ​ർ -ദ്രൗ​പ​ദി മു​ർ​മു

പ​ര​മ​റി​ബോ: സു​രി​നാ​മി​​ന്റെ പു​രോ​ഗ​തി​യി​ലും വി​ക​സ​ന​ത്തി​ലും സ​ഹാ​യി​ക്കാ​നും പ​രി​ച​യ​സ​മ്പ​ത്ത് പ​ങ്കു​വെ​ക്കാ​നും ഇ​ന്ത്യ ത​യാ​റാ​ണെ​ന്ന് രാ​ഷ്ട്ര​പ​തി ദ്രൗ​പ​ദി മു​ർ​മു പ​റ​ഞ്ഞു. ഭൂ​മി​ശാ​സ്ത്ര​ത്താ​ൽ വേ​ർ​തി​രി​ക്ക​പ്പെ​ട്ട​താ​ണെ​ങ്കി​ലും ഇ​രു രാ​ജ്യ​ങ്ങ​ളും പൊ​തു​വാ​യ ച​രി​ത്ര​വും പൈ​തൃ​ക​വും കൊ​ണ്ട് ബ​ന്ധി​ത​മാ​ണെ​ന്നും ഔ​ദ്യോ​ഗി​ക സ​ന്ദ​ർ​ശ​ന​ത്തി​നി​ടെ അ​വ​ർ കൂ​ട്ടി​ച്ചേ​ർ​ത്തു.

ഇ​ന്ത്യ​ൻ പ്ര​വാ​സി​ക​ൾ​ക്കും സു​രി​നാ​മി​ലെ ഇ​ന്ത്യ​ൻ സു​ഹൃ​ത്തു​ക്ക​ൾ​ക്കു​മാ​യി ഇ​ന്ത്യ​ൻ എം​ബ​സി സം​ഘ​ടി​പ്പി​ച്ച സ്വീ​ക​ര​ണ പ​രി​പാ​ടി​യി​ൽ രാ​ഷ്ട്ര​പ​തി​യും സു​രി​നാം പ്ര​സി​ഡ​ന്റ് ച​ന്ദ്രി​ക പെ​ർ​സാ​ദ് സ​ന്തോ​ഖി​യും പ​​ങ്കെ​ടു​ത്തു. ഒ​ഡി​ഷ​യി​ലെ ബാ​ല​സോ​റി​ൽ ട്രെ​യി​ൻ അ​പ​ക​ട​ത്തി​ൽ ജീ​വ​ൻ ന​ഷ്ട​പ്പെ​ട്ട​വ​ർ​ക്ക് ആ​ദ​രാ​ഞ്ജ​ലി അ​ർ​പ്പി​ച്ചാ​ണ് പ​രി​പാ​ടി തു​ട​ങ്ങി​യ​ത്. അ​ടി​സ്ഥാ​ന സൗ​ക​ര്യ വി​ക​സ​നം, ഡി​ജി​റ്റ​ൽ സേ​വ​ന​ങ്ങ​ൾ, ന​വ സാ​ങ്കേ​തി​ക​വി​ദ്യ, ഫി​ൻ​ടെ​ക് തു​ട​ങ്ങി ഇ​ന്ത്യ​യി​ലെ വി​വി​ധ മേ​ഖ​ല​ക​ളി​ലെ മാ​റ്റ​വും പു​രോ​ഗ​തി​യും രാ​ഷ്ട്ര​പ​തി എ​ടു​ത്തു​പ​റ​ഞ്ഞു. സു​രി​നാ​മു​മാ​യി ഈ ​പ​രി​ച​യ​സ​മ്പ​ത്ത് പ​ങ്കി​ടാ​ൻ സ​ന്ന​ദ്ധ​മാ​ണെ​ന്നും അ​വ​ർ കൂ​ട്ടി​ച്ചേ​ർ​ത്തു.

സു​രി​നാ​മി​നും രാ​ജ്യ​ത്തെ ജ​ന​ങ്ങ​ൾ​ക്കും ഇ​ന്ത്യ​യു​ടെ ഹൃ​ദ​യ​ത്തി​ൽ പ്ര​ത്യേ​ക​മാ​യ സ്ഥാ​ന​മു​ണ്ട്. ഇ​രു രാ​ജ്യ​ങ്ങ​ളും ത​മ്മി​ലു​ള്ള സൗ​ഹൃ​ദ​ത്തി​ന്റെ​യും സ​ഹ​ക​ര​ണ​ത്തി​ന്റെ​യും പാ​ല​മാ​ണ് പ്ര​വാ​സി സ​മൂ​ഹം. സു​രി​നാ​മി​ലെ ഇ​ന്ത്യ​യു​ടെ സ്ഥി​രം അം​ബാ​സ​ഡ​ർ​മാ​രാ​ണ് പ്ര​വാ​സി​ക​ൾ. ലോ​ക​മെ​മ്പാ​ടു​മു​ള്ള ഇ​ന്ത്യ​ൻ പ്ര​വാ​സി​ക​ളു​മാ​യി ശാ​ശ്വ​ത​മാ​യ ബ​ന്ധം സ്ഥാ​പി​ക്കു​ക എ​ന്ന​താ​ണ് ഇ​ന്ത്യ​ൻ സ​ർ​ക്കാ​റി​ന്റെ മു​ൻ​ഗ​ണ​ന​യെ​ന്നും അ​വ​ർ പ​റ​ഞ്ഞു.

സു​രി​നാ​മി​ലെ ഇ​ന്ത്യ​ൻ വം​ശ​ജ​രാ​യ നേ​താ​ക്ക​ൾ പൊ​തു​സേ​വ​ന​ത്തി​ന്റെ ഏ​റ്റ​വും ഉ​യ​ർ​ന്ന ത​ല​ങ്ങ​ളി​ൽ എ​ത്തു​ന്ന​ത് കാ​ണു​ന്ന​തി​ൽ അ​ഭി​മാ​ന​മു​ണ്ടെ​ന്ന്, ഇ​ന്ത്യ​യി​ൽ വേ​രു​ക​ളു​ള്ള പ്ര​സി​ഡ​ന്റ് സ​ന്തോ​ഖി​യെ പ​രാ​മ​ർ​ശി​ച്ച് രാ​ഷ്ട്ര​പ​തി പ​റ​ഞ്ഞു. സു​രി​നാ​മി​ൽ ഇ​ന്ത്യ​ക്കാ​ർ എ​ത്തി​യ​തി​​ന്റെ 150 വാ​ർ​ഷി​കാ​ഘോ​ഷ​ത്തി​​ന്റെ ഭാ​ഗ​മാ​കാ​ൻ ക​ഴി​ഞ്ഞ​ത് ത​നി​ക്ക് ല​ഭി​ച്ച അം​ഗീ​കാ​ര​മാ​ണ്. സാ​മ്പ​ത്തി​ക​മാ​യും സാ​മൂ​ഹി​ക​മാ​യും സാം​സ്കാ​രി​ക​മാ​യും സു​രി​നാ​മി​ന്റെ വി​ക​സ​ന​ത്തി​ന് ഇ​ന്ത്യ​ക്കാ​ർ മി​ക​ച്ച സം​ഭാ​വ​ന​ക​ൾ ന​ൽ​കു​ന്നു​ണ്ട് -അ​വ​ർ പ​റ​ഞ്ഞു.