പ്രവാചകനിന്ദാ കാർട്ടൂണുകളിലൂടെ കുപ്രസിദ്ധനായ കുർട്​ വെസ്​റ്റർഗാർഡ്​ അന്തരിച്ചു

പ്രവാചകൻ മുഹമ്മദി​െൻറ കാർട്ടൂണുകളിലൂടെ കുപ്രസിദ്ധനായ ഡാനിഷ്​ കാർട്ടൂണിസ്​റ്റ്​ കുർട്​ വെസ്​റ്റർഗാർഡ്​ അന്തരിച്ചു. 86ാം വയസിലായിരുന്നു അദ്ദേഹത്തി​െൻറ അന്ത്യം. ദീർഘകാലമായി അനാരോഗ്യം അലട്ടിയിരുന്ന വെസ്​റ്റർഗാർഡ്​ഉറക്കത്തിൽ മരിക്കുകയായിരുന്നുവെന്ന് കുടുംബം ഡാനിഷ് ദിനപത്രമായ ബെർലിങ്​സ്​കെയോട് പറഞ്ഞു. ജില്ലാൻസ്​ പോസ്​റ്റൻ എന്ന ദിനപ്പത്രത്തിലാണ്​ കുർട്​ പ്രവാചക​െൻറ കാരിക്കേച്ചറുകൾ പ്രസിദ്ധീകരിച്ചത്​. ഇതേ തുടർന്ന്​ മുസ്​ലിം ലോകത്ത്​ വ്യാപകമായ പ്രതി​ഷേധം ഉയർന്നിരുന്നു.

'മുഹമ്മദിന്റെ മുഖം' എന്ന തലക്കെട്ടിൽ പ്രസിദ്ധീകരിച്ച 12 ചിത്രങ്ങൾ വരച്ചത്​ കുർട്​ വെസ്​റ്റർഗാർഡ് ആയിരുന്നു. അതിലൊന്നിൽ പ്രവാചകൻ ബോംബി​െൻറ ആകൃതിയിലുള്ള തലപ്പാവ് ധരിച്ചതായും ചിത്രീകരിച്ചിരുന്നു. ഇതാണ്​ പിന്നീട്​ വ്യാപകമായ എതിർപ്പിന്​ ഇടയാക്കിയത്​.കാർട്ടൂണുകൾ തുടക്കത്തിൽ ശ്രദ്ധിക്കപ്പെട്ടിരുന്നില്ല. പിന്നീട്​ കോപ്പൻഹേഗനിൽ കാർട്ടൂണുകൾക്കെതിരെ പ്രകടനം നടന്നതോടെയാണ്​ സംഭവം പുറംലോകം അറിഞ്ഞത്​. തുടർന്ന്​ ഡെൻമാർക്കിലെ മുസ്ലീം രാജ്യങ്ങളിൽ നിന്നുള്ള അംബാസഡർമാർ പ്രതിഷേധവുമായി രംഗത്തുവന്നു.

2006 ഫെബ്രുവരിയിൽ മുസ്ലീം ലോകത്തെമ്പാടും ഡാനിഷ് വിരുദ്ധ പ്രക്ഷോഭങ്ങൾ അരങ്ങേറാൻ തുടങ്ങി. ഇതിൽ ചില പ്രകടനങ്ങൾ അക്രമാസക്തമായി. ഡാനിഷ്, നോർവീജിയൻ എംബസികൾ ആക്രമിക്കപ്പെടുകയും നിരവധിപേർ മരിക്കുകയും ചെയ്​തു.ഇൗ സംഭവങ്ങൾ ഇസ്ലാമോഫോബിയയെക്കുറിച്ചും അഭിപ്രായ സ്വാതന്ത്ര്യത്തെക്കുറിച്ചുമുള്ള ചർച്ചകൾക്കും ഇടയാക്കി.

2012 ൽ പാരീസിലെ ചാർലി ഹെബ്ഡോ ആക്ഷേപഹാസ്യ വാരിക കാർട്ടൂണുകൾ പുനപ്രസിദ്ധീകരിച്ചു. ഇതേ തുടർന്നും വ്യാപക പ്രതിഷേധം ഉയർന്നിരുന്നു. 1980കളുടെ പകുതി മുതൽ വെസ്റ്റർ‌ഗാർഡ് ജില്ലാൻസ്​ പോസ്​റ്റനിൽ‌ ജോലിചെയ്യുന്നുണ്ട്​. ജീവിതത്തി​െൻറ അവസാന വർഷങ്ങളിൽ വെസ്റ്റർഗാർഡ്​ രഹസ്യ വിലാസത്തിൽ പോലീസ് സംരക്ഷണയിലാണ്​ കഴിഞ്ഞിരുന്നത്​.