കോവിഡ്​ വാക്​സിൻ നവംബർ മൂന്നിന്​ മുമ്പായി പുറത്തിറക്കുമെന്ന്​ ട്രംപ്​

വാഷിങ്​ടൺ: കോവിഡ് പ്രതിരോധ​ വാക്​സിൻ നവംബർ മൂന്നിന്​ മുമ്പായി പുറത്തിറക്കാൻ കഴിഞ്ഞേക്കുമെന്ന അവകാശവാദവുമായി അമേരിക്കൻ പ്രസിഡൻറ്​ ഡോണൾഡ്​ ട്രംപ്​ രംഗത്ത്​. വാക്​സിൻ എന്ന്​ പുറത്തിറക്കുമെന്ന് ? ഒരു​ റേഡിയോ അഭിമുഖത്തിൽ ഉയർന്ന ചോദ്യത്തിന്​ മറുപടിയായാണ്​ പ്രസിഡൻറ്​ തെരഞ്ഞെടുപ്പിന്​ മുമ്പായി പുറത്തിറക്കുമെന്ന്​ ട്രംപ്​ പറഞ്ഞത്​. അതേസമയം വൈറ്റ്​ ഹൗസ്​ ഉദ്യോഗസ്ഥർ പലതവണയായി പറഞ്ഞ തീയതികൾക്കും​ ഏറെ നേരത്തെയാണ്​ ട്രംപി​െൻറ വാക്​സിൻ പ്രഖ്യാപനം എന്നതും ശ്രദ്ധേയമാണ്​.

'ഈ വര്‍ഷം അവസാനിക്കുന്നതിന്​ മുമ്പായി തന്നെ വാക്‌സിനുണ്ടാകും. ചിലപ്പോള്‍ വളരെ പെട്ടെന്ന് തന്നെ.' നവംബര്‍ മൂന്നിന്​ നടക്കുന്ന തെരഞ്ഞെടുപ്പിനു മുമ്പായി ഉണ്ടാകുമോ ? എന്ന അവതാരക​െൻറ ചോദ്യത്തിന്​, 'ചിലപ്പോള്‍ അതിനും സാധ്യതയുണ്ടെന്ന്​' ട്രംപ് മറുപടി നൽകി. അമേരിക്കൻ പ്രസിഡൻറ്​ പദവിയിൽ രണ്ടാം ഉൗഴം കാത്തിരിക്കുകയാണ്​ ട്രംപ്.​ ലോക്​ഡൗൺ മൂലം വലിയ സാമ്പത്തികപ്രതിസന്ധിയിലായ രാജ്യം കോവിഡിൽ നിന്നും മുക്​തമാകാനുള്ള കഠിന പരിശ്രമത്തിലാണ്​.

ഒക്ടോബറിൽ രാജ്യത്ത് കൂട്ട വാക്സിനേഷൻ ക്യാമ്പെയിൻ നടത്തുമെന്ന്​ റഷ്യ പ്രഖ്യാപിച്ചതിന്​ പിന്നാലെയാണ്​ ട്രംപി​െൻറ അവകാശവാദം. രാജ്യം വികസിപ്പിച്ച കോവിഡ് പ്രതിരോധ വാക്സി​െൻറ ക്ലിനിക്കൽ പരീക്ഷണഘട്ടം പൂർത്തിയായെന്നും ഒക്ടോബറിൽ രാജ്യത്ത് കൂട്ട വാക്സിനേഷൻ കാമ്പെയിൻ നടത്തുമെന്നും റഷ്യൻ ആരോഗ്യമന്ത്രി മിഖായിൽ മുറഷ്കോയായിരുന്നു​ അറിയിച്ചത്​ .