Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightരോഗികളല്ലാത്ത 51...

രോഗികളല്ലാത്ത 51 പേർക്ക്​ ‘കോവിഡ്’; ഇസ്രായേലിൽ ലാബ്​ പ്രവർത്തനം നിർത്തി

text_fields
bookmark_border
രോഗികളല്ലാത്ത 51 പേർക്ക്​ ‘കോവിഡ്’; ഇസ്രായേലിൽ ലാബ്​ പ്രവർത്തനം നിർത്തി
cancel

ടെൽ അവീവ്​: രോഗികളല്ലാത്ത 51 പേർക്ക്​ ഇസ്രായേലിലെ ലാബ്​ നൽകിയത്​ കോവിഡ്​ ​പോസിറ്റിവ്​ റിസൽട്ട്. ഇവരിൽ രോഗ ലക്ഷണം കാണാത്തതിനെ തുടർന്ന്​ പുനഃപരിശോധന ​നടത്തിയപ്പോൾ 51 പേരും നെഗറ്റിവ്​. ഇതേതുടർന്ന്​ ലാബിലെ കോവിഡ്​ പര ിശോധന സർക്കാർ നിർത്തിവെപ്പിച്ചു.

ഇസ്രായേലിലെ പ്രശസ്​തമായ റെഹോവോട്ടിലെ വെയ്സ്മാൻ ഇൻസ്റ്റിറ്റ്യൂട്ട് ഓഫ ് സയൻസ്​ ലബോറട്ടറിയാണ്​ തെറ്റായ റിസൽട്ട്​ നൽകിയത്​. രണ്ട് നഴ്സിങ്​ ഹോമുകളിലെ താമസക്കാരുടെ കോവിഡ്​ പരിശോധന ഫലമാണ്​ തെറ്റിയത്​. അഷ്‌കെലോണിലെ സെഹാവിറ്റ് നഴ്‌സിങ്​ ഹോമിൽ നിന്നുള്ള 29 പേർക്ക്​ വ്യാഴാഴ്ച രാത്രിയാണ്​ പോസിറ്റിവ് ആണെന്ന്​ ലാബ്​ കണ്ടെത്തിയത്​. എന്നാൽ, ഇവരിൽ ആർക്കും ലക്ഷണങ്ങൾ പ്രകടമായില്ല. ഇതോടെ​ സംശയം ഉയരുകയായിരുന്നു.

വെള്ളിയാഴ്ച ബൈത്ത്​ ഹദർ അഷ്ദോദ്​ വൃദ്ധസദനത്തിലെ 22 ​പേർക്കും കൊറോണ പോസിറ്റിവ് കണ്ടെത്തി. ഇവരുടെയും സ്​ഥിതി സമാനമായിരുന്നു. തുടർന്ന്​ പുറത്തുള്ള ലാബിൽ സാമ്പിൾ പരിശോധിച്ചപ്പോൾ 51 പേർക്കും ​രോഗമില്ലെന്ന്​ തെളിഞ്ഞു. ഉടൻ ആരോഗ്യ മന്ത്രാലയം ഇടപെട്ട്​ വെയ്സ്മാൻ ഇൻസ്റ്റിറ്റ്യൂട്ടിലെ കോവിഡ്​ പരിശോധന നിർത്തിവെപ്പിക്കുകയായിരുന്നു.

എന്നാൽ, ആരോഗ്യ മന്ത്രാലയത്തി​ന്റെ നിർദേശങ്ങൾ അനുസരിച്ചാണ്​ കേസ്​ പോസിറ്റിവാണെന്ന്​ സ്​ഥിരീകരിച്ചതെന്ന്​ ലാബ്​ അധികൃതർ പറഞ്ഞു. "വെയ്സ്മാൻ ഇൻസ്റ്റിറ്റ്യൂട്ട് ഓഫ് സയൻസ് ആരോഗ്യ മന്ത്രാലയത്തി​ന്റെ മേൽനോട്ടത്തിലും ഉത്തരവാദിത്തത്തിലും പ്രവർത്തിക്കുന്ന നൂതന ലബോറട്ടറിയാണ്​. ആരോഗ്യ മന്ത്രാലയത്തി​​​​െൻറ വ്യക്തമായ മാർഗനിർദേശങ്ങൾ അനുസരിച്ചാണ്​ ബോർഡർ ലൈനിലുള്ള ഫലങ്ങൾ പോസിറ്റിവ് ആണെന്ന് നിർണ്ണയിച്ചത്​ " -ലാബ്​ അധികൃതർ പറഞ്ഞതായി ദി ജറുസലം പോസ്​റ്റ്​ റിപ്പോർട്ട്​ ചെയ്​തു.

ലാബിൽനിന്ന്​ മുമ്പ്​ ​കോവിഡ്​ സ്​ഥിരീകരിച്ചവരുടെ സാമ്പിളുകൾ വീണ്ടും പരിശോധിക്കുമെന്ന് ആരോഗ്യ മന്ത്രാലയ വക്താവ് പറഞ്ഞു. പരിശോധനയിൽ പിഴവുസംഭവിച്ചതായാണ്​ സംശയിക്കുന്നത്​. വിശദമായ അന്വേഷണം നടത്തും. രോഗികളുടെ പരിചരിക്കുന്നവരുടെയും സാമ്പിളുകൾ വീണ്ടും പരിശോധിക്കും- അധികൃതർ പറഞ്ഞു.

Show Full Article
TAGS:covid 19 Weizmann Institute Israel 
Web Title - COVID-19 testing halts at Weizmann Institute after 51 false positives
Next Story