കോവിഡ്​ കാലം ഉടനെയൊന്നും അവസാനിക്കില്ലെന്ന്​ വിദഗ്​ധർ

മാസങ്ങൾക്ക്​ മുമ്പ്​ അപൂർവമായൊരു ന്യുമോണിയ വാർത്ത ചൈനയിൽ നിന്ന്​ പുറത്തു വന്നപ്പോൾ, ലോകത്തെയാകെ സ്​തംഭിപ്പിക്കാൻ കരുത്തുള്ള ഭീകരനാണതെന്ന്​ ആരും കരുതിയിരുന്നില്ല. മാസങ്ങൾക്കകം ലോകമാകെയുള്ള ജനങ്ങളുടെ ജീവിതമാകെ മാറുന്നതാണ്​ പിന്നീട്​ കണ്ടത്​. നേരത്തെയുണ്ടായിരുന്ന ജീവിതക്രമത്തിലേക്കുള്ള തിരിച്ച്​ പോക്ക്​ ഇനിയെന്നാണെന്ന ചോദ്യമാണ്​ ഇപ്പോൾ എല്ലാവരും ചോദിക്കുന്നത്​. വാക്​സിൻ ഗവേഷണങ്ങളിലെ പുരോഗതി പ്രതീക്ഷ നൽകുന്നുണ്ടെങ്കിലും കോവിഡ്​ വൈറസ്​ വർഷങ്ങളോളം മനുഷ്യരുടെ കൂടെ തന്നെ കാണുമെന്നാണ്​ മേഖലയിലെ വിദഗ്​ധ​ർ പറയുന്നത്​.

'കോവിഡ്​ 19 വൈറസ്​ ഉടനെയൊന്നും നമ്മെ വിട്ടു പോകില്ല. വ്യാപന സാധ്യത ഉള്ളിടത്തൊക്കെ അത്​ രോഗം പരത്തിക്കൊണ്ടിരിക്കും' - ലോകാരോഗ്യ സംഘടനയുടെ ഗ​േവഷക സൗമ്യ സോമിനാഥൻ പറയുന്നു. നിലവിലെ അവസ്​​ഥയിൽ വാക്​സിൻ ലഭ്യമായാൽ കൂടി കോവിഡ്​ വ്യാപനം ഇടവേളകളിൽ കൂടിയും കുറഞ്ഞുമായി വർഷങ്ങളോളം നില നിൽക്കുമെന്നാണ്​ പകർച്ചവ്യാധി മേഖലയിൽ പഠനം നടത്തുന്നവരും നൽകുന്ന സൂചന. വസൂരി മാത്രമാണ്​ നമുക്ക്​ പൂർണമായും നിർമാർജനം ചെയ്യാൻ കഴിഞ്ഞ വൈറസ്​ രോഗം. മറ്റു വൈറൽ രോഗങ്ങ​െള നിയന്ത്രിച്ച്​ നിർത്താൻ മാത്രമാണ്​ കഴിഞ്ഞിട്ടുള്ളതെന്നിരിക്കെ, എപ്പോഴും എവിടെയും പ്രതീക്ഷിക്കാവുന്ന രോഗവ്യാപന ഭീഷണിയുമായി കോവിഡ്​ വർഷങ്ങളോളം മനുഷ്യ സമൂഹത്തി​െൻറ കൂടെത്തന്നെ കാണും.

കൊ​റോണ വൈറസിനെതിരെ 29 വാക്​സിൻ ഗവേഷണങ്ങൾ മനുഷ്യരിലെ പരീക്ഷണ ഘട്ടത്തിലാണെന്ന്​ ലോകാരോഗ്യ സംഘടന കഴിഞ്ഞ ദിവസം പുറത്തുവിട്ട റിപ്പോർട്ടിൽ പറയുന്നു. റഷ്യയിൽ വാക്​സിൻ ഉപയോഗിച്ചു തുടങ്ങിയിരിക്കുന്നു. എന്നാൽ, കോവിഡ്​ വൈറസി​െനതിരെ വാക്​സിനുകളുടെ പ്രതിരോധ ശേഷി എത്രകാലം നില നിൽക്കും എന്നതടക്കമുള്ള കാര്യങ്ങൾ വിശദമായ പരീക്ഷണങ്ങളിലൂടെ മാത്രം ഉറപ്പിക്കാനാകുകയുള്ളുവെന്നും അത്​ കൂടുതൽ സമയം ആവശ്യമായ ഗവേഷണ പ്രവർത്തനമാണെന്നും ഒാക്​സ്​​േഫാർഡിൽ വാക്​സിൻ ഗവേഷണത്തിന്​ നേതൃത്വം നൽകുന്ന സാറാ ഗിൽബർട്ട്​ പറയുന്നു.

മാത്രമല്ല, വാക്​സിനുകൾ ലഭ്യമായാൽ തന്നെയും ആദ്യഘട്ടത്തിൽ ആരോഗ്യ പ്രവർത്തകരടക്കമുള്ള 'ഹൈ റിസ്​ക്​' വിഭാഗത്തിനാണ്​ ലഭ്യമാകുക. വ്യാപകമായി ഉപയോഗിക്കാനാകുന്ന സുരക്ഷിത വാക്​സിനുകൾ അടുത്ത വർഷം അവസാനമാകു​േമ്പാ​ഴേക്ക്​ പ്രതീക്ഷിച്ചാൽ മതിയെന്ന്​ ഫാർമസ്യൂട്ടിക്കൽ കമ്പനിയായ നോവാട്ടിസി​െൻറ സി.ഇ.ഒ വാസ്​ നരസിംഹൻ പറയുന്നു. കോവിഡി​െൻറ പൂർണമായ നിർമാർജനം ഇപ്പോൾ അസാധ്യമാണെന്നും നരസിംഹൻ ചൂണ്ടികാണിക്കുന്നു.

ലോകാരോഗ്യ സംഘടനയുടെ പുതിയ കണക്കനുസരിച്ച്​ കോവിഡ്​ ബാധിതരുടെ എണ്ണം ഇതിനകം രണ്ട്​ കോടിയിലധികമായി. 7.5 ലക്ഷത്തിലധികം ആളുകൾ കോവിഡ്​ ബാധിച്ച്​ മരിച്ചിട്ടുമുണ്ട്​.

ഏറെകാലം കൂടെയുണ്ടാകും

നമുക്ക്​ പരിചിതമല്ലാത്ത വൈറസുകളിൽ നിന്നും ബാക്​ടീരിയകളിൽ നിന്നുമുള്ള രോഗബാധ ഈയടുത്തായി കൂടുകയാണെന്ന്​ എഡിൻബർഗ്​ യൂണിവേഴ്​സിറ്റിയിലെ ദേവി ശ്രീധർ പറയുന്നു. നഗരവൽകരണവും വനനശീകരണവും വന്യജീവികളുമായുള്ള മനുഷ്യരുടെ സമ്പർക്കം വർധിപ്പിച്ചുവെന്നും ഇത്​ കൂടുതൽ വൈറസ്​ ബാധ മനുഷ്യരിലുണ്ടാക്കാൻ കാരണമായെന്നും ദേവി ചൂണ്ടികാട്ടുന്നു.

വന്യജീവിതവുമായുള്ള സമ്പർക്കം കുറക്കുന്നതിനുള്ള നടപടികളെടുത്തില്ലെങ്കിൽ പുതിയ വൈറസുകളുടെ വ്യാപനത്തിനും സാധ്യത ഉണ്ടെന്ന്​ ലണ്ടൻ ഇംപീരിയൽ കോളജിലെ നീൽ ഫെർഗൂസൺ പറയുന്നു.

സാമൂഹിക വ്യാപന സാധ്യതയുള്ള വൈറസ്​ രോഗങ്ങൾ മനുഷ്യ സമൂഹത്തിന്​ ഉയർത്തുന്ന ഭീഷണി വർധിക്കുന്ന സാഹചര്യത്തിൽ ആസൂത്രിതമായ നടപടികൾ ഭരണകൂടങ്ങൾ തന്നെ നടപ്പാക്കണമെന്നാണ്​​ വിദഗ്​ധർ ചൂണ്ടികാണിക്കുന്നത്​. ആരോഗ്യ ഗവേഷണ രംഗത്തും ചികിത്സാ രംഗത്തും സർക്കാറുകൾ തന്നെ മുതൽ മുടക്കുന്ന സാഹചര്യമുണ്ടായില്ലെങ്കിൽ ഭാവി വെല്ലുവിളി നിറഞ്ഞതായിരുക്കും.