Top
Begin typing your search above and press return to search.
keyboard_arrow_down
Login
exit_to_app
exit_to_app
ഇംപീച്​ചെയ്യു​േമ്പാഴും പാളയത്തിൽ പട; എല്ലാ ചുവടും പിഴച്ച്​ ട്രംപ്​
cancel
Homechevron_rightNewschevron_rightWorldchevron_rightഇംപീച്​ചെയ്യു​േമ്പാഴും ...

ഇംപീച്​ചെയ്യു​േമ്പാഴും പാളയത്തിൽ പട; എല്ലാ ചുവടും പിഴച്ച്​ ട്രംപ്​

text_fields
bookmark_border


വാഷിങ്​ടൺ: അധികാരം ഒരിക്കലും നഷ്​ടമാകില്ലെന്ന്​ ഒരിക്കൽ സ്വപ്​നം കണ്ട ട്രംപിന്​ ഇപ്പോൾ ഏ​റ്റവും ഭയം സ്വന്തം കക്ഷിയിലെ ​അംഗങ്ങളെ. ഇംപീച്ച്​മെൻറ്​ സഭയിലെത്തിയപ്പോൾ ട്രംപിനെ പുറത്താക്കണമെന്നാവശ്യപ്പെട്ട്​ റിപ്പബ്ലിക്കൻ കക്ഷിയിൽനിന്ന്​ വോട്ടു ചെയ്​തത്​ ഏറ്റവുമടുത്ത വിശ്വസ്​തരെന്ന്​ സ്വയം കരുതിയ 10 പേർ. ഇതോടെ, വലിയ ഭൂരിപക്ഷത്തിന്​ ഇംപീച്ച്​മെൻറ്​ പാസായെന്നു മാത്രമല്ല, രാജ്യത്തി​െൻറ ചരിത്രത്തിൽ ഇംപീച്ച്​മെൻറ്​ പാസാകുന്ന ഏക പ്രസിഡൻറുമായി ഡോണൾഡ്​ ട്രംപ്​.

യു.എസ്​ ഭരണസിരാ കേന്ദ്രമായ കാപിറ്റോളിൽ നടന്ന ആക്രമണത്തി​​െൻറ പിന്നിൽ നിന്നുവെന്നതിനാണ്​ പ്രതിനിധി സഭ ട്രംപിനെ ഇംപീച്ച്​​ ചെയ്​തത്​. ആൾക്കൂട്ടത്തെ കടുത്ത വാക്കുകളുമായി അതിക്രമത്തിലേക്ക്​ തള്ളിവി​ട്ടെന്നായിരുന്നു ആരോപണം. ഒരു ദിവസം നീണ്ട ചൂടേറിയ ചർച്ചക്കൊടുവിലായിരുന്നു വോ​ട്ടെടുപ്പ്​. 'നാം ഏറെ സ്​നേഹിക്കുന്ന രാജ്യത്തിന്​ വ്യക്​തവും ആസന്നവുമായ അപകടമാണ്​ പ്രസിഡൻറ്​' എന്നായിരുന്നു സ്​പീക്കർ നാൻസി പെലോസിയുടെ അഭിപ്രായം. 197നെതിരെ 232​ വോട്ടുകളുമായാണ്​ ഇംപീച്ച്​മെൻറ്​ പാസായത്​. ട്രംപിനു കീഴിലെ യു.എസ്​ വൈസ്​ പ്രസിഡൻറ്​ ഡിക്​ ചീനിയുടെ മകളും റിപ്പബ്ലിക്കനുമായ ലിസ്​ ചീനി വരെ പുറത്താക്കാൻ വോട്ടു ചെയ്​തവരിലുണ്ട്​. അമേരിക്കയുടെ ഒരു പ്രസിഡൻറ്​ ഇതിലും കൊടിയ ചതി ചെയ്യാനില്ലെന്ന്​ ലിസ്​ പിന്നീട്​ വാർത്ത കുറിപ്പിൽ ട്രംപിനെ പരസ്യമായി കുറ്റപ്പെടുത്തി.

പ്രതിനിധി സഭ കടന്നതോടെ ഇംപീച്ച്​മെൻറ്​ നടപടികൾ അടുത്തായി സെനറ്റി​െൻറ പരിഗണനക്കു വരും. 100 അംഗ സഭയിൽ ഡെമോക്രാറ്റുകൾക്ക്​ 50 പേർ മാത്രമായതിനാൽ എതിരായ വോട്ടുവീണാൽ പോലും ട്രംപിനെ പുറത്താക്കൽ എളുപ്പമാകില്ല. സെനറ്റിൽ മൂന്നിൽ രണ്ട്​ നേടിയാലേ ഇംപീച്​ ചെയ്​ത്​ പുറത്താക്കാനാകൂ. 17 റിപ്പബ്ലിക്കന്മാർ നിലവിൽ എതിരായി വോട്ടുചെയ്യാൻ സാധ്യത കുറവാണ്​.

എന്നാൽ, കുറ്റവാളിയെന്ന്​ സഭ കണ്ടെത്തിയാൽ പുതുതായി വീണ്ടും ജനവിധി തേടൽ ദുഷ്​കരമാകും.

Show Full Article
TAGS:Trump Impeachment republicans 
Next Story