ഇസ്രായേലിൽ സഖ്യസർക്കാറിനെ പിരിച്ചുവിട്ട് തെരഞ്ഞെടുപ്പിന് നീക്കം

ജ​റൂ​സ​ലം: സ​ഖ്യ​സ​ര്‍ക്കാ​റി​ന് ഭൂ​രി​പ​ക്ഷം ന​ഷ്ട​മാ​യ​തി​നെ തു​ട​ർ​ന്ന് ഇ​സ്രാ​യേ​ലി​ല്‍ പാ​ർ​ല​മെ​ന്റ് പി​രി​ച്ചു​വി​ട്ട് തെ​ര​ഞ്ഞെ​ടു​പ്പി​ന് ഒ​രു​ങ്ങാ​ൻ നീ​ക്കം. പാ​ർ​ല​മെ​ന്റാ​യ 'നെ​സ​റ്റ്' പി​രി​ച്ചു​വി​ടാ​നു​ള്ള ബി​ൽ ഈ ​ആ​ഴ്ച അ​വ​ത​രി​പ്പി​ച്ചേ​ക്കും. പാ​ർ​ല​മെ​ന്റ് അം​ഗീ​കാ​രം ല​ഭി​ച്ചാ​ൽ ഭ​ര​ണ​ക​ക്ഷി​യി​ലെ പ്ര​ധാ​ന പാ​ര്‍ട്ടി​യാ​യ യെ​ഷ് അ​റ്റി​ഡി​ന്‍റെ നേ​താ​വും നി​ല​വി​ലെ വി​ദേ​ശ​കാ​ര്യ മ​ന്ത്രി​യു​മാ​യ യ​യ​ര്‍ ല​പീ​ഡ് കാ​വ​ല്‍ പ്ര​ധാ​ന​മ​ന്ത്രി​യാ​കും.

ഇ​സ്രാ​യേ​ൽ പ്ര​ധാ​ന​മ​ന്ത്രി ന​ഫ്താ​ലി ബെ​ന്ന​റ്റും വി​ദേ​ശ​കാ​ര്യ​മ​ന്ത്രി യ​യി​ർ ലപീ​ഡു​മാ​യി ഇ​ക്കാ​ര്യ​ത്തി​ൽ ധാ​ര​ണ​യാ​യി. ഭി​ന്നി​ച്ചു​നി​ല്‍ക്കു​ന്ന സ​ഖ്യ​സ​ര്‍ക്കാ​റി​ന് അ​തി​ജീ​വി​ക്കാ​ന്‍ ക​ഴി​യി​ല്ലെ​ന്ന നി​ഗ​മ​ന​ത്തി​ലാ​ണ് തീ​രു​മാ​നം. കൂ​റു​മാ​റ്റ​ങ്ങ​ള​ട​ക്കം കാ​ര​ണം ര​ണ്ടു മാ​സ​ത്തി​ലേ​റെ​യാ​യി പാ​ർ​ല​മെ​ന്റി​ൽ ഭൂ​രി​പ​ക്ഷ​മി​ല്ലാ​തെ ത​ക​ർ​ന്നി​രു​ന്നു സ​ഖ്യം. മൂ​ന്നു വ​ര്‍ഷ​ത്തി​നി​ടെ അ​ഞ്ചാ​മ​ത്തെ പൊ​തു തെ​ര​ഞ്ഞെ​ടു​പ്പി​ലേ​ക്കാ​ണ് രാ​ജ്യം നീ​ങ്ങു​ന്ന​ത്. ഒ​ക്ടോ​ബ​ര്‍ അ​വ​സാ​ന​ത്തോ​ടെ തെ​ര​ഞ്ഞെ​ടു​പ്പ് ന​ട​ന്നേ​ക്കു​മെ​ന്നാ​ണ് റി​പ്പോ​ര്‍ട്ട്. നി​ല​വി​ൽ അ​ഴി​മ​തി​ക്കേ​സി​ല്‍ വി​ചാ​ര​ണ നേ​രി​ടു​ന്ന, വ​ല​തു​പ​ക്ഷ പാ​ര്‍ട്ടി​യാ​യ ലി​ക്കു​ഡ് പാ​ര്‍ട്ടി​യു​ടെ നേ​താ​വും മു​ന്‍ പ്ര​ധാ​ന​മ​ന്ത്രി​യു​മാ​യ ബെ​ഞ്ച​മി​ന്‍ നെ​ത​ന്യാ​ഹു വീ​ണ്ടും അ​ധി​കാ​ര​ത്തി​ല്‍ വ​ന്നേ​ക്കു​മെ​ന്നാ​ണ് മാ​ധ്യ​മ റി​പ്പോ​ർ​ട്ടു​ക​ൾ. പാ​ര്‍ല​മെ​ന്റ് പി​രി​ച്ചു​വി​ടാ​നു​ള്ള പ്ര​ഖ്യാ​പ​നം സ​ര്‍ക്കാ​ര്‍ അം​ഗ​ങ്ങ​ളെ​പോ​ലും ഞെ​ട്ടി​ച്ചു. ഈ ​തീ​രു​മാ​ന​ത്തെ​ക്കു​റി​ച്ച് പ്ര​തി​രോ​ധ​മ​ന്ത്രി​മാ​ര്‍ക്കോ ആ​ഭ്യ​ന്ത​ര​മ​ന്ത്രി​മാ​ര്‍ക്കോ അ​റി​യി​ല്ലാ​യി​രു​ന്നു​വെ​ന്ന് പാ​ർ​ട്ടി​വൃ​ത്ത​ങ്ങ​ളെ ഉ​ദ്ധ​രി​ച്ച് ടൈം​സ് ഓ​ഫ് ഇ​സ്രാ​യേ​ല്‍ റി​പ്പോ​ര്‍ട്ട് ചെ​യ്തു.

2021 ജൂ​ണി​ലാ​ണ് പ്ര​ത്യ​യ​ശാ​സ്ത്ര​പ​ര​മാ​യി എ​ട്ട് ധ്രു​വ​ങ്ങ​ളി​ലു​ള്ള എ​ട്ട് പാ​ർ​ട്ടി​ക​ളു​ടെ സ​ഖ്യം രൂ​പ​വ​ത്ക​രി​ക്കു​ന്ന​ത്. ബെ​ന്ന​റ്റ്, ലപീഡി​ന്റെ മ​ധ്യ​പ​ക്ഷ യെ​ഷ് അറ്റിഡ് പാ​ര്‍ട്ടി, ഇ​ട​തു​പ​ക്ഷം, അ​റ​ബ് ഇ​സ്‍ലാ​മി​സ്റ്റ് പാ​ര്‍ട്ടി എ​ന്നി​വ​രാ​ണ് സ​ഖ്യ​ത്തി​ലു​ണ്ടാ​യി​രു​ന്ന​ത്. ഇ​സ്രാ​യേ​ലി​ന്റെ ച​രി​ത്ര​ത്തി​ൽ ആ​ദ്യ​മാ​യി ഒ​രു സ്വ​ത​ന്ത്ര അ​റ​ബ് പാ​ർ​ട്ടി മു​ന്ന​ണി​യി​ൽ അം​ഗ​മാ​യ പ്ര​ത്യേ​ക​ത​യു​മു​ണ്ടാ​യി​രു​ന്നു.

