യു.എസിൽ ​ലോക്​ഡൗൺ പിൻവലിക്കാനൊരുങ്ങി ട്രംപ്​

വാഷിങ്​ടൺ: കോവിഡ്​-19 മൂലം യു.എസിൽ ആളുകൾ പിടഞ്ഞുമരിക്കു​േമ്പാഴും ലോക്​ഡൗൺ പിൻവലിക്കാൻ ധൃതി കൂട്ടി പ്രസിഡൻറ് ​ ഡോണൾഡ്​ ട്രംപ്​. രാജ്യം അടച്ചുപൂട്ടുന്നത്​ സാമ്പത്തികപരമായി വൻ തകർച്ചയിലേക്കു നയിക്കുമെന്ന്​ കണ്ടാണ്​ ട് രംപി​​​െൻറ ധൃതി കൂട്ടൽ. ലോകം മുഴുവൻ കോവിഡിനെ നേരിടാൻ വേണ്ട നടപടികളെല്ലാം ചെയ്യു​േമ്പാഴാണ്​ ട്രംപി​​​െൻറ നീ ക്കം. യു.എസിലെ ആരോഗ്യവിദഗ്​ധരുടെ മുന്നറിയിപ്പുകൾക്ക്​ ട്രംപിന്​ പുല്ലുവിലയാണ്​.

നേരത്തേ ബ്രസീൽ പ്രസിഡൻ റ്​ ജയ്ർ ബൊൽസൊനാരോയും ഇതേ പോലെ പ്രസ്​താവന നടത്തിയിരുന്നു. ലോക്​ഡൗണിനു പകരം രോഗബാധിതരെ പരിചരിക്കാൻ ആവശ് യമുള്ള അയക്കാനാണ്​ നിർശേം.
ട്രംപിനെതിരെ ശതകോടീശ്വരൻ ബിൽഗേറ്റ്​സ്​ ഉൾപ്പെടെയുള്ളവർ രംഗത്തുവന്നിട്ടുണ്ട ്​. ലോക്​ഡൗൺ അവസാനിപ്പിക്കാനുള്ള തീരുമാനം നിരുത്തരവാദപരം എന്നായിരുന്നു ഗേറ്റ്​സി​​​െൻറ അഭിപ്രായം. ലോക്​ഡ ൗൺ സമ്പദ്​ വ്യവസ്​ഥയെ സാരമായി ബാധിക്കും. എന്നാൽ കോവിഡിനെ നേരിടാൻ ഇതല്ലാതെ മറ്റ്​ മാർഗമില്ലെന്നും ഗേറ്റ്​സ്​ ചൂണ്ടിക്കാട്ടി. ശനിയാഴ്​ച രാത്രിയാണ്​ ലോക്​ഡൗൺ പിൻവലിക്കുമെന്ന്​ ട്വിറ്ററിലൂടെ ട്രംപ്​ പ്രഖ്യാപിച്ചത്​. പകരം ന്യൂയോർക്​, കണക്​ടിക്കുട്ട്​, ന്യൂജഴ്​സി തുടങ്ങി കോവിഡ്​ ഏറ്റവും നാശംവിതച്ച സംസ്​ഥാനങ്ങളിലേക്ക്​ യാത്രവിലക്ക്​ ശക്തമാക്കുമെന്നും പ്രസ്​താവിച്ചു. യു.എസിലാണ്​ ഏറ്റവും കൂടുതൽ വൈറസ്​ ബാധിതരുള്ളത്​. മരണം 2000 കടന്നിരിക്കയാണ്​.

അതിനിടെ, ട്രംപി​​​െൻറ നിർദേശം അപകടം ക്ഷണിച്ചുവരുത്തുന്നതാണെന്ന്​ ന്യൂയോർക്​ ഗവർണർ ആൻഡ്ര്യൂ കുവോമോ ചൂണ്ടിക്കാട്ടി.

ബ്രിട്ടനിലെ കോവിഡിനെ ചെറുത്തു തോൽപിക്കാൻ വീട്ടിൽ തന്നെ കഴിയണമെന്നാവശ്യപ്പെട്ട്​ പ്രധാനമന്ത്രി ബോറിസ്​ ജോൺസൺ ജനങ്ങൾക്ക്​ കത്തെഴുതി. കോവിഡ്​ സ്​ഥിരീകരിച്ച്​ ചികിത്​സയിൽ കഴിയുകയാണ്​ ബോറിസ്​.
കോവിഡിനെ പ്രതിരോധിക്കാനുള്ള നടപടികൾ അദ്ദേഹം കത്തിൽ അക്കമിട്ട്​ നിരത്തുന്നുണ്ട്​. യു.കെയിൽ കോവിഡ്​ മൂലം മരിച്ചവരുടെ എണ്ണം 1228 ആയി. 17000ത്തിൽ പരം ആളുകൾക്ക്​ വൈറസ്​ ബാധിച്ചു.

ഇറ്റലിയിൽ മരണം 10,000കവിഞ്ഞിരിക്കയാണ്​. ഇതു വ​രെ 51 ഡോക്​ടർമാരാണ്​ മരിച്ചത്​. കോവിഡ്​ തടയാൻ സർക്കാർ ഫലപ്രദമായ മാർഗങ്ങൾ സ്വീകരിക്കുന്നില്ലെന്നവിമർശനങ്ങളെ ഇറ്റാലിയൻ ഡെപ്യൂട്ടി ആരോഗ്യമന്ത്രി തള്ളി. സർക്കാർ അടിയന്തരമായി എല്ലാം ചെയ്യുന്നുണ്ട്​.-അദ്ദേഹം പറഞ്ഞു.

ഞങ്ങൾക്ക്​ വിശക്കുന്നു
ഇറ്റലിയിലെ സിസിലിയിൽ വിശപ്പ്​ സഹിക്കാൻ കഴിയാതെ ആളുകൾ സൂപ്പർമാർക്കറ്റുകൾ കൊള്ളയടിച്ചു. തുടർന്ന്​ പൊലീസ്​ ലാത്തിയും തോക്കും ഉപയോഗിച്ച്​ ആളുകളെ നേരിടുകയായിരുന്നു. കടകളിലെത്തിയ ആളുകൾ കൈയിൽ പണമില്ലെന്നും വിശപ്പുമാറ്റാൻ സാധനങ്ങൾ വേണമെന്നും ആവശ്യപ്പെടുകയായിരുന്നു. ചില കടകളിൽ നിന്ന്​ ആളുകൾ നിർബന്ധപൂർവം സാധനങ്ങൾ എടുത്തുകൊണ്ടുപോവുകയും ചെയ്​തു. മാർച്ച്​ 12 മുതൽ മുതൽ രാജ്യം മുഴുവൻ സമ്പൂർണ അടച്ചുപൂട്ടലിലാണ്​.

ബ്രിട്ടനിൽ ജൂൺ അവസാനം വരെ ലോക്​ഡൗൺ തുടരാനാണ്​ തീരുമാനം. സ്​പെയിനിൽ മരണം 6528 ആയ സാഹചര്യത്തിൽ ലോക്​ഡൗൺ കൂടുതൽ കർശനമാക്കാൻ തീരുമാനിച്ചു. അത്യാവശ്യമല്ലാത്ത ജീവനക്കാർ ഒഴികെയുള്ളവർ​ രണ്ടാഴ്​ചത്തേക്ക്​ വീട്ടിൽ നിന്ന്​ പുറത്തിറങ്ങരുതെന്നാണ്​ നിർദേശം. 24 മണിക്കൂറിനിടെ 834 മരണമാണ്​ സ്​പെയിനിൽ റിപ്പോർട്ട്​ ചെയ്​തത്​.

ട്രൂഡോയുടെ ഭാര്യ സുഖംപ്രാപിച്ചു
കോവിഡ്​ ബാധയെ തുടർന്ന് ചികിത്സയിലായിരുന്ന കനേഡിയൻ പ്രധാനമന്ത്രി ജസ്​റ്റിൻ ട്രൂഡോയുടെ ഭാര്യ സോഫി ഗ്രിഗറി ട്രൂഡോ സുഖം പ്രാപിച്ചതായി റിപ്പോർട്ട്. സമൂഹമാധ്യമത്തിലൂടെ സോഫിതന്നെയാണ് ഇക്കാര്യം അറിയിച്ചത്. ഒാട്ടവ പബ്ലിക് ഹെൽത്ത് വിഭാഗവും സോഫിയുടെ ഡോക്ടറും ഈ വിവരം സ്ഥിരീകരിച്ചു. മാർച്ച് 12നാണ് ഭാര്യക്ക്​ കോവിഡ്​ ബാധ സ്ഥിരീകരിച്ചെന്ന വാർത്ത പ്രധാനമന്ത്രി ജസ്​റ്റിൻ ട്രൂഡോ പുറത്തുവിട്ടത്. തുടർന്ന് ട്രൂഡോയും മൂന്നു കുട്ടികളും സ്വയം നിരീക്ഷണത്തിൽ കഴിയുകയായിരുന്നു. ട്രൂഡോക്ക്​ രോഗ ലക്ഷണങ്ങളൊന്നുമില്ലെങ്കിലും മുൻ കരുതലി‍​​െൻറ ഭാഗമായി പൊതു സമ്പർക്കമൊഴിവാക്കി ഐസൊലേഷൻ തെരഞ്ഞെടുക്കുകയായിരുന്നു.

​െഎസൊലേഷനിൽ ഹാപ്പി ബർത്​ഡേ
ലോകത്തെ ഏറ്റവും പ്രായമുള്ള പുരുഷന്​ ഐസൊലേഷനിൽ 112ാം ജന്മദിനം. എൻജിനീയറും അധ്യാപകനുമായിരുന്ന ബോബ്​ വെയിങ്​ടൻ​ ബ്രിട്ടനിലെ വീട്ടിൽ ഐസൊലേഷനിലാണ്​. അത്​കൊണ്ട്​​ 112ാം ജന്മദിനം ആഘോഷങ്ങളില്ലാതെ കടന്നുപോയി.

പിഞ്ചുകുഞ്ഞ്​ കോവിഡ്​ ബാധിച്ച്​ മരിച്ചു
യു.എസിൽ കോവിഡ്​ ബാധിച്ച്​ പിഞ്ചുകുഞ്ഞ്​ മരിച്ചു. ആഗോള മഹാമാരി ബാധിച്ച്​ ശിശു മരിക്കുന്നത്​ ഇതാദ്യമായാണ്​. യു.എസിലെ ഷികാഗോയിലാണ്​ സംഭവം. കുഞ്ഞിന്​​ കോവിഡ്​ -19 പോസിറ്റിവായിരുന്നു.
മരണകാരണം കോവിഡ്​ തന്നെയാണോ എന്നുറപ്പിക്കാൻ അന്വേഷണം നടത്തുമെന്ന്​ ഗവർണർ ജെ.ബി. പ്രിറ്റ്സ്​കർ അറിയിച്ചു. കുഞ്ഞുങ്ങളിൽ കോവിഡ്​ രോഗ ബാധ അപൂർവമായി മാത്ര​മേ മൂർച്ഛിക്കാറുള്ളൂവെന്ന്​ ആരോഗ്യ വിഭാഗം വ്യക്തമാക്കി.