വൈറസ്​ ഒരു മണിക്കൂർ വരെ വായുവിൽ തങ്ങി നിൽക്കും; ആറടി വരെ സഞ്ചരിക്കുമെന്നും യു.എസ്​ പഠനം

വാഷിങ്​ടൺ: കോവിഡ്​ രോഗിയിൽ നിന്ന്​ പുറത്തുവരുന്ന കൊറോണ വൈറസ്​ കണങ്ങൾ ഒരു മണിക്കൂർ വരെ വായുവിൽ തങ്ങി നിന്നേക്കാ​മെന്ന്​ പഠനം. വൈറസുകൾ ആറടി ദൂരം വരെ സഞ്ചരിക്കുമെന്നും ഇത്​ രണ്ടും രോഗവ്യാപനത്തിന്​ കാരണമാകുമെന്നും യു.എസ് സെ​േന്‍റ​​ഴ്​സ്​ ഫൊർ ഡിസീസ് കൺട്രോൾ ആൻഡ് പ്രിവൻഷന്‍റെ പുതിയ മാർഗനിർദേശങ്ങളിലാണ് ഈ വെളിപ്പെടുത്തലുകളുള്ളത്​.

ഒരുമാസം മുമ്പ്​ രാജ്യാന്തര മെഡിക്കൽ ജേണൽ ആയ ലാൻസെറ്റ് വായുവിലൂടെ രോഗം പകരുമെന്ന് നൽകിയ മുന്നറിയിപ്പിനെ ശരിവെക്കുന്ന കാര്യങ്ങളാണ്​ മാർഗനിർദേശങ്ങളിലുള്ളത്​. മൂന്നു മുതൽ ആറ് വരെ അടി ദൂരത്തിൽ വൈറസിന് സഞ്ചരിക്കാൻ സാധിക്കുമെന്നാണ്​ പഠനത്തിൽ കണ്ടെത്തിയിരിക്കുന്നത്​. ഇത്​ രോഗവ്യാപന സാധ്യത വർധിപ്പിക്കും. കോവിഡ്​ ബാധിച്ചയാൾ ശക്തിയായി ഉച്ഛ്വസിക്കുമ്പോഴും സംസാരിക്കുമ്പോ​ഴും പാട്ടു പാടുമ്പോ​​ഴും ചുമയ്ക്കുമ്പോഴും വ്യായാമം ചെയ്യുമ്പോഴുമെല്ലാം വൈറസ് പുറത്തുവരും.

ഈ വൈറസിന്​ 15 മിനിറ്റ്​ മുതൽ ഒരു മണിക്കൂർ വരെ വായുവിൽ തങ്ങി നിൽക്കാൻ കഴിയും. ഇതിന്​ ആറടി വരെ സഞ്ചരിക്കാനും കഴിയുന്നതിനാൽ അവിടെ നിൽക്കുന്നവരിലേക്കും അതിലുടെ സഞ്ചരിക്കുന്നവരിലേക്കും വൈറസ്​ പടരുന്നതിന്​ സാധ്യതയേറെയാണെന്നും പഠനം ചൂണ്ടിക്കാട്ടുന്നു. സാമൂഹിക അകലം പാലിക്കുക, ഇരട്ട മാസ്​ക്​ ഉപയോഗിക്കുക, അടച്ചിട്ട മുറികളിൽ ആൾക്കൂട്ടം ഒഴിവാക്കുക തുടങ്ങിയ മാർഗങ്ങളാണ്​ വായുവിലൂടെ രോഗം പടരുന്നത്​ തടയുന്നതിനായി യു.എസ് സെ​േന്‍റ​​ഴ്​സ്​ ഫൊർ ഡിസീസ് കൺട്രോൾ ആൻഡ് പ്രിവൻഷൻ നിർദേശിക്കുന്നത്​.