Begin typing your search above and press return to search.
exit_to_app
exit_to_app
Homechevron_rightNewschevron_rightWorldchevron_rightഏറ്റുമുട്ടൽ നാലാം...

ഏറ്റുമുട്ടൽ നാലാം ദിവസം; അർമീനിയൻ ഭാഗത്ത്​ കനത്ത നാശമെന്ന്​ അസർബൈജാൻ

text_fields
bookmark_border
ഏറ്റുമുട്ടൽ നാലാം ദിവസം; അർമീനിയൻ ഭാഗത്ത്​ കനത്ത നാശമെന്ന്​ അസർബൈജാൻ
cancel

ബക​ു/യെരവാൻ: നഗോർണോ-കരാബാഗ്​ പ്രദേശത്തെ ചൊല്ലിയ ഏറ്റുമുട്ടൽ നാലാം ദിവസവും തുടർന്നു. സമാധാനത്തിനുള്ള അന്താരാഷ്​ട്ര സമ്മർദങ്ങൾക്കിടയിലും അർമീനിയൻ-അസർബൈജാൻ സൈനികർ ബുധനാഴ്​ചയും ഏറ്റുമുട്ടി.

ഞായറാഴ്​ച സംഘർഷം തുടങ്ങിയശേഷം 2300 അർമീനിയൻ സൈനികർ കൊല്ലപ്പെടുകയോ പരിക്കേൽക്കുകയോ ചെയ്​തതായി അസർബൈജാൻ പ്രതിരോധ മന്ത്രാലയത്തെ ഉദ്ധരിച്ച്​ അനഡോലു വാർത്ത ഏജൻസി റിപ്പോർട്ട്​ ചെയ്​തു. 130 ടാങ്ക്​, 200 മിസൈൽ സംവിധാനങ്ങൾ, 25 വ്യോമപ്രതിരോധ സംവിധാനങ്ങൾ, ആറ്​ കമ്മാൻഡ്​ മേഖലകൾ, അഞ്ച്​ വെടിക്കോപ്പ്​ ഡിപ്പോകൾ, 50 ടാങ്ക്​വേധ തോക്കുകൾ എന്നിവ നശിപ്പിച്ചതായും അവകാശപ്പെട്ടു. ഇക്കാര്യം അന്താരാഷ്​ട്ര മാധ്യമങ്ങളോ അർമീനിയയോ സ്ഥിരീകരിച്ചിട്ടില്ല. അതേസമയം, തുർക്കി സൈന്യം അസർബൈജാനൊപ്പം ചേർന്ന്​ യുദ്ധവിമാനം വീഴ്​ത്തിയതായി അർമീനിയ ആരോപിച്ചു. ടർക്കിഷ്​ എഫ്​ 16 യുദ്ധവിമാനമാണ്​ ചൊവ്വാഴ്​ച ആക്രമണം നടത്തിയതെന്നും പറഞ്ഞു.

അസർബൈജാനും തുർക്കിയും നിഷേധിച്ചു. നഗോർണോ-കരാബാഗ്​ പ്രദേശം അസർബൈജാ​േൻറതാണെന്ന തുർക്കിയുടെ പ്രസ്​താവന യുദ്ധസമാനമാണെന്ന്​ ഫ്രഞ്ച്​ പ്രസിഡൻറ്​ ഇമ്മാനുവൽ മാക്രോൺ പറഞ്ഞു.

അർമീനിയക്കൊപ്പം ഫ്രാൻസ്​ നിലകൊള്ളുന്നത്​ അധിനിവേശത്തെ അനുകൂലിക്കുന്നതിന്​ തുല്യമാണെന്ന്​ തുർക്കി വിദേശകാര്യ മന്ത്രി മെവ്​ലുത്​ കവുസോഗ്​ലു പറഞ്ഞു.

അർമീനിയർ പ്രധാനമന്ത്രി നികോൾ പാഷിന്യാൻ റഷ്യൻ പ്രസിഡൻറ്​ വ്ലാദിമിർ പുടിനുമായി ടെലി​േഫാൺ സംഭാഷണം നടത്തി. റഷ്യയുടെ ​ൈ​സനികസഹായം ആവശ്യപ്പെട്ടിട്ടില്ലെന്ന്​ അർമീനിയ വ്യക്തമാക്കി.

അർമീനിയയും റഷ്യയും തമ്മിൽ പ്രതിരോധ കരാറുണ്ട്​. റഷ്യൻ സൈന്യം സൂക്ഷ്​മമായി കാര്യങ്ങൾ നിരീക്ഷിക്കുന്നു​െണ്ടന്ന്​ ക്രെംലിൻ അറിയിച്ചു.

തുർക്കി, പാകിസ്​താൻ, അഫ്​ഗാനിസ്​താൻ എന്നിവ പിന്തുണ അറിയിച്ചിട്ടുണ്ടെന്നും വിദേശ സൈനികസഹായം ആവശ്യമില്ലെന്നും അസർബൈജാൻ പ്രസിഡൻറ്​ ഇൽഹാം അലിയെവ്​ പറഞ്ഞു.

Show Full Article
TAGS:Armenia Azerbaijan war 
News Summary - Death toll rise in Armenia-Azerbaijan border clashes
Next Story