12 വ​ർ​ഷ​ത്തെ ബെ​ഞ്ച​മി​ന്‍ നെ​ത​ന്യാ​ഹു​വി​ന്റെ ഭ​ര​ണം അ​വ​സാ​നി​പ്പി​ക്കാ​ന്‍ ഒ​രു​മി​ച്ച സ​ഖ്യം തു​ട​ക്കം മു​ത​ലേ ഭീ​ഷ​ണി​യി​ലാ​യി​രു​ന്നു. ഇ​സ്രാ​യേ​ലി​ന്റെ ച​രി​ത്ര​ത്തി​ലെ ഏ​റ്റ​വും വൈ​വി​ധ്യ​മാ​ര്‍ന്ന സ​ഖ്യം ത​ക​ര്‍ച്ച​യു​ടെ വ​ക്കി​ലാ​ണ് എ​ന്ന് നേ​ര​ത്തേ റി​പ്പോ​ര്‍ട്ടു​ണ്ടാ​യി​രു​ന്നു. 120 അം​ഗ പാ​ർ​ല​മെ​ന്റി​ൽ ഭ​ര​ണ​സ​ഖ്യ​ത്തി​ലു​ള്ള എ​ട്ട് പാ​ർ​ട്ടി​ക​ൾ​ക്കു​കൂ​ടി 61 അം​ഗ​ങ്ങ​ളാ​ണു​ണ്ടാ​യി​രു​ന്ന​ത്; പ്ര​തി​പ​ക്ഷ​ത്ത് 60 അം​ഗ​ങ്ങ​ളും. എ​ന്നാ​ൽ ന​ഫ്താ​ലി ബെ​ന്ന​റ്റി​ന്റെ വ​ല​തു​പ​ക്ഷ യാ​മി​ന പാ​ര്‍ട്ടി​യി​ലെ എം.​പി ഈ​ദി​ത് സി​ൽ​മാ​ൻ ഏ​പ്രി​ലും യാ​മി​ന എം​കെ നി​ര്‍ ഓ​ർ​ബ​ക്ക് ജൂ​ണി​ലും രാ​ജി​വെ​ച്ച​തോ​ടെ അം​ഗ​നി​ല 59ലെ​ത്തി. സ​ഖ്യ​ത്തി​ലെ ഇ​ട​ത​രും വ​ല​ത​രും വ്യ​ത്യ​സ്ത നി​ല​പാ​ടു​ക​ള്‍ സ്വീ​ക​രി​ച്ച​തോ​ടെ പ​ല ബി​ല്ലു​ക​ളും പാ​ര്‍ല​മെ​ന്‍റി​ല്‍ സ​ര്‍ക്കാ​റി​ന് പാ​സാ​ക്കാ​ന്‍ സാ​ധി​ക്കാ​താ​യി. നെ​ത​ന്യാ​ഹു​വി​ന്‍റെ നേ​തൃ​ത്വ​ത്തി​ലു​ള്ള വ​ല​തു​പ​ക്ഷ സ​ഖ്യ​ത്തി​ല്‍നി​ന്നു​ള്ള വി​മ​ര്‍ശ​ന​ങ്ങ​ള്‍ മു​ന്ന​ണി​യി​ലെ വ​ല​തു​പ​ക്ഷ പാ​ര്‍ല​മെ​ന്‍റ് അം​ഗ​ങ്ങ​ളി​ല്‍ വ​ലി​യ സ​മ്മ​ര്‍ദ​മു​ണ്ടാ​ക്കി. അ​ഴി​മ​തി അ​ന്വേ​ഷ​ണ​ത്തെ അ​ഭി​മു​ഖീ​ക​രി​ച്ച നെ​ത​ന്യാ​ഹു ഭ​ര​ണം നി​ല​നി​ർ​ത്താ​ൻ 2019 നും 2021​നും ഇ​ട​യി​ൽ ഇ​സ്രാ​യേ​ലി​ൽ നാ​ല് തെ​ര​ഞ്ഞെ​ടു​പ്പു​ക​ൾ ന​ട​ത്തി. അ​ഭി​പ്രാ​യ സ​ർ​വേ​ക​ൾ ഇ​പ്പോ​ൾ വി​ചാ​ര​ണ നേ​രി​ടു​ന്ന നെ​ത​ന്യാ​ഹു​വി​നെ മു​ൻ​നി​ര സ്ഥാ​നാ​ർ​ഥി​യാ​യി പ്ര​വ​ചി​ക്കു​ന്നു​ണ്ടെ​ങ്കി​ലും അ​ദ്ദേ​ഹ​ത്തി​ന്റെ ലി​ക്കു​ഡ് പാ​ർ​ട്ടി​ക്ക് പു​തി​യ സ​ർ​ക്കാ​ർ രൂ​പ​വ​ത്ക​രി​ക്കാ​നു​ള്ള ഭൂ​രി​പ​ക്ഷം നേ​ടാ​നാ​കു​മെ​ന്ന് ഉ​റ​പ്പി​ല്ല.