വളർത്തുനായ്​ യജമാനനെ കാത്ത്​ ആശുപത്രിക്ക്​ പുറത്തുനിന്നത്​​ ഒരാഴ്ചയോളം

അങ്കാര: ആശുപത്രിയുടെ മുമ്പിൽ ബോൺകുക്ക്​ എന്ന വളർത്തുനായ ദിവസവും രാവിലെ ഒമ്പതുമണി​ക്ക്​ എത്തും. വൈകുന്നേരം വരെ ആശുപത്രി വാതിലിന്​ സമീപം സമയം ചിലവഴിക്കും. ആശുപത്രിയുടെ അകത്തേക്ക്​ പ്രവേശിക്കില്ല, വാതിൽ തുറന്നാൽ പതുക്കെ തല ഉയർത്തി അക​ത്ത്​ തന്‍റെ യജമാനനായ സെമൽ സെന്‍റർക്കിനെ തിരയും. തുർക്കിയിലെ ബോൺകുക്ക്​ എന്ന വളർത്തുനായ്​യുടെ സ്​​േനഹമാണ്​ സമൂഹമാധ്യമങ്ങളിൽ ഇപ്പോൾ ചർച്ച.

തുർക്കി സ്വദേശിയായ സെമൽ സെന്‍റുർക്കിന്‍റെ വളർത്തുനായയാണ്​ ബോൺകുക്ക്​. സെമലിന്​ അസുഖം ബാധിച്ചതോടെ ജനുവരി 14ന്​ ആംബുലൻസിൽ ട്രാബ്​സോണിലെ ആശുപത്രിയിലേക്ക്​ മാറ്റുകയായിരുന്നു. ആംബുലൻസിന്​ പിറകെയോടി ബോൺകുക്കും ആശുപത്രിയിലെത്തി. ആശുപത്രിയുടെ പുറത്ത്​ തന്‍റെ യജമാനനെ കാത്ത്​ നായ്​ പകൽ മുഴുവൻ ചെലവഴിക്കുകയായിരുന്നു. ബോൺകുക്കിനെ സെമലിന്‍റെ മകൾ അയ്​നൂർ എഗേലി വീട്ടിലെത്തിക്കുമെങ്കിലും രാവിലെ കൃത്യം ഒമ്പതുമണിയാകു​േമ്പാൾ ബോൺകുക്ക്​ ആശുപത്രിക്ക്​ മുമ്പിലെത്തും.

'രാവിലെ ഒമ്പതുമണിക്ക്​ നായ്​ ആ​ശുപത്രിയുടെ പുറത്തെത്തും. പിന്നീട്​ എവിടെയും പോകില്ല. അക​ത്തേക്ക്​ പ്രവേശിക്കുകയുമില്ല... വാതിൽ തുറന്നാൽ തല അകത്തേക്കിട്ട്​ യജമാനനെ തിരയും' -ആശുപത്രിയുടെ സുരക്ഷ ജീവനക്കാരൻ മുഹമ്മദ്​ അക്​ഡെനിസ്​ പറഞ്ഞു.

ഒരാഴ്ചയാണ്​ ബോൺകുക്ക്​ സെമലി​െന ആശുപത്രിയുടെ മുമ്പിൽ കാത്തിരുന്നത്​. ബുധനാഴ്ച സെമൽ ആശുപത്രി വാസം അവസാനിപ്പിച്ചു. വീൽചെയറിൽ പുറത്തെത്തിയ സെമലിനെ ബോൺകുക്ക്​ സ്​നേഹം കൊണ്ട്​ പൊതിയുകയായിരുന്നു. ആശുപത്രി വരാന്തയിൽ നായ്​ക്കൊപ്പം സമയം ചെലവഴിച്ച ശേഷമാണ്​ ഇരുവരും വീട്ടിലേക്ക്​ മടങ്ങിയത്​. 'അവൾക്ക്​ എന്നോട്​ വളരെ അടുപ്പമാണ്​. അവളെ എനിക്കും വളരെയധികം മിസ്​ ചെയ്​തിരുന്നു' -സെമൽ പറഞ്ഞു. വാഹനത്തിൽ ബോൺകുക്കിനെയും കൂട്ടിയായിരുന്നു സെമലിന്‍റെ വീട്ടിലേക്കുള്ള മടക്കം